ആകാശത്ത് സ്വതന്ത്രമായി പറക്കുന്ന ഒരു കഴുകനെ കണ്ടിട്ടുണ്ടോ? അത് ഉയരങ്ങളിലേക്ക് കുതിക്കുന്നത് അതിന്റെ ചിറകുകളുടെ ശക്തികൊണ്ടു മാത്രമല്ല, അതിനെ താഴേക്ക് വലിക്കുന്ന ഭാരങ്ങളൊന്നും ഇല്ലാത്തതുകൊണ്ടുമാണ്.
മനുഷ്യജീവിതവും അതുപോലെയാണ്.

നമ്മൾ എല്ലാവരും വലിയ സ്വപ്നങ്ങൾ കാണുന്നു. മികച്ച ജീവിതം വിജയകരമായ ബിസിനസ്, സാമ്പത്തിക സ്വാതന്ത്ര്യം, സന്തോഷമുള്ള കുടുംബം, സമൂഹത്തിൽ ഒരു നല്ല സ്ഥാനം - ഇങ്ങനെയുള്ള ലക്ഷ്യങ്ങളിലേക്കാണ് ഓരോരുത്തരും യാത്ര ചെയ്യുന്നത്. എന്നാൽ എന്തുകൊണ്ടാണ് പലരും ലക്ഷ്യസ്ഥാനത്ത് എത്താതെ വഴിമധ്യേ തളരുന്നത്?

കാരണം, അവർക്ക് പറക്കാൻ കഴിവില്ലാത്തതുകൊണ്ടല്ല. അവരെ പിന്നോട്ട് വലിക്കുന്ന അദൃശ്യമായ കെട്ടുകൾ അവരെ ബന്ധിച്ചിരിക്കുന്നതുകൊണ്ടാണ്.

• ചിലരെ പിടിച്ചുനിർത്തുന്നത് പരാജയഭയമാണ്.'ഞാൻ ശ്രമിച്ചിട്ട് പരാജയപ്പെട്ടാൽ? ''ആളുകൾ എന്ത് പറയും?'' എനിക്ക് ഇത് ചെയ്യാൻ കഴിയുമോ?'ഇത്തരത്തിലുള്ള ചോദ്യങ്ങൾ അവരുടെ സ്വപ്നങ്ങളെ മുളയിലേ ഉണങ്ങാൻ ഇടയാക്കുന്നു.
• ചിലരെ പിന്നോട്ട് വലിക്കുന്നത് മുൻകാല അനുഭവങ്ങളാണ്.ഒരിക്കൽ തോറ്റു എന്നതുകൊണ്ട് ഇനി ജയിക്കാൻ കഴിയില്ലെന്ന് അവർ വിശ്വസിക്കുന്നു. എന്നാൽ ചരിത്രം പറയുന്നത്, ഏറ്റവും വലിയ വിജയങ്ങൾ പലപ്പോഴും പരാജയങ്ങളുടെ ചാരത്തിൽ നിന്നാണ് പിറന്നതെന്നാണ്.
• മറ്റുചിലരുടെ ജീവിതത്തിൽ തടസ്സമാകുന്നത് മോശം ശീലങ്ങളാണ്.മടുപ്പ്, സമയനഷ്ടം, ലക്ഷ്യമില്ലാത്ത സോഷ്യൽ മീഡിയ ഉപയോഗം, തീരുമാനങ്ങൾ നീട്ടിവെക്കൽ, അച്ചടക്കമില്ലായ്മ - ഇവ ഓരോ ദിവസവും അവരുടെ സ്വപ്നങ്ങളിൽ നിന്ന് അവരെ അകറ്റിക്കൊണ്ടിരിക്കുന്നു.
• ചിലരെ ബന്ധിച്ചിരിക്കുന്നത് നെഗറ്റീവ് ആളുകളാണ്.'നിനക്ക് അതൊന്നും പറ്റില്ല...''ഇത് നിന്റെ കഴിവിനപ്പുറമാണ്...'ഇത്തരത്തിലുള്ള വാക്കുകൾ പല സ്വപ്നങ്ങളെയും ജനിക്കുമുമ്പേ കൊന്നുകളയുന്നു.

ഒരു പട്ടം ആകാശത്ത് ഉയരാൻ നൂൽ ശരിയായ നിയന്ത്രണത്തിൽ ആയിരിക്കണം. എന്നാൽ ഒരു പക്ഷി പറക്കണമെങ്കിൽ അതിനെ ബന്ധിച്ചിരിക്കുന്ന കയർ മുറിക്കണം. അതുപോലെ തന്നെ ജീവിതത്തിലും, നമ്മെ മുന്നോട്ട് നയിക്കുന്ന കാര്യങ്ങൾ വളർത്തുകയും പിന്നോട്ട് വലിക്കുന്ന കാര്യങ്ങൾ ധൈര്യത്തോടെ ഒഴിവാക്കുകയും വേണം.

ജീവിതത്തിൽ മാറ്റം ആഗ്രഹിക്കുന്നവർ ആദ്യം ചോദിക്കേണ്ട ചോദ്യം ഇതാണ്:

• 'എന്നെ താഴേക്ക് വലിക്കുന്ന കെട്ട് എന്താണ്?' അത് ഭയമാണോ?
• അനാവശ്യ ചിന്തകളാണോ?
• മോശം ശീലങ്ങളാണോ???നെഗറ്റീവ് ബന്ധങ്ങളാണോ?
• മാറ്റത്തെ സ്വീകരിക്കാനുള്ള മടിയാണോ?

ആ കെട്ട് തിരിച്ചറിഞ്ഞ് അത് അറുത്തുമാറ്റുന്ന നിമിഷം മുതൽ ജീവിതം മാറിത്തുടങ്ങും.

ഓർക്കുക ഉയരങ്ങളിലേക്ക് പറക്കാൻ പുതിയ ചിറകുകൾ ആവശ്യമില്ല. നിങ്ങളെ താഴേക്ക് വലിക്കുന്ന ഭാരങ്ങൾ ഒഴിവാക്കിയാൽ മതി.വിജയം എന്നത് ഉയരങ്ങളിലെത്തുന്നതിൽ മാത്രമല്ല, അതിലേക്ക് ഉയരാൻ തടസ്സമാകുന്ന ഓരോ ബന്ധനത്തിൽ നിന്നും സ്വയം മോചിതനാകുന്നതിലുമാണ്.

ഭയം, നെഗറ്റീവ് ചിന്തകൾ, മോശം ശീലങ്ങൾ; നിങ്ങളുടെ വളർച്ച തടയുന്ന മൂന്ന് വലിയ ശത്രുക്കൾ... Read More

ഇന്ന് തന്നെ തീരുമാനിക്കൂ...നിങ്ങളെ പിന്നോട്ട് വലിക്കുന്ന ഓരോ കെട്ടും ഒന്നൊന്നായി അറുത്തുമാറ്റൂ.കാരണം,സ്വതന്ത്രമായ മനസ്സിനും വ്യക്തമായ ലക്ഷ്യത്തിനും അച്ചടക്കമുള്ള പ്രവർത്തനത്തിനും മുന്നിൽ ആകാശം പോലും അതിരല്ല.

ലോക്കൽ എക്കോണമി എന്ന ഈ ന്യൂസ് പോർട്ടൽ ജനങ്ങളെ ലോക്കൽ ടു ഗ്ലോബൽ എന്ന നിലയിൽ ഉയർത്തുക എന്നതാണ് ലക്ഷ്യമാക്കുന്നത്. ഈ പോർട്ടലിൽ രാവിലെ പോസിറ്റീവ് വാർത്തകൾ മാത്രമാണ് പോസ്റ്റ് ചെയ്യുന്നത്. രാവിലെ നെഗറ്റീവ് വാർത്ത കേൾക്കാതെ പോസിറ്റീവ് വാർത്തകൾ മാത്രം വായിക്കാൻ ആഗ്രഹിക്കുന്ന ആൾക്കാർ ഈ പോർട്ടൽ സബ്സ്ക്രൈബ് ചെയ്യുക, ഫോളോ ചെയ്യുക.