- Trending Now:
Sections
Sections
137 ദിവസങ്ങള്ക്ക് ശേഷം ഇന്ത്യയില് പെട്രോള്-ഡീസല് വില വര്ധിപ്പിച്ചു. പെട്രോള് ലിറ്ററിന് 87 പൈസയാണ് കൂട്ടിയത്. ഡീസല് ലിറ്ററിന് 85 പൈസയും കൂട്ടി. വീട്ടാവശ്യത്തിനുള്ള ഗ്യാസ് സിലിണ്ടറിന്റെ വില 50 രൂപയാണ് കൂട്ടിയത്. കൊച്ചിയിലെ പുതിയ വില 956 രൂപയാണ്. ഗാര്ഹിക സിലിണ്ടറിന്റെ വില വര്ധിപ്പിക്കുന്നത് അഞ്ചുമാസത്തിന് ശേഷമാണ്.
അഞ്ചു സംസ്ഥാനങ്ങളിലെ തിരഞ്ഞെടുപ്പിനെത്തുടര്ന്ന് മരവിപ്പിച്ചിരുന്ന ഇന്ധന-ഗ്യാസ് വിലയാണ് കൂട്ടിയിരിക്കുന്നത്. തെരഞ്ഞെടുപ്പ് ഫലത്തിന് പിന്നാലെ ഇന്ധന വില വര്ധിപ്പിക്കുമെന്ന് റിപ്പോര്ട്ടുകളുണ്ടായിരുന്നു. എന്നാല് ഫലം വന്ന് രണ്ടാഴ്ചയ്ക്ക് ശേഷമാണ് വില വര്ധിപ്പിച്ചിരിക്കുന്നത്.
2021 നവംബറില് ദീപാവലിയോട് അനുബന്ധിച്ചായിരുന്നു രാജ്യത്ത് അവസാനമായി ഇന്ധന വിലയില് വര്ധന വരുത്തിയത്. നിലവില്, കൊച്ചിയില് പെട്രോള് വില 104.31 ആയിരുന്നത് 87 പൈസ വര്ധിച്ച് 105.18ലെത്തി. ഡീസലിന് 91.55 രൂപയായിരുന്നത് 85 പൈസ വര്ധിച്ച് 92.40 രൂപയായി.
അഞ്ചു കിലോയുടെ സിലിണ്ടറിന്റെ വിലയും കൂട്ടിയിട്ടുണ്ട്. സിലിണ്ടറിന് 13 രൂപയാണ് വര്ധിപ്പിച്ചത്. ഇതോടെ വില 352 രൂപയായി. അതേസമയം വാണിജ്യ സിലിണ്ടര് വില വര്ധിപ്പിച്ചിരുന്നു. ഈ മാസം ആദ്യം വാണിജ്യ സിലിണ്ടറിന് 106 രൂപ 50 പൈസയാണ് കൂട്ടിയത്. വില കൂട്ടിയതോടെ കൊച്ചിയില് വാണിജ്യ സിലിണ്ടറിന്റെ വില 2009 രൂപയായി ഉയര്ന്നിരുന്നു.
Story Highlight: Fuel Price & Cooking gas price increased
The Local Economy is an online business news portal based in Kerala. International, national and local news related to business will reach the.
More..
ThelocalEconomy.in Copyright (c) 2025. All Rights Reserved.
.png)
.png)
.png)
ഇവിടെ പോസ്റ്റു ചെയ്യുന്ന അഭിപ്രായങ്ങൾ THE LOCAL ECONOMY ടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.