ഈ വില്ലയുടെ കൂടുതല്‍ വിശേഷങ്ങള്‍ അറിഞ്ഞ് അമ്പരന്നിരിക്കുകയാണ് ലോകം

ഈയടുത്താണ് റിലയന്‍സ് സാമ്രാജ്യത്തിന്റെ അധിപന്‍ മുകേഷ് അംബാനി തന്റെ ഇളയ മകന്‍ അനന്ത് അംബാനിക്ക് വേണ്ടി ലക്ഷ്വറി വില്ല വാങ്ങിയത്. ദുബായിലെ പാം ജുമെയ്‌റയിലാണ് ലക്ഷ്വറി വില്ല സ്ഥിതി ചെയ്യുന്നത്. കടലിനു നടുവിലെ ആഡംബര കൊട്ടാരമാണ് ഈ വീട്. ഈ വില്ലയുടെ കൂടുതല്‍ വിശേഷങ്ങള്‍ അറിഞ്ഞ് അമ്പരന്നിരിക്കുകയാണ് ലോകം. 

അതിസമ്പന്നര്‍ മാത്രം വസതി സ്വന്തമാക്കുന്ന ദുബായിലെ പാം ജുമെയ്റയില്‍ ആണ് മുകേഷ് അംബാനി മകന്‍ അനന്തിന് വേണ്ടി വില്ല വാങ്ങിയത്. ഈന്തപ്പനയുടെ ആകൃതിയിലുള്ള കൃത്രിമ ദ്വീപസമൂഹമാണ് പാം ജുമെയ്റ. 80 മില്ല്യണ്‍ ഡോളര്‍ അതായത് ഏകദേശം 639 കോടി രൂപയ്ക്കാണ് അംബാനി ഈ വില്ല സ്വന്തമാക്കിയതെന്നാണ് റിപ്പോര്‍ട്ട്.

മുകേഷ് അംബാനി മക്കള്‍ക്ക് 220 ബില്യണ്‍ ഡോളറിന്റെ സാമ്രാജ്യം കൈമാറാന്‍ ഒരുങ്ങുന്നു... Read More

ഇളയ മകനായി വാങ്ങിയ ഈ വില്ലയില്‍ പത്ത് കിടപ്പുമുറികളും സ്വകാര്യ സ്പാ, ഇന്‍ഡോര്‍, ഔട്ട്‌ഡോര്‍ പൂളുകള്‍ തുടങ്ങിയ ആഡംബര സൗകര്യങ്ങളുമുണ്ട്. നീലകടലിന്റെ അതിമനോഹരമായ കാഴ്ചകളുള്ള ആഡംബര ഹോട്ടലുകള്‍, ഗ്ലിറ്റ്‌സി ക്ലബ്ബുകള്‍, സ്പാകള്‍, റെസ്റ്റോറന്റുകള്‍, ആകര്‍ഷകമായ അപ്പാര്‍ട്ട്‌മെന്റ് കെട്ടിടങ്ങള്‍ എന്നിങ്ങനെയുള്ള ആഡംബരങ്ങള്‍ പാം ജുമൈറയില്‍ ഉണ്ട്.

ഡേവിഡ് ബെക്കാമും വിക്ടോറിയ ബെക്കാമും ബോളിവുഡ് സൂപ്പര്‍ സ്റ്റാര്‍ ഷാരൂഖ് ഖാനും അനന്ത് അമ്പാനിയുടെ പുതിയ അയല്‍ക്കാരാകും. മുകേഷ് അംബാനി നടത്തിയ ഈ  പ്രോപ്പര്‍ട്ടി ഇടപാട് രഹസ്യമായിരുന്നു. റിലയന്‍സ് ഇന്‍ഡസ്ട്രീസ് ലിമിറ്റഡ് ചെയര്‍മാനായ  മുകേഷ് അംബാനി ലോക സമ്പന്നരുടെ പട്ടികയില്‍ 11-ാം സ്ഥാനത്താണ്. 91.9 ബില്യണ്‍ ഡോളര്‍ ആണ് മുകേഷ് അമ്പാനിയുടെ ആസ്തി.