ജീവിതത്തിലെ ഏറ്റവും നിർണായക ഘട്ടം വിദ്യാർത്ഥി ജീവിതമാണ്. പഠിക്കാനും തെറ്റിക്കാനും വീണ്ടും ശ്രമിക്കാനും ഏറ്റവും കൂടുതൽ സ്വാതന്ത്ര്യം ഉള്ള കാലം. ഈ കാലത്ത് ചെറിയ മാറ്റങ്ങളും വലിയ വിജയങ്ങളിലേക്ക് നയിക്കും.

ഇന്നത്തെ ഒരു നല്ല ശീലം നാളത്തെ വലിയ നേട്ടങ്ങളുടെ അടിത്തറയാണ്. വിജയം എളുപ്പത്തിൽ ഒന്നും വരില്ല. പക്ഷേ തുടർച്ചയായ ചെറിയ ശ്രമങ്ങൾ വലിയ വാതിലുകൾ തുറക്കും.

പഠനത്തിലും ജീവിതത്തിലും മുന്നേറാൻ, നിങ്ങളിൽ തന്നെ ഉള്ള ശക്തികളെയാണ് തിരിച്ചറിഞ്ഞ് ഉപയോഗിക്കേണ്ടത്.

ലക്ഷ്യം ഉണ്ടാകണം

ലക്ഷ്യമില്ലാത്ത പഠനം ഒരു ദിശയില്ലാത്ത യാത്രയാണ്. ചെറിയ ലക്ഷ്യങ്ങളെങ്കിലും നിശ്ചയിച്ച് അതിലേക്ക് ഓരോ ദിവസം ഒരു ചുവട് വെക്കുക.

സമയത്തിന്റെ വില മനസ്സിലാക്കുക

സമയം പോയാൽ തിരികെ വരില്ല. പഠനത്തിനും വിശ്രമത്തിനും അച്ചടക്കത്തോടെ സമയം വകയിരുത്തുക.

സ്ഥിരതയാണ് വിജയത്തിന്റെ രഹസ്യം

ഒരു ദിവസം മുഴുവൻ പഠിച്ച് പിന്നെ 5 ദിവസം ഒന്നും ചെയ്യാതെ ഇരിക്കുന്നത് ഫലം കൊടുക്കില്ല. ദിവസം 1 മണിക്കൂർ സ്ഥിരമായി പഠിക്കുന്നത് കൂടുതൽ ഉപകാരപ്രദമാണ്.

അറിവ് കേവലം പുസ്തകത്തിലല്ല

ചോദ്യം ചോദിക്കുക. പരിസരം നിരീക്ഷിക്കുക. ആളുകളുമായി സംസാരിക്കുക. അറിവ് എല്ലായിടത്തും ഉണ്ട് അതിനെ സ്വീകരിക്കാൻ മനസ്സുണ്ടാകണം.

തെറ്റുകൾ ഭയക്കരുത്

തെറ്റുകൾ വിജയത്തിലേക്കുള്ള കല്ലുകളാണ്. തെറ്റുന്നത് തെറ്റല്ല. തെറ്റി പഠിക്കാതെ നിൽക്കുന്നതാണ് തെറ്റ്.

ആരോഗ്യത്തെ അവഗണിക്കരുത്

ഉറക്കം, ശരിയായ ഭക്ഷണം, ചെറിയ വ്യായാമം ഇവ പഠനക്ഷമതയിൽ വലിയ മാറ്റങ്ങൾ സൃഷ്ടിക്കുന്നു.

സ്വയം വിശ്വസിക്കൂ

'എനിക്കാകും' എന്ന ആത്മവിശ്വാസം പഠനത്തിലെ പകുതി വിജയമാണ്. മറ്റുള്ളവർ വിശ്വസിക്കാത്തിടത്തും നാം നമുക്ക് വേണ്ടി ഉറച്ച് നിൽക്കണം.

[വിദ്യാഭ്യാസം ഒരു ആജീവനാന്ത യാത്ര: പഠനം ഒരിക്കലും അവസാനിക്കാത്തത് എന്തുകൊണ്ട്?]

സാന്നിധ്യം സൃഷ്ടിക്കുക

അധ്യാപകരോടും സുഹൃത്തുക്കളോടും നല്ല ബന്ധം സ്ഥാപിക്കുക. നല്ലവരോടൊപ്പം നിൽക്കുമ്പോൾ നമുക്കും നല്ലത് വരാൻ ആരംഭിക്കും.

സോഷ്യൽ മീഡിയയുടെ ഉപയോഗം ശ്രദ്ധത്തോടെ

പഠനസമയത്ത് ഫോൺ, സോഷ്യൽ മീഡിയ എന്നിവ നിയന്ത്രിക്കുക. അവ വിജയം കെടുത്തുന്ന ഏറ്റവും വലിയ തട്ടിപ്പുകാർ ആണ്.

ഓരോ ദിനവും ഒരു പുതിയ അവസരം

ഇന്നലെയുടെ പരാജയം ഇന്ന് നിങ്ങളെ ബാധിക്കേണ്ടതില്ല. ഇന്ന് പുതിയതായി തുടങ്ങാൻ നിങ്ങൾക്ക് പൂർണ്ണ അവകാശം ഉണ്ട്.

പഠനത്തിൽ മാത്രം അല്ല, ജീവിതത്തിലും മികച്ച മനുഷ്യരാകാൻ ഈ ശീലങ്ങൾ നിങ്ങളെ സഹായിക്കും.

പഠിക്കുന്നത് മാത്രമല്ല വിജയം പഠിച്ച ജീവിതം ഉപയോഗിക്കുന്നതാണ് യഥാർത്ഥ വിജയം.

ലോക്കൽ എക്കോണമി എന്ന ഈ ന്യൂസ് പോർട്ടൽ ജനങ്ങളെ ലോക്കൽ ടു ഗ്ലോബൽ എന്ന നിലയിൽ ഉയർത്തുക എന്നതാണ് ലക്ഷ്യമാക്കുന്നത്. ഈ പോർട്ടലിൽ രാവിലെ പോസിറ്റീവ് വാർത്തകൾ മാത്രമാണ് പോസ്റ്റ് ചെയ്യുന്നത്. രാവിലെ നെഗറ്റീവ് വാർത്ത കേൾക്കാതെ പോസിറ്റീവ് വാർത്തകൾ മാത്രം വായിക്കാൻ ആഗ്രഹിക്കുന്ന ആൾക്കാർ ഈ പോർട്ടൽ സബ്സ്ക്രൈബ് ചെയ്യുക, ഫോളോ ചെയ്യുക.