ഡയബറ്റിസ് എന്നത് ഒരു രോഗം മാത്രമല്ല, ജീവിതശൈലി നിയന്ത്രണത്തിലൂടെ നിയന്ത്രിക്കാവുന്ന ഒരു അവസ്ഥയാണ്. ശരിയായ ശീലങ്ങൾ പിന്തുടർന്നാൽ ആരോഗ്യകരമായ, സജീവമായ ജീവിതം നയിക്കാൻ ഡയബറ്റിസ് ഒരു തടസ്സമാവില്ല.

• ഡയബറ്റിസ് രോഗികൾക്ക് ഭക്ഷണം മരുന്നുപോലെയാണ്. വെളുത്ത അരി, മൈദ, പഞ്ചസാര എന്നിവ കുറയ്ക്കുക ബ്രൗൺ റൈസ്, ഗോതമ്പ്, മില്ലറ്റ്സ്, പച്ചക്കറികൾ എന്നിവ ഉൾപ്പെടുത്തുക ഒരേസമയം അമിതമായി ഭക്ഷണം കഴിക്കാതെ ചെറിയ അളവിൽ പല സമയങ്ങളിൽ കഴിക്കുക എണ്ണയും വറുത്ത ഭക്ഷണങ്ങളും പരമാവധി ഒഴിവാക്കുക.
• ചായ, കാപ്പി, ജ്യൂസ്, മധുരപലഹാരങ്ങൾ എന്നിവയിൽ പഞ്ചസാര ചേർക്കരുത് ''Sugar-free' എന്ന് എഴുതിയിരിക്കുന്നതും അമിതമായി ഉപയോഗിക്കരുത്. പഴങ്ങൾ പോലും മിതമായ അളവിൽ കഴിക്കുക.
• ഭക്ഷണ സമയം സ്ഥിരമാക്കുക. ഭക്ഷണം വൈകുന്നതും ഒഴിവാക്കുന്നതും പഞ്ചസാര നിലയെ ബാധിക്കും. രാത്രി ഭക്ഷണം ഉറക്കത്തിന് കുറഞ്ഞത് 2 മണിക്കൂർ മുമ്പ് കഴിക്കുക.
• വ്യായാമം ഡയബറ്റിസിന് ഏറ്റവും മികച്ച പ്രകൃതിദത്ത മരുന്നാണ്. ദിവസവും 30 മിനിറ്റ് നടക്കുക, യോഗ, ലഘു വ്യായാമങ്ങൾ, സ്ട്രെച്ചിംഗ് എന്നിവ ചെയ്യാം. വ്യായാമം തുടങ്ങുന്നതിന് മുമ്പ് ഡോക്ടറുടെ നിർദേശം സ്വീകരിക്കുക.
• ഡോക്ടർ നിർദേശിക്കുന്ന സമയങ്ങളിൽ ഷുഗർ ലെവൽ പരിശോധിക്കുക. റിപോർട്ടുകൾ രേഖപ്പെടുത്തി സൂക്ഷിക്കുക. മാറ്റങ്ങൾ വന്നാൽ ഉടൻ ഡോക്ടറെ അറിയിക്കുക.
• മരുന്ന് ഒരിക്കലും സ്വമേധയാ നിർത്തരുത്. മരുന്നിന്റെ സമയം തെറ്റിക്കരുത്. മറ്റുള്ളവരുടെ ഉപദേശം അനുസരിച്ച് മരുന്ന് മാറ്റരുത്.
• സമ്മർദ്ദം ബ്ലഡ് ഷുഗർ ഉയരാൻ കാരണമാകും. ധ്യാനം, പ്രാർത്ഥന, ശാന്തമായ സംഗീതം എന്നിവ സഹായകരമാണ്. നല്ല ഉറക്കം ഉറപ്പാക്കുക (7-8 മണിക്കൂർ).
• പുകവലി, മദ്യപാനം എന്നിവ ഡയബറ്റിസിനെ കൂടുതൽ ഗുരുതരമാക്കും. ആരോഗ്യകരമായ ശീലങ്ങൾ വളർത്തുക.

ഡയബറ്റിസ് ഒരു ശിക്ഷയല്ല ഒരു ശാസ്ത്രീയ നിയന്ത്രണമാണ്. ശരിയായ ഭക്ഷണം, വ്യായാമം, മരുന്ന്, മാനസിക സമാധാനം ഇവയെല്ലാം ഒന്നിച്ച് കൊണ്ടുപോയാൽ ഡയബറ്റിസിനൊപ്പം ആരോഗ്യമുള്ള ജീവിതം നയിക്കാം.

നല്ലതും ചീത്തയുമായ കാർബോഹൈഡ്രേറ്റുകൾ: ശരിയായ ഭക്ഷണങ്ങൾ എങ്ങനെ തിരഞ്ഞെടുക്കാം... Read More

ഹെൽത്ത് ടിപ്സുകൾ ദിവസവും ലഭിക്കുവാൻ ഈ പോർട്ടൽ ഫോളോ ചെയ്യുക.