ഐക്യരാഷ്ട്രസഭയുടെ ആഹ്വാനപ്രകാരം എല്ലാ വർഷവും ഡിസംബർ 10 മനുഷ്യാവകാശദിനമായി ആചരിക്കുന്നു. 1948 ഡിസംബർ 10നാണ് ഈ ദിനം മനുഷ്യാവകാശ ദിനമായി പ്രഖ്യാപിക്കപ്പെട്ടത്. 1950ൽ എല്ലാ അംഗ രാജ്യങ്ങളെയും മനുഷ്യാവകാശ രംഗത്ത് പ്രവർത്തിക്കുന്ന സംഘടനകളെയും വിളിച്ച് കൂട്ടി ഈ ദിനം ആഘോഷിക്കാൻ തീരുമാനമെടുത്തു.

കമ്മിഷന്റെ അധികാരപരിധിയിൽ വരുന്ന വിഷയങ്ങൾ ഏതൊക്കെയാണ്

വ്യക്തിയുടെ ജീവൻ, സ്വാതന്ത്ര്യം, സമത