ഇതുവരെ ചിത്രം നേടിയ ബോക്‌സ് ഓഫീസ് കളക്ഷന്‍ പുറത്തുവിട്ടിരിക്കുകയാണ് നിര്‍മാതാക്കള്‍..

പ്രഖ്യാപന സമയം മുതല്‍ മൗത്ത് പബ്ലിസിറ്റി ലഭിച്ച ചിത്രം ''പൊന്നിയില്‍ സെല്‍വന്‍ സെപ്റ്റംബര്‍ 30നാണ് തിയറ്ററുകളില്‍ എത്തിയത്. വിക്രം, ജയംരവി, കാര്‍ത്തി, ഐശ്വര്യ റായ്, തൃഷ തുടങ്ങി വന്‍ താരനിര അണിനിരന്ന ചിത്രം പ്രേക്ഷക നിരൂപക പ്രശംസകള്‍ നേടി തിയറ്ററുകളില്‍ പ്രദര്‍ശനം തുടരുകയാണ്. ആദ്യ ആഴ്ചയില്‍ തന്നെ തമിഴ് സിനിമയിലെ എക്കാലത്തെയും വിജയച്ചിത്രമായി 'പൊന്നിയില്‍ സെല്‍വന്‍ മാറി. ഇപ്പോഴിതാ ഇതുവരെ ചിത്രം നേടി ബോക്‌സ് ഓഫീസ് കളക്ഷന്‍ എത്രയെന്ന വിവരം പുറത്തുവിട്ടിരിക്കുകയാണ് നിര്‍മാതാക്കള്‍.

ആഗോള ഗ്രോസ് കളക്ഷനില്‍ 450 കോടിയിലേറെയാണ് ചിത്രം നേടിയിരിക്കുന്നതെന്നാണ് നിര്‍മാതാക്കളായ ലൈക്ക് പ്രൊഡക്ഷന്‍സ് അറിയിച്ചിരിക്കുന്നത്. കഴിഞ്ഞ ആഴ്ച ചിത്രം 400 കോടി ക്ലബ്ബില്‍ ഇടം പിടിച്ചിരുന്നു. ഈ വാരം പൂര്‍ത്തിയാക്കുമ്പോഴേക്കും 500 കോടി ക്ലബ്ബില്‍ പൊന്നിയില്‍ സെല്‍വന്‍ ഇടം പിടിക്കുമെന്നാണ് ട്രേഡ് അനലിസ്റ്റുകളുടെ വിലയിരുത്തല്‍. കമല്‍ഹാസന്‍ കേന്ദ്ര കഥാപാത്രത്തെ അവതരിപ്പിച്ച വിക്രത്തെയും മണി രത്‌നം ചിത്രം മറികടന്നു കഴിഞ്ഞു. ഇതോടെ തമിഴ് നാട്ടില്‍ എക്കാലത്തെയും ഏറ്റവുമധികം ബോക്‌സ് ഓഫീസ് കളക്ഷന്‍ നേടുന്ന ചിത്രമെന്ന ഖ്യാതിയും പൊന്നിയിന്‍ സെല്‍വന്‍ സ്വന്തമാക്കി കഴിഞ്ഞു.

രജനിക്ക് 150 കോടി വരെ പ്രതിഫലം ഞെട്ടിപ്പിക്കുന്ന റിപ്പോര്‍ട്ട്... Read More

ഇതിഹാസ സാഹിത്യകാരന്‍ കല്‍ക്കിയുടെ വിശ്വ പ്രസിദ്ധമായ ചരിത്ര നോവലിനെ ആധാരമാക്കി മണിരത്‌നം അണിയിച്ചൊരുക്കിയ ചിത്രമാണ് പൊന്നിയിന്‍ സെല്‍വന്‍. വന്‍താരനിര അണിനിരന്ന ചിത്രം മലയാളം, തമിഴ്, ഹിന്ദി, തെലുങ്ക്, കന്നട എന്നീ അഞ്ചു ഭാഷകളില്‍ റിലീസ് ചെയ്തിരുന്നു. നിലവില്‍ ചിത്രത്തിന്റെ രണ്ടാം ഭാഗത്തിനായുള്ള കാത്തിരിപ്പിലാണ് സിനിമാസ്വാദകര്‍. രണ്ടാം ഭാഗത്തിലാണ് ചിത്രത്തിന്റെ യഥാര്‍ത്ഥ കഥ പറയാനിരിക്കുന്നതെന്നാണ് വിവരം.