ആരോഗ്യകരമായ ഒരു ജീവിത ശൈലി എങ്ങനെ രൂപപ്പെടുത്താം

ഇന്നത്തെ കാലഘട്ടത്തിൽ ജംഗ്ഫുട്ട്സ്, ചോക്ലേറ്റ്, ഐസ്ക്രീം, പാക്കറ്റ് ഫുഡ്, ഇതൊക്കെയാണ് കുട്ടികൾ മുതൽ മുതിർന്ന ആൾക്കാർ ഭക്ഷിക്കാൻ ഇഷ്ടപ്പെടുന്നത്.

ഇതൊക്കെ താൽക്കാലികമായി നമുക്ക് സന്തോഷം തരുമെങ്കിലും ചിലപ്പോൾ ജീവിതകാലം മുഴുവൻ നമ്മൾ അനുഭവിക്കേണ്ടിവരുന്ന അസുഖങ്ങൾക്ക് വഴിവെയ്ക്കും. ഉദാഹരണം ഷുഗർ, കൊളസ്ട്രോൾ, പൊണ്ണത്തടി അതുപോലെയുള്ള ജീവിതശൈലി രോഗങ്ങൾ്. ഇന്ന് ടീനേജ് കാലം മുതൽ സ്ത്രീകൾ അനുഭവിക്കുന്ന ഒരു ബുദ്ധിമുട്ടാണ് പിസിഒഡി, ഇത് ഒരു ജീവിതശൈലി രോഗമാണ്. കുട്ടികളിൽ മടി, ഹൈപ്പർ ആക്ടീവ് തുടങ്ങിയവയ്ക്ക് വഴിവയ്ക്കുന്നതിൽ ഫാസ്റ്റ് ഫുഡിന്റെയും, ചോക്ലേറ്റ് മുതലായവയുടെയും അമിതമായ ഉപയോഗം കാരണമാകാറുണ്ട്. ഇത്തരം ആഹാരങ്ങൾ ഒഴിവാക്കി നമുക്ക് എങ്ങനെ നല്ല ഒരു ജീവിതശൈലി കൊണ്ടുവരാം എന്ന് നോക്കാം.

• എല്ലാ ഭക്ഷണത്തിലും പ്രോട്ടീൻസ് ഉൾപ്പെടുത്തണം. നമ്മുടെ ശരീരത്തിൽ ജലത്തിന്റെ അളവ് കഴിഞ്ഞാൽ ഏറ്റവും കൂടുതൽ ആയുള്ളത് പ്രോട്ടീനുകൾ ആണെന്ന് പറയപ്പെടുന്നു. ഏകദേശം 40,000 പ്രോട്ടീനുകൾ ശരീരത്തിൽ ഉണ്ടെന്ന് കണക്കാക്കപ്പെടുന്നു. പേശികൾ, ഹൃദയം, തലച്ചോറ്, രക്തകോശങ്ങൾ, ആന്റിബോഡീസ്, ഹോർമോൺ തുടങ്ങിയവയുടെ നിർമ്മാണത്തിന് പ്രോട്ടീൻ ആവശ്യമാണ്. 20 അമിനോ ആസിഡുകൾ ചേർന്നാണ് ഈ പ്രോട്ടീനുകൾ എല്ലാം ഉണ്ടാക്കിയിരിക്കുന്നത്. ഇരുപത് അമിനോ ആസിഡിൽ ഒമ്പത് എണ്ണം നമ്മുടെ ശരീരത്തിന് സ്വയം നിർമ്മിക്കാൻ സാധിക്കാത്തതാണ്. ഇത് നാം കഴിക്കുന്ന ആഹാരത്തിൽനിന്നുമാണ് ലഭിക്കുന്നത്. പ്രോട്ടീൻ അടങ്ങിയ ഭക്ഷണപദാർത്ഥങ്ങൾ ഏതൊക്കെയാണെന്ന് നോക്കാം
• റെഡ്മീറ്റ് (ബീഫ് മട്ടൻ പോർക്ക്), ചിക്കൻ, മുട്ട, മീൻ, പാൽ, പാലുൽപ്പന്നങ്ങൾ.
• മുളപ്പിച്ച ധാന്യങ്ങൾ, പയറുവർഗങ്ങൾ, തവിടുള്ള കുത്തരി, മുഴു ധാന്യങ്ങൾ, മുളപ്പിച്ച ധാന്യങ്ങൾ, അണ്ടിപ്പരിപ്പ്, പയറുവർഗ്ഗങ്ങൾ, പച്ചനിറമുള്ള ഇലകൾ, തൈര് എന്നിവയും പ്രോട്ടീൻ ധാരാളമായി അടങ്ങിയിരിക്കുന്ന ഭക്ഷണപദാർത്ഥങ്ങളാണ്. റെഡ് മീറ്റിൽ കൊഴുപ്പിന്റെ അംശം കൂടുതലായി അടങ്ങിയിരിക്കുന്നു. ഇത് ചിലപ്പോൾ ഹൃദ്രോഗം പോലുള്ള രോഗങ്ങൾക്ക് കാരണമാകാം. അതിനാൽ പച്ചക്കറികളിൽ നിന്നുള്ള പ്രോട്ടീൻസ് കൂടുതലായി ഉപയോഗിക്കുന്നതാണ് നല്ലത്. വെജിറ്റേറിയൻസ് ആയിട്ടുള്ളവർക്ക് തൈര്, സോയാബീൻസ് കൂൺ, തുടങ്ങിയവ അവരുടെ ആഹാരക്രമത്തിൽ ഉൾപ്പെടുത്തുക.
• വ്യായാമം ശീലമാക്കുക. ആരോഗ്യകരമായ ശരീരത്തിന് നല്ല വ്യായാമം അത്യാവശ്യമാണ്. വീട്ടിൽ തന്നെ ചെയ്യാൻ പറ്റുന്ന വർക്ക്ഔട്ടുകൾ ഫലപ്രദമാണ്. ഉദാഹരണം യോഗ, നീന്തൽ, സൈക്ലിങ്, വേഗത്തിലുള്ള നടത്തം എന്നിവ.

