• പുതിയ കമ്പനിയായ നാവിക് ടെക്നോളജി ആഗോള വ്യോമയാനം, ക്രൂയിസ്, ഹോസ്പിറ്റാലിറ്റി,
• ലോജിസ്റ്റിക്സ്, ഓൺലൈൻ യാത്രാ വ്യവസായം എന്നിവയിൽ എഐ-അധിഷ്ഠിത മാറ്റം കൊണ്ടുവരും

തിരുവനന്തപുരം: ആഗോള യാത്രാ വ്യവസായ മേഖലയിലെ വളർച്ച ലക്ഷ്യമിട്ട് നാവിക് ടെക്നോളജി എന്ന പുതിയ വെർട്ടിക്കൽ എഐ കമ്പനി പ്രഖ്യാപിച്ച് ഐബിഎസ് സോഫ്റ്റ്വെയർ ഗ്രൂപ്പ്. ലോകമെമ്പാടുമുള്ള ട്രാവൽ-ടെക് വ്യവസായത്തിലെ നേതൃസ്ഥാനത്തിലേക്കുള്ള ഐബിഎസിൻറെ ദീർഘകാല പ്രവർത്തനങ്ങളിലെ സുപ്രധാന നാഴികക്കല്ലാണ് നാവിക്.

പ്രവർത്തന കാര്യക്ഷമത മെച്ചപ്പെടുത്തുന്നതിലൂടെയും, അന്തിമ ഉപഭോക്തൃ അനുഭവങ്ങൾ വ്യക്തിഗതമാക്കുന്നതിലൂടെയും, പുതിയ വരുമാന അവസരങ്ങൾ തുറക്കുന്നതിലൂടെയും ഉപഭോക്താക്കളെ അവരുടെ ബിസിനസ് പരിവർത്തനം ചെയ്യുന്നതിന് നാവിക് സഹായിക്കുന്നതിനായി ഐബിഎസിൻറെ യാത്രാ വ്യവസായ വൈദഗ്ധ്യത്തെ എഐ-ഫസ്റ്റ് ഇന്നൊവേഷനിലൂടെ നാവിക് ടെക്നോളജി പ്രയോജനപ്പെടുത്തും. ഐബിഎസിലെ അനുബന്ധ കമ്പനികളിൽ നിന്ന് സ്വതന്ത്രമായാണ് നാവിക് ടെക്നോളജി പ്രവർത്തിക്കുക.

യാത്രാ വ്യവസായ മേഖലയിലെ ക്ലയൻറുകൾക്ക് ബിസിനസ് മൂല്യം നൽകുന്നതിൽ മുൻനിരയിലുള്ള ഐബിഎസ് നാവികിന് തുടക്കമിടുന്നതോടെ ഈ മേഖലയിൽ പതിറ്റാണ്ടുകളുടെ അനുഭവസമ്പത്തും എഐയുടെ സാധ്യതയും സംയോജിപ്പിച്ച് ബിസിനസ് ഫലങ്ങൾ വർധിപ്പിക്കാനാകും. ആഗോളതലത്തിലെ പ്രമുഖ എയർലൈനുകൾ, വിമാനത്താവളങ്ങൾ, ക്രൂയിസ് ലൈനുകൾ, വെക്കേഷൻ പ്രൊവൈഡേഴ്സ്, ഹോസ്പിറ്റാലിറ്റി ഗ്രൂപ്പുകൾ എന്നിവയുമായി സഹകരിച്ച് വലിയ ബിസിനസ് പരിവർത്തനങ്ങൾക്ക് നേതൃത്വം നൽകുക, പ്രവർത്തനങ്ങൾ ആധുനികവൽക്കരിക്കുക, പുതിയ വരുമാന സ്രോതസ്സുകൾ സൃഷ്ടിക്കുന്നതിനായി എഐ സ്വീകരിക്കുക, മൂല്യനിർണ്ണയ സമയം കുറയ്ക്കുക എന്നിവയ്ക്കായി നാവിക് ടെക്നോളജി പ്രവർത്തിക്കും.

ലോകമെമ്പാടുമായി 16-ലധികം ഓഫീസുകൾ നാവിക് ടെക്നോളജിക്കായി ഇതിനകം സ്ഥാപിച്ചിട്ടുണ്ട്. ഇതിൻറെ പ്രവർത്തനം ഉടൻ ആരംഭിക്കും. കൊച്ചി ഇൻഫോപാർക്കിൽ നാവിക് ടെക്നോളജിയുടെ പുതിയ കാമ്പസ് മുഖ്യമന്ത്രി വി.ഡി സതീശൻ ജൂലൈ 23 ന് ഉദ്ഘാടനം ചെയ്യും.

