ഇന്ത്യയുടെ 75-ാം സ്വാതന്ത്ര്യ ദിനത്തില്‍ ജനങ്ങളെ അഭിസംബോധന ചെയ്ത് കേരള മുഖ്യമന്ത്രി

ഫെഡറലിസമാണ് ഇന്ത്യന്‍ ഭരണഘടനയുടെ അടിത്തറയെന്നും രാജ്യത്തിന്റെ നിലനില്‍പ്പിന്റെ അടിത്തറയാണെന്നും അതിനാല്‍ സാമ്പത്തിക കാര്യങ്ങളില്‍ പ്രത്യേകിച്ചും മുന്നോട്ട് പോകുമ്പോള്‍ അത് മനസ്സില്‍ പിടിക്കണമെന്നും കേരള മുഖ്യമന്ത്രി പിണറായി വിജയന്‍ പറഞ്ഞു.സംസ്ഥാനങ്ങളുടെ വികസനത്തിന് ആവശ്യമായ ഫണ്ട് അനുവദിച്ചാല്‍ മാത്രമേ അതിന്റെ ഗുണഫലം ജനങ്ങള്‍ക്ക് അനുഭവിക്കാനാകൂവെന്നും ഇന്ത്യയുടെ 75-ാം സ്വാതന്ത്ര്യ വാര്‍ഷികത്തോടനുബന്ധിച്ച് നടത്തിയ പ്രസംഗത്തില്‍ മുഖ്യമന്ത്രി പറഞ്ഞു.

ബില്ലുണ്ടോ, GST വകുപ്പ് എന്നും സമ്മാനം തരും... Read More

കടമെടുക്കല്‍ ശേഷി പരിമിതപ്പെടുത്തുന്നത് പോലെ കേന്ദ്രം ആവിഷ്‌കരിച്ച ചില സാമ്പത്തിക നയങ്ങള്‍ ദക്ഷിണേന്ത്യന്‍ സംസ്ഥാനത്തെ സാമ്പത്തിക ഞെരുക്കത്തിലേക്ക് തള്ളിവിടുകയാണെന്ന് എല്‍ഡിഎഫ് സര്‍ക്കാര്‍ ഈയിടെ പറഞ്ഞിരുന്നതിന് പിന്നാലെയാണ്  മുഖ്യമന്ത്രിയുടെ പരാമര്‍ശം.സെന്‍ട്രല്‍ സ്റ്റേഡിയത്തില്‍ ദേശീയ പതാക ഉയര്‍ത്തിയ ശേഷം നടത്തിയ പ്രസംഗത്തില്‍, സമൂഹത്തിലെ വലിയൊരു വിഭാഗത്തെ അലട്ടുന്ന പ്രധാന പ്രശ്നങ്ങളായ കടുത്ത ദാരിദ്ര്യവും പാര്‍പ്പിടമില്ലായ്മയും അവസാനിപ്പിക്കേണ്ടതിന്റെ ആവശ്യകതയെക്കുറിച്ച് അദ്ദേഹം  ഊന്നിപ്പറഞ്ഞു.ശാസ്ത്രവും സാങ്കേതിക വിദ്യയും വികസിപ്പിക്കുകയും അവയില്‍ നിന്ന് ലഭിക്കുന്ന അറിവ് എല്ലാ മേഖലകളിലും ഉപയോഗപ്പെടുത്തി സംസ്ഥാനത്തിന്റെ ഉല്‍പ്പാദനക്ഷമതയും ഉല്‍പ്പാദനശേഷിയും വര്‍ധിപ്പിക്കുകയുമാണ് സര്‍ക്കാരിന്റെ ലക്ഷ്യമെന്നും അദ്ദേഹം പറഞ്ഞു.ഐടി, സ്റ്റാര്‍ട്ടപ്പ് മേഖലകളില്‍ സംസ്ഥാനം മുന്നേറുകയാണെന്നും അദ്ദേഹം കൂട്ടിച്ചെര്‍ത്തു.