വ്യായാമം ചെയ്യുന്നത് കൊണ്ടുള്ള ഗുണങ്ങൾ

• ഹൃദയാരോഗ്യം മെച്ചപ്പെടുന്നു, ഹൃദയാഘാതം പോലുള്ള രോഗങ്ങൾ വരാനുള്ള സാധ്യത കുറയുന്നു.
• മസിലുകളും എല്ലുകളും ബലപ്പെടും.
• ആരോഗ്യകരമായ ശരീരഭാരം നിലനിർത്താൻ സഹായിക്കും.
• വിഷാദവും ഉൽക്കണ്ഠയും കുറയ്ക്കും.
• ഉറക്കം ലഭിക്കും.
• സന്ധികളുടെയും അസ്ഥികളുടെയും ആരോഗ്യം കൂടും.

പുകവലി മദ്യപാനം എന്നിവ ഒഴിവാക്കുക

അമിതമായ മദ്യപാനവും പുകവലിയും നിങ്ങളുടെ ആരോഗ്യത്തിന് ശക്തമായ പ്രത്യാഘാതങ്ങൾ ഉണ്ടാക്കും. മദ്യപാനവും പുകവലിയും ക്യാൻസർ, ഹൃദയാഘാതം, ഉയർന്ന രക്തസമ്മർദ്ദം, മറ്റുവിട്ടു മാറാത്ത രോഗങ്ങൾ, എന്നിവ ഉണ്ടാക്കുന്നു. മദ്യത്തിന്റെ ഉപയോഗം അമിതവണ്ണം, അപകടങ്ങൾ, അക്രമം, മാനസിക സമ്മർദ്ദം എന്നിവയിലേക്ക് നയിക്കാം. ആരോഗ്യമുള്ള ഒരു ശരീരമാണ് നിങ്ങൾ ആഗ്രഹിക്കുന്നതെങ്കിൽ മദ്യപാനവും പുകവലിയും കുറയ്ക്കുകയും തുടർച്ചയായി പരിശ്രമത്തിലൂടെ ഇത് പൂർണ്ണമായി നിർത്താനും ശ്രമിക്കണം.

പ്രഭാത ഭക്ഷണം ഒഴിവാക്കേണ്ട ഒന്നാണോ?... Read More

ആവശ്യത്തിന് വെള്ളം കുടിക്കുക

ഓരോരുത്തരും തങ്ങളുടെ ഭാരത്തിനനുസൃതമായാണ് വെള്ളം കുടിക്കേണ്ടത്. മനുഷ്യശരീരത്തിൽ ഏറ്റവും കൂടുതൽ ഉള്ളത് ജലമാണ്. നമ്മുടെ സുപ്രധാനമായ അവയവങ്ങളുടെ സുഗമമായ പ്രവർത്തനത്തിന് വെള്ളം അത്യാവശ്യമാണ്. അതിനാൽ അവയുടെ പ്രവർത്തനങ്ങൾക്ക് സഹായകമാകുന്നതിന് വേണ്ടി ദിവസവും ധാരാളം വെള്ളം കുടിക്കുക. നിങ്ങളുടെ മൂത്രത്തിന്റെ കടും മഞ്ഞനിറം ജലാംശത്തിന്റെ കുറവിനെയാണ് സൂചിപ്പിക്കുന്നത്. എപ്പോഴും ശുദ്ധവും സുരക്ഷിതവുമായ വെള്ളം കുടിക്കാൻ ശ്രദ്ധിക്കണം.

നല്ല ശീലങ്ങൾ പിന്തുടരുക

ഓഫീസുകളിലും മാളുകളിലുമൊക്കെ എസ്കലേറ്ററിനു പകരം സ്റ്റെപ്പ്സ് ഉപയോഗിക്കുക. ജോലികൾക്കിടയിൽ ഇടവേളകൾ എടുത്ത് ചെറുതായി ഒന്ന് നടക്കുകയോ മറ്റ് ശാരീരിക പ്രവർത്തനങ്ങളോ ചെയ്യുക. ഇത് വയറ്റിൽ കൊഴുപ്പ് അടിയുന്നത് തടയും.

ആരോഗ്യകരമായ ജീവിതശൈലി നയിക്കാൻ ഏറ്റവും നല്ല മാർഗ്ഗം നെഗറ്റീവ് ചിന്താഗതി ഒഴിവാക്കുക. എപ്പോഴും പോസിറ്റീവ് ചിന്താഗതിയും പോസിറ്റീവ് ആൾക്കാരുമായി കൂട്ടുകൂടുക മനസ്സിനെ ആശങ്കകളിൽ നിന്നകറ്റുന്ന ഹോബികൾ ചെയ്യുക.

ഇത്തരം ആരോഗ്യകരമായ ശീലങ്ങൾ പിന്തുടരുന്നതിലൂടെ നിങ്ങൾക്ക് ആരോഗ്യകരമായ ഒരു ജീവിതശൈലി ഉണ്ടാക്കിയെടുക്കാൻ സാധിക്കും. നാം എപ്പോഴും ഓർക്കണം ആരോഗ്യകരമായ ജീവിതശൈലി ഒരു ആഡംബരമല്ല ഇത് നമ്മുടെ ഭാവി ജീവിതത്തിലേക്കുള്ള നിക്ഷേപമാണ്.