ഐബിഎസ് സോഫ്റ്റ്വെയറിൻറെ ആഗോള ഉപഭോക്തൃ ശൃംഖലയെയും യാത്രാ വ്യവസായത്തിലെ പതിറ്റാണ്ടുകളുടെ അനുഭവസമ്പത്തും പ്രയോജനപ്പെടുത്തുന്ന സ്വതന്ത്ര ബിസിനസ് സ്ഥാപനമായി പുതിയ കമ്പനി പ്രവർത്തിക്കും. ലോകമെമ്പാടുമുള്ള പുതു തലമുറ ട്രാവൽ ടെക്നോളജി പ്രൊഫഷണലുകളെ ആകർഷിക്കുന്നതിനാണ് നാവിക് ടെക്നോളജി രൂപകൽപ്പന ചെയ്തിരിക്കുന്നത്. എഐ ഗവേഷകർ, ഡാറ്റാ ശാസ്ത്രജ്ഞർ, എഐ വിദഗ്ധർ തുടങ്ങിയവർക്ക് ഈ മേഖലയിൽ പ്രവർത്തിക്കാൻ ഇത് അവസരമൊരുക്കുന്നു.

ആഗോള യാത്രാ വ്യവസായം ഒരു വഴിത്തിരിവിലാണെന്നും ഈ മേഖലയിലെ സ്ഥാപനങ്ങൾ ഭാവിയിലെ വിജയം ലക്ഷ്യമാക്കിയുള്ള മികച്ച പ്രവർത്തനവഴികൾ തേടുകയാണെന്നും പുതിയ കമ്പനി പ്രഖ്യാപിച്ചുകൊണ്ട് നടത്തിയ വാർത്താസമ്മേളനത്തിൽ ഐബിഎസ് ഗ്രൂപ്പ് സ്ഥാപകനും എക്സിക്യൂട്ടീവ് ചെയർമാനുമായ വി.കെ മാത്യൂസ് പറഞ്ഞു. ആഗോള യാത്രാ വ്യവസായ മേഖലയിലെ സങ്കീർണ്ണതകൾ മനസ്സിലാക്കുകയും വെല്ലുവിളികൾ മുൻകൂട്ടി കാണുകയും പ്രത്യേക എഐ ഉപകരണങ്ങൾ ഉപയോഗിച്ച് മികച്ച പരിഹാരങ്ങൾ വാഗ്ദാനം ചെയ്യുകയും ചെയ്യുന്ന സാങ്കേതികവിദ്യയും കൺസൾട്ടിംഗ് കമ്പനിയുമായ നാവിക് ടെക്നോളജി വിപണിക്ക് മുമ്പില്ലാത്ത സാധ്യത നൽകുന്നു.

ഐബിഎസിൻറെ വൈദഗ്ധ്യത്തിൻറെ പിന്തുണയോടെ, നാവിക് ടെക്നോളജി യാത്രാ വ്യവസായത്തിന് കൂടുതൽ ചടുലതയും കാര്യക്ഷമതയും വളർച്ചയും കൈവരിക്കാൻ സഹായിക്കുകയും പുതിയ വരുമാന സ്രോതസ്സുകൾ തുറക്കുകയും ചെയ്യുമെന്നും അദ്ദേഹം കൂട്ടിച്ചേർത്തു.

എഐ എല്ലാ ചെറിയ മേഖലകളിലും സ്വാധീനം ചെലുത്തുന്നുണ്ടെന്നും കമ്പനികളെ വലിയ സംരംഭങ്ങളാക്കി മാറ്റുന്നത് അത് സാധ്യമാക്കുന്നുവെന്നും നാവികിൻറെ പ്രഖ്യാപനത്തെ അഭിനന്ദിച്ചുകൊണ്ട് ഇന്ത്യയിലെ ഐടി കമ്പനികളുടെ വ്യവസായ സ്ഥാപനമായ നാസ്കോം പ്രസിഡൻറ് രാജേഷ് നമ്പ്യാർ പറഞ്ഞു.

നാവിക് ടെക്നോളജി പ്രസിഡൻറ് മൊയിസുർ റഹ്മാനും ചടങ്ങിൽ സംസാരിച്ചു.

വലിയ തോതിൽ എഐ സ്വീകരിക്കൽ, ഉപഭോക്തൃ അനുഭവ പരിവർത്തനം, ബുദ്ധിപരമായ പ്രവർത്തനങ്ങളുടെ അടിസ്ഥാനമാക്കിയുള്ള ഡാറ്റ തുടങ്ങി യാത്രാ വ്യവസായം ഏറ്റവും വലിയ നിക്ഷേപം കാണുന്ന മേഖലകളിലായിരിക്കും വരും വർഷങ്ങളിൽ നാവിക് ടെക്നോളജി ശ്രദ്ധ കേന്ദ്രീകരിക്കുക.

ലോകമെമ്പാടുമുള്ള 16 കേന്ദ്രങ്ങളിൽ നിന്ന് ദ്രുതഗതിയിലുള്ള വളർച്ചയാണ് നാവിക് ടെക്നോളജി ലക്ഷ്യമിടുന്നത്. അടുത്ത അഞ്ച് വർഷത്തിനുള്ളിൽ ജീവനക്കാരുടെ എണ്ണം 5,000-ത്തിലധികം ഹൈടെക് പ്രൊഫഷണലുകളായി വളരും. കഴിവുകൾ വർധിപ്പിക്കുന്നതിനും ബിസിനസ് വളർത്തുന്നതിനുമായി അടുത്ത 5 വർഷത്തിനുള്ളിൽ ഐബിഎസ് ഗ്രൂപ്പ് ഗണ്യമായി നിക്ഷേപിക്കും.

കൂടുതൽ വിവരങ്ങൾ https://naviqplc.com എന്ന വെബ്സൈറ്റിൽ.