- Trending Now:
Sections
Sections
കോഴിക്കോട്: വേഡ്പ്രസ്സിന്റെ ഭാവി സാധ്യതകൾ ചർച്ച ചെയ്ത 'ഡബ്ല്യുപി ഫ്യൂച്ചർ കോൺക്ലേവ് 2026' കോഴിക്കോട് ഗവൺമെന്റ് സൈബർപാർക്ക് ഓഡിറ്റോറിയത്തിൽ നടന്നു. വേഡ്പ്രസ്സ് കമ്മ്യൂണിറ്റി കേരള സംഘടിപ്പിച്ച പരിപാടിയിൽ വിവിധ സംസ്ഥാനങ്ങളിൽ നിന്നുള്ള ഡെവലപ്പർമാർ, ഡിസൈനർമാർ, സംരംഭകർ, വിദ്യാർത്ഥികൾ, സാങ്കേതിക പ്രവർത്തകർ തുടങ്ങിയവർ പങ്കെടുത്തു.
വെബ് സാങ്കേതികവിദ്യകളിലെ എഐ സ്വാധീനത്തെക്കുറിച്ച് വിവിധ രാജ്യങ്ങളിൽ നിന്നുള്ള വിദഗ്ദ്ധർ സംസാരിച്ചു. വെബ് ബ്രൗസറുകളുടെ പ്രവർത്തനം, ഡാറ്റാ സ്വകാര്യത, എഐ അധിഷ്ഠിത വെബ് സൈറ്റ് നിർമ്മാണം, എംസിപി, പ്ലേഗ്രൗണ്ട്, എഐ ടൂളുകൾ, സൈബർ സുരക്ഷ എന്നിവയായിരുന്നു ചർച്ചാവിഷയങ്ങൾ. മനുഷ്യതൊഴിൽ ശേഷിയും കാര്യക്ഷമതയും വർദ്ധിപ്പിക്കാനുള്ള ഉപാധിയാണ് എഐ എന്ന് സെഷനുകളിൽ പങ്കെടുത്ത വിദഗ്ദ്ധർ വ്യക്തമാക്കി.
പതിനൊന്ന് വർഷം കൊണ്ട് വേഡ്പ്രസ്സ് പൂർണ്ണമായും മലയാളത്തിലേക്ക് വിവർത്തനം ചെയ്ത നേട്ടം കേരളത്തിലെ ഓപ്പൺ സോഴ്സ് കൂട്ടായ്മ ചടങ്ങിൽ അവതരിപ്പിച്ചു. വേഡ്പ്രസ്സിന്റെ ഭാവി വികസനത്തെക്കുറിച്ചും ഓപ്പൺ സോഴ്സ് മേഖലയിലെ അവസരങ്ങളെക്കുറിച്ചും ആശയവിനിമയം നടത്താൻ അവസരമൊരുക്കിയാണ് കോൺക്ലേവ് സമാപിച്ചത്.
The Local Economy is an online business news portal based in Kerala. International, national and local news related to business will reach the.
More..
ThelocalEconomy.in Copyright (c) 2026. All Rights Reserved.
ഇവിടെ പോസ്റ്റു ചെയ്യുന്ന അഭിപ്രായങ്ങൾ THE LOCAL ECONOMY ടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.