• പുതിയ നവീകരണ ദർശനം പ്രഖ്യാപിച്ചു

കൊച്ചി: ഇന്ത്യയുടെ ഏറ്റവും വലിയ കൺസ്യൂമർ ഇലക്ട്രോണിക്സ് ബ്രാൻഡായ സാംസങ്ങ്, ഇന്ത്യയിലെ 30 വർഷത്തെ പ്രവർത്തനങ്ങൾ അടയാളപ്പെടുത്തിക്കൊണ്ട് രാജ്യത്തിന്റെ നവീകരണ ഭാവി ലക്ഷ്യമിട്ട് പുതിയ തന്ത്രപരമായ ദർശനം 'പവറിങ് ഇനൊവേഷൻ ഫോർ ഇന്ത്യ' പ്രഖ്യാപിച്ചു.

1995ൽ ഇന്ത്യയിലെത്തിയ ശേഷം, സാംസങ്ങ് രാജ്യത്തെ ഡിജിറ്റൽ പരിവർത്തനത്തിന്റെയും 'മേക്ക്ഇൻ ഇന്ത്യ' ലക്ഷ്യങ്ങളുടെയും പ്രധാന പങ്കാളിയായി വളർന്നു. ഇന്ത്യയിൽ ആദ്യമായി ടി.വി അവതരിപ്പിച്ച ബ്രാൻഡായ സാംസങ്ങ് ഇന്ന് നോയ്ഡയിൽ ലോകത്തിലെ ഏറ്റവും വലിയ മൊബൈൽ നിർമ്മാണ കേന്ദ്രങ്ങളിലൊന്നും അത്യാധുനിക ഗവേഷണ, വികസന ശൃംഖലയും സ്ഥാപിച്ചിരിക്കുകയാണ്.

1.11 ലക്ഷം കോടി രൂപ വരുമാനമുള്ള സാംസങ്ങ് ഇന്ത്യയിൽ പൂർണ്ണമായ എഐ പരിസ്ഥിതി സൃഷ്ടിച്ച ഏക ബ്രാൻഡാണ്. സ്മാർട്ട്ഫോണുകളിലെ ഗാലക്സി എഐ, ഡിജിറ്റൽ ഉപകരണങ്ങളിലെ ബിസ്പോക്ക് എഐ, ടെലിവിഷനുകളിലെ വിഷൻ എഐ എന്നിവയെ സ്മാർട്ട് തിങ്സ് വഴിയുള്ള ഏകീകൃത അനുഭവമായി ഉപഭോക്താക്കൾക്ക് നൽകുന്നു.

ഉദാരവൽക്കരണം വഴി പുതിയ സാധ്യതകൾ തുറന്നുകിട്ടിയ 1995ൽ ഇന്ത്യയിൽ ഞങ്ങളുടെ ആദ്യത്തെ ടിവി വിറ്റത് മുതൽ ഇന്ന് ഭാരതത്തിന്റെ ഏറ്റവും വിശ്വസനീയമായ സാങ്കേതിക പങ്കാളിയാകുന്നത് വരെ, സാംസങ്ങിന്റെ യാത്രയെ രൂപപ്പെടുത്തിയത് ഇന്ത്യയുടെ ആത്മവിശ്വാസം, സർഗ്ഗാത്മകത, പരിധിയില്ലാത്ത അഭിലാഷം എന്നിവയാണെന്നും 'വികസിത ഭാരതം' ലക്ഷ്യമാക്കിയുള്ള ഇന്ത്യയുടെ പുരോഗതിക്ക് തങ്ങൾ ശക്തമായ കൂട്ടാളികളായിരിക്കുമെന്നും സാംസങ്ങ് സൗത്ത് വെസ്റ്റ് ഏഷ്യ പ്രസിഡന്റും സിഇഒയുമായ ജെ.ബി പാർക്ക് പറഞ്ഞു.

ഇന്ത്യയുടെ ശക്തിയിൽ നിർമിച്ച നവീകരണം

30 വർഷമായി, സാംസങ് ലളിതമായ ഒറ്റ തത്ത്വചിന്തയിൽ വിശ്വസിക്കുന്നു: ഇന്ത്യയാണ് നവീകരണത്തിന് ശക്തി നൽകി വരുന്നത്. ചെന്നൈയിലും നോയ്ഡയിലുമുള്ള രണ്ട് പ്ലാന്റുകളും, ഡൽഹി, നോയ്ഡ, ബെംഗളൂരു എന്നിവിടങ്ങളിലെ മൂന്ന് ഗവേഷണ-വികസന കേന്ദ്രങ്ങളും, ഡൽഹി എൻസിആറിലെ ആധുനിക ഡിസൈൻ സെന്ററും ചേർന്ന് ഇന്ത്യയുടെ ആവശ്യങ്ങളെയും സംസ്കാരത്തെയും മനസിലാക്കുന്ന പുതുതലമുറ സാങ്കേതികവിദ്യകൾ വികസിപ്പിക്കുന്നു.

സാംസങ് ഡിസൈൻ ഡൽഹി ഇന്ത്യൻ ഉപഭോക്താവിനുള്ള പ്രത്യേക അനുഭവങ്ങൾ സൃഷ്ടിക്കുന്നു- കിഡ്സ് ടിവി, ഗാലക്സി എം, എഫ് സീരീസുകളുടെ ഇന്ത്യയ്ക്കനുയോജ്യമായ ഡിസൈനുകൾ, പ്രാദേശിക സംസ്കാരത്തെ പ്രതിബിംബിപ്പിക്കുന്ന സിഎംഎഫ് ഘടകങ്ങൾ എന്നിവ ഇതിന്റെ ഉദാഹരണങ്ങളാണ്.

ഗവേഷണ-വികസന മേഖലകളിൽ എഐ, ഭാഷാ സാങ്കേതികവിദ്യ, സ്ട്രീമിംഗ്, ആക്സസിബിലിറ്റി, നെറ്റ്വർക്ക് നവീകരണം എന്നിവയിൽ ഇന്ത്യയിൽ നിന്നുള്ള ടീമുകൾ ആഗോള തലത്തിൽ സംഭാവന നൽകുന്നു. ഇന്ത്യയിലെ ഏറ്റവും കൂടുതൽ പേറ്റന്റ് നേടിയിട്ടുള്ളവരിൽ സാംസങ്ങിനുണ്ട് 14,000ത്തിലധികം പേറ്റന്റുകൾ.

ഇന്ത്യയുടെ അടുത്ത തലമുറ നവീകരികളെ വളർത്തുന്നു

ഉൽപ്പന്നങ്ങൾക്കപ്പുറം, ഇന്ത്യയുടെ സ്റ്റാർട്ടപ്പുകളുമായി സഹകരണം, സർവകലാശാലകളുമായുള്ള കൂട്ടായ്മകൾ, ഓപ്പൺ ഇന്നൊവേഷൻ പരിപാടികൾ എന്നിവയിലൂടെ സാംസങ്ങ് ഇന്ത്യയുടെ ഭാവി നവീകരണ പ്രതിഭകളെ ഉയർത്തിപ്പിടിക്കുന്നു.

സോൾവ് ഫോർ ടുമാറോ, സാംസങ് ഇന്നൊവേഷൻ കാമ്പസ്, സാംസങ് ദോസ്ത് എന്നിവ വഴി വിദ്യാർത്ഥികൾക്ക് എഐ, ഐഒടി, ഡിജിറ്റൽ ടെക് സ്കിൽസ്, സ്റ്റാർട്ടപ്പുകൾക്ക് ഇൻക്യുബേഷൻ, ഗ്രാന്റുകൾ, തൊഴിൽ അവസരങ്ങൾ എന്നിവ നൽകുന്നു.

ഇതുവരെ സാംസങ്ങിന്റെ സിഎസ്ആർ പ്രവർത്തനങ്ങൾ ഇന്ത്യയിലെ 15 ലക്ഷത്തിലധികം ആളുകൾക്ക് വിദ്യാഭ്യാസം, ഡിജിറ്റൽ ഉൾക്കുറിപ്പ്, സുസ്ഥിരത എന്നിവയിലൂടെ ഗണ്യമായ മാറ്റം സൃഷ്ടിച്ചു.

ഇന്ത്യയോടൊപ്പം വളർന്ന 30 വർഷം

1995ൽ യാത്ര ആരംഭിച്ച സാംസങ്ങ് ഇന്ന് ഇന്ത്യയിലെ ഏറ്റവും വലിയ മൊബൈൽ, കൺസ്യൂമർ ഇലക്ട്രോണിക്സ് ബ്രാൻഡ് ആയി മാറി. ശക്തമായ നിർമ്മാണ ശൃംഖല, ആഗോള നിലവാരത്തിലുള്ള ആർ ആൻഡ് ഡി, ഡിസൈൻ ശേഷി, ലക്ഷക്കണക്കിന് റീട്ടെയിൽ ടച്ച്പോയിന്റുകൾ, 3,000ത്തിലധികം സർവീസ് കേന്ദ്രങ്ങളും 12,000 സേവന എൻജിനീയർമാർ എന്നിവയിലൂടെ സാംസങ്ങ് നഗരങ്ങളിലും ഗ്രാമങ്ങളിലും ഉപഭോക്താക്കൾക്ക് തടസമില്ലാതെ സേവനം നൽകുന്നു.

ഇന്ത്യയിലെ ബ്രാൻഡ് സാന്നിധ്യം കൂടുതൽ ശക്തിപ്പെടുത്തുന്നതിനായി, ബംഗളൂരുവിലെ സാംസങ് ഓപേര ഹൗസിന് പിന്നാലെ മുംബൈയിൽ സാംസങ് ബികെസി എന്ന ആദ്യ ലൈഫ്സ്റ്റൈൽ ഫ്ലാഗ്ഷിപ്പ് സ്റ്റോർ തുറന്നു. കൂടാതെ മുംബൈയിലും ഗുരുഗ്രാമിലുമുള്ള ബിസിനസ് എക്സ്പീരിയൻസ് സ്റ്റുഡിയോ മുഖേന ഉപഭോക്താക്കൾക്കും എന്റർപ്രൈസ് ക്ലയന്റുകൾക്കും അത്യാധുനിക ഉപകരണങ്ങളും നവീകരണങ്ങളും നേരിൽ അനുഭവിക്കാൻ അവസരം ഒരുക്കിയിട്ടുണ്ട്.