ആമസോൺ ഓഹരികളുടെ മോശം പ്രകടനം ഇന്ത്യൻ നിക്ഷേപകരെയും പ്രതികൂലമായി ബാധിക്കുന്നുണ്ട്. മ്യൂച്വൽഫണ്ട് ഹൗസുകളുടെ വിദേശ ഫണ്ടുകളിലെ സ്ഥിര സാന്നിധ്യമാണ് ആമസോൺ. ഓഹരിയിലെ ഓരോ തളർച്ചയും നിക്ഷേപകർക്ക് കടുത്ത പ്രഹരമാണ് ഉണ്ടാക്കുന്നത്. മാക്രോ ഇക്കണോമിക് പരിതസ്ഥിതിയാണ് നിലവിലെ തളർച്ചയ്ക്കു കാരണമെന്നും, പ്രധാന ദീർഘകാല, തന്ത്രപരമായ ലക്ഷ്യങ്ങളിൽ വിട്ടുവീഴ്ച ചെയ്യാതെ കൂടുതൽ കാര്യക്ഷമമാക്കുന്നതിന് നടപടികൾ സ്വീകരിക്കുമെന്നും ആമസോൺ സിഇഒ ആൻഡി ജാസി പറഞ്ഞു.

തുടർച്ചയായി തിരിച്ചടി നേരിടുന്ന സാഹചര്യത്തിൽ ഇ- കൊമേഴ്സ് പോർട്ടലിലെ ഓഫറുകളെല്ലാം ബാധിക്കപ്പെട്ടാക്കാമെന്നു റിപ്പോർട്ടുകളുണ്ട്. പ്രവർത്തനച്ചെലവ് കുറയ്ക്കുകയെന്നതാകും കമ്പനിയുടെ പ്രഥമ ലക്ഷ്യം. ട്വിറ്ററിനും, മെറ്റയ്ക്കും പുറമേ ആമസോണും വൻ പിരിച്ചുവിടലുകൾ പ്രഖ്യാപിക്കുമോ എന്നാണ് ഇനി അ‌റിയേണ്ടത്.