- Trending Now:
Sections
Sections
മുംബൈ: പശ്ചിമേഷ്യൻ പ്രതിസന്ധിയുടെ വെല്ലുവിളികൾക്കിടയിലും ഹിന്ദുസ്ഥാൻ പെട്രോളിയം കോർപറേഷൻ ലിമിറ്റഡിന്റെ (എച്ച്പിസിഎൽ) പ്രവർത്തന വരുമാനം 2026 സാമ്പത്തിക വർഷത്തിന്റെ ആദ്യ പാദത്തിൽ (ഏപ്രിൽ-ജൂൺ) 1,45,126 കോടി രൂപയായി ഉയർന്നു. റിഫൈനിംഗ്, വിപണന മേഖലകളിലെ മികച്ച പ്രകടനമാണ് കമ്പനിക്ക് തുണയായത്.
അതേസമയം, ഈ കാലയളവിൽ കമ്പനി 11,526 കോടി രൂപയുടെ അറ്റനഷ്ടം രേഖപ്പെടുത്തി.
കമ്പനിയുടെ ഗ്രോസ് റിഫൈനിംഗ് മാർജിൻ ബാരലിന് 23.80 ഡോളറായി ഉയർന്നു. മുൻവർഷം ഇത് 3.08 ഡോളറായിരുന്നു. പാദത്തിൽ എച്ച്പിസിഎൽ റിഫൈനറികൾ 6.52 മില്യൺ മെട്രിക് ടൺ ക്രൂഡ് പ്രോസസ് ചെയ്ത് ശേഷിയുടെ 107 ശതമാനം വിനിയോഗം രേഖപ്പെടുത്തി.
എച്ച്പിസിഎൽ രാജസ്ഥാൻ റിഫൈനറി ലിമിറ്റഡിന്റെ വാണിജ്യ പ്രവർത്തനം ജൂൺ 22ന് ആരംഭിച്ചതായും കമ്പനി അറിയിച്ചു. നിലവിൽ രാജ്യത്ത് 25,160 റീട്ടെയിൽ ഔട്ട്ലെറ്റുകളും 6,391 എൽപിജി വിതരണ കേന്ദ്രങ്ങളും എച്ച്പിസിഎല്ലിനുണ്ട്.
പുനരുപയോഗ ഊർജ മേഖലയിലായി 23,928 റീട്ടെയിൽ ഔട്ട്ലെറ്റുകൾ സൗരോർജ സംവിധാനത്തിലേക്ക് മാറ്റിയതായും, 5,806 ഇലക്ട്രിക് വാഹന ചാർജിങ് സ്റ്റേഷനുകൾ സ്ഥാപിച്ചതായും കമ്പനി അറിയിച്ചു.
The Local Economy is an online business news portal based in Kerala. International, national and local news related to business will reach the.
More..
ThelocalEconomy.in Copyright (c) 2026. All Rights Reserved.
ഇവിടെ പോസ്റ്റു ചെയ്യുന്ന അഭിപ്രായങ്ങൾ THE LOCAL ECONOMY ടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.