- Trending Now:
Sections
Sections
കോഴിക്കോട്: സംസ്ഥാന സർക്കാരിന്റെ 'ഓപ്പറേഷൻ തൂഫാൻ' ലഹരിവിരുദ്ധ പ്രചാരണത്തിന് ഐക്യദാർഢ്യം പ്രഖ്യാപിച്ച് കോഴിക്കോട്ടെ ഐടി സമൂഹം മുന്നിട്ടിറങ്ങുന്നു. കാലിക്കറ്റ് ഫോറം ഫോർ ഐടിയുടെ (കാഫിറ്റ്) നേതൃത്വത്തിൽ ഗവ. സൈബർപാർക്ക്, യു.എൽ. സൈബർപാർക്ക്, ഹൈലൈറ്റ് ബിസിനസ് പാർക്ക് എന്നിവയുടെ സഹകരണത്തോടെ ലഹരിവിരുദ്ധ മനുഷ്യച്ചങ്ങല സംഘടിപ്പിക്കുന്നു.
ഓഗസ്റ്റ് 13 വ്യാഴാഴ്ച വൈകുന്നേരം നാലരയ്ക്ക് സിറ്റി പോലീസ് കമ്മീഷണർ എ പി ഷൗക്കത്തലി പരിപാടി ഉദ്ഘാടനം ചെയ്യും. കോഴിക്കോട് ഗവ. സൈബർപാർക്ക്, യു.എൽ. സൈബർപാർക്ക് പരിസരങ്ങളിലാണ് മനുഷ്യച്ചങ്ങല തീർക്കുന്നത്. ലഹരി ഉപയോഗത്തിനെതിരെ 'നോ ടു ഡ്രഗ്സ്, യെസ് ടു ലൈഫ്' എന്ന സന്ദേശമാണ് ഇതിലൂടെ നൽകുന്നത്.
ഐടി പ്രൊഫഷണലുകൾ, വിദ്യാർത്ഥികൾ, സന്നദ്ധപ്രവർത്തകർ തുടങ്ങി സമൂഹത്തിന്റെ നാനാതുറകളിലുള്ളവർക്ക് ലഹരിവിരുദ്ധ ചങ്ങലയിൽ കണ്ണികളാകാം. പരിപാടിയിൽ പങ്കെടുക്കുന്നവർക്ക് ഡിജിറ്റൽ സർട്ടിഫിക്കറ്റുകൾ വിതരണം ചെയ്യും. പങ്കാളികളാകാൻ താൽപ്പര്യമുള്ളവർ https://cafit.org/events/human-chain-against-drug-abuse എന്ന ലിങ്ക് വഴി മുൻകൂട്ടി രജിസ്റ്റർ ചെയ്യണമെന്ന് സംഘാടകർ അറിയിച്ചു.
The Local Economy is an online business news portal based in Kerala. International, national and local news related to business will reach the.
More..
ThelocalEconomy.in Copyright (c) 2026. All Rights Reserved.
ഇവിടെ പോസ്റ്റു ചെയ്യുന്ന അഭിപ്രായങ്ങൾ THE LOCAL ECONOMY ടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.