- Trending Now:
Sections
Sections
മുംബൈ: സ്വതന്ത്ര ജ്വല്ലറി ഗ്രേഡിംഗ്, അക്രഡിറ്റേഷൻ സേവനദാതാക്കളായ ഇന്റർനാഷണൽ ജെമ്മോളജിക്കൽ ഇൻസ്റ്റിറ്റ്യൂട്ട് ലിമിറ്റഡ് (ഐജിഐ), 2026 മാർച്ചിൽ അവസാനിച്ച പാദത്തിൽ മികച്ച സാമ്പത്തിക നേട്ടം കൈവരിച്ചു. മുൻവർഷത്തെ ഇതേ പാദവുമായി താരതമ്യം ചെയ്യുമ്പോൾ കമ്പനിയുടെ വരുമാനത്തിലും ഇബിഐടിഡിഎയിലും 21 ശതമാനത്തിന്റെ വളർച്ച രേഖപ്പെടുത്തി. സ്വാഭാവിക വജ്രങ്ങൾ, ലാബ്-ഗ്രോൺ വജ്രങ്ങൾ, എൽജിഡി ആഭരണങ്ങൾ എന്നീ മേഖലകളിലെ മുന്നേറ്റമാണ് ഇതിന് കരുത്തായത്.
ഈ പാദത്തിൽ പ്രവർത്തന വരുമാനം 3,686 ദശലക്ഷം രൂപയും ഇബിഐടിഡിഎ 2,360 ദശലക്ഷം രൂപയുമാണ്. അറ്റാദായം 28% വളർച്ചയോടെ 1,796 ദശലക്ഷം രൂപയായി ഉയർന്നു. സാമ്പത്തിക വർഷ ഘടനയിലെ മാറ്റം കാരണം ഇത്തവണത്തെ റിപ്പോർട്ടിംഗ് കാലയളവ് 15 മാസങ്ങളാണ്. ഈ 15 മാസക്കാലയളവിൽ ആകെ വരുമാനം 18 ശതമാനവും ഇബിഐടിഡിഎ 22 ശതമാനവും വർദ്ധിച്ചു.
ഈ പാദത്തിൽ പ്രശസ്തമായ എജിഎൽ കമ്പനിയെ ഏറ്റെടുക്കാൻ സാധിച്ചത് ഐജിഐയുടെ ആഗോള സാന്നിധ്യം ശക്തമാക്കാനും വജ്രങ്ങൾക്ക് പുറമെ മറ്റ് രത്നങ്ങളുടെ സർട്ടിഫിക്കേഷനിലേക്ക് സേവനങ്ങൾ വ്യാപിപ്പിക്കാനും സഹായിക്കുമെന്ന് ഐജിഐ സിഇ തെഹ്മാസ്പ് പ്രിന്റർ പറഞ്ഞു.
ഇന്ത്യയിലെ വർദ്ധിച്ചുവരുന്ന ആളോഹരി വരുമാനവും ലാബ്-ഗ്രോൺ വജ്രങ്ങളുടെ (എൽജിഡി) ആഗോള സ്വീകാര്യതയും വിപണിയിൽ കമ്പനിക്ക് വലിയ അവസരങ്ങളാണ് നൽകുന്നത്.
The Local Economy is an online business news portal based in Kerala. International, national and local news related to business will reach the.
More..
ThelocalEconomy.in Copyright (c) 2026. All Rights Reserved.
.png)
.png)
ഇവിടെ പോസ്റ്റു ചെയ്യുന്ന അഭിപ്രായങ്ങൾ THE LOCAL ECONOMY ടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.