സുസ്ഥിരമായ കോർപ്പറേറ്റ് വരുമാനം, കുറഞ്ഞുവരുന്ന പണപ്പെരുപ്പം, വിദേശ നിക്ഷേപകരുടെ മെച്ചപ്പെടുന്ന താൽപര്യം എന്നിവയുടെ പിന്തുണയിൽ 2026-ൽ ഇന്ത്യൻ ഓഹരി വിപണികൾ കരുത്ത് നിലനിർത്തുന്നു. ആഗോള തലത്തിലെ അനിശ്ചിതത്വങ്ങൾ വിപണി വികാരത്തെ ഇടയ്ക്കിടെ ബാധിക്കുന്നുണ്ടെങ്കിലും, ആഭ്യന്തര സാമ്പത്തിക അടിസ്ഥാന ഘടകങ്ങൾ ശക്തമായി തുടരുകയാണ്. ലാർജ് ക്യാപ് ഓഹരികൾ മുന്നേറ്റത്തിന് നേതൃത്വം നൽകുമ്പോൾ, തിരഞ്ഞെടുത്ത മിഡ്, സ്മോൾ ക്യാപ് ഓഹരികളും മികച്ച പ്രകടനം കാഴ്ചവയ്ക്കുന്നു.

ഈ സാഹചര്യത്തിൽ, പ്രധാനമായും മിഡ് ക്യാപ് കമ്പനികളിൽ നിക്ഷേപിക്കുന്ന ഇൻവെസ്കോ ഇന്ത്യ മിഡ്ക്യാപ് ഫണ്ട് ദീർഘകാല വളർച്ചാ സാധ്യതകൾ പ്രയോജനപ്പെടുത്താൻ ലക്ഷ്യമിടുന്നു. 2007 ഏപ്രിൽ 19ന് ആരംഭിച്ച ഫണ്ട് വിവിധ വിപണി സാഹചര്യങ്ങളിലും മികച്ച ദീർഘകാല പ്രകടനം കാഴ്ചവച്ചിട്ടുണ്ട്.

2026 ജൂലൈ 31 വരെയുള്ള കണക്കനുസരിച്ച്, ബി.എസ്.ഇ. 150 മിഡ്ക്യാപ് ടി.ആർ.ഐയുടെ 17.94 ശതമാനത്തേക്കാൾ ഉയർന്ന 24.04 ശതമാനം 3 വർഷത്തെ സിഎജിആർ ഫണ്ട് രേഖപ്പെടുത്തി. 5 വർഷത്തിൽ 19.17 ശതമാനവും 10 വർഷത്തിൽ 18.21 ശതമാനവും തുടക്കം മുതൽ 16.73 ശതമാനവുമാണ് സിഎജിആർ. തുടക്കത്തിൽ നിക്ഷേപിച്ച 10,000 രൂപ 1,36,272 രൂപയായി വളർന്നേനേ.

എസ്ഐപി നിക്ഷേപങ്ങളിലും ഫണ്ട് മികച്ച നേട്ടം രേഖപ്പെടുത്തി. 3 വർഷത്തിൽ 18.68 ശതമാനം, 5 വർഷത്തിൽ 21.35 ശതമാനം, 7 വർഷത്തിൽ 23.15 ശതമാനം, 10 വർഷത്തിൽ 20.37 ശതമാനം എന്നിങ്ങനെയാണ് എക്സ്ഐആർആർ.

20 വർഷത്തെ നിക്ഷേപ പരിചയമുള്ള ആദിത്യ ഖേമാനിയാണ് 2023 നവംബർ മുതൽ ഫണ്ട് കൈകാര്യം ചെയ്യുന്നത്. സുസ്ഥിരമായ വരുമാന വളർച്ചയും ദീർഘകാല മൂല്യസാധ്യതയും ഉള്ള ഗുണനിലവാരമുള്ള മിഡ് ക്യാപ് കമ്പനികളെ കണ്ടെത്തുന്നതിലാണ് ഫണ്ടിന്റെ പ്രധാന ശ്രദ്ധ.