- Trending Now:
Sections
Sections
കൊച്ചി: യാത്രയ്ക്കിടെ എം.സി. റോഡിൽ കാലടി പാലത്തിലെ കടുത്ത ഗതാഗതക്കുരുക്കിൽപ്പെട്ട് ഹൃദയാഘാതമുണ്ടായ കാർ യാത്രികന് സമയോചിതമായി സി.പി.ആർ. (CPR) നൽകി ജീവൻ രക്ഷിച്ച നഴ്സ് അഞ്ജലി ബൈജുവിനെ (24) ഉന്നതവിദ്യാഭ്യാസ വകുപ്പ് മന്ത്രി റോജി എം. ജോൺ ആദരിച്ചു. അങ്കമാലി അപ്പോളോ അഡ്ലക്സ് ആശുപത്രിയിലെ സ്റ്റാഫ് നഴ്സായ അഞ്ജലിയെ, വ്യാഴാഴ്ച രാവിലെ ആശുപത്രിയിൽ നടന്ന ചടങ്ങിലാണ് മന്ത്രി നേരിട്ടെത്തി അഭിനന്ദിച്ചത്.
നിർണായക നിമിഷത്തിൽ അഞ്ജലി നടത്തിയ ധീരവും മാതൃകാപരവുമായ ഇടപെടലാണ് ഒരു മനുഷ്യജീവൻ നിലനിർത്താൻ സഹായിച്ചതെന്ന് മന്ത്രി പറഞ്ഞു.
കഴിഞ്ഞ ദിവസം കാലടി പാലത്തിലെ ഗതാഗതക്കുരുക്കിൽ കിടക്കുകയായിരുന്ന കാറിലെ യാത്രികനാണ് പെട്ടെന്ന് ഹൃദയാഘാതം അനുഭവപ്പെട്ടത്. ഈ സമയം സമീപത്തുണ്ടായിരുന്ന സ്വകാര്യ ബസിൽ യാത്ര ചെയ്യുകയായിരുന്ന അഞ്ജലി, വിദഗ്ധ വൈദ്യസഹായം ലഭ്യമാകുന്നതിന് മുൻപുള്ള നിർണായക നിമിഷങ്ങളിൽ രോഗിക്ക് സി.പി.ആർ. നൽകുകയായിരുന്നു. തുടർന്ന് നാട്ടുകാരുടെ കൂടി സഹായത്തോടെ അതിവേഗത്തിൽ ആശുപത്രിയിൽ എത്തിക്കാൻ കഴിഞ്ഞതും യാത്രികന്റെ ജീവൻ രക്ഷിക്കാൻ തുണയായി.
നഴ്സുമാരുടെ സമയോചിതമായ ഇടപെടൽ ആരോഗ്യപ്രവർത്തകരുടെ പ്രതിബദ്ധതയുടെയും പ്രൊഫഷണലിസത്തിന്റെയും ഉത്തമ ഉദാഹരണമാണെന്ന് ആശുപത്രി അധികൃതരും ചടങ്ങിൽ പങ്കെടുത്തവരും സാക്ഷ്യപ്പെടുത്തി. ചടങ്ങിൽ ആശുപത്രിയിലെ മുതിർന്ന ഉദ്യോഗസ്ഥരും ജീവനക്കാരും ജനപ്രതിനിധികളും പങ്കെടുത്തു.
The Local Economy is an online business news portal based in Kerala. International, national and local news related to business will reach the.
More..
ThelocalEconomy.in Copyright (c) 2026. All Rights Reserved.
ഇവിടെ പോസ്റ്റു ചെയ്യുന്ന അഭിപ്രായങ്ങൾ THE LOCAL ECONOMY ടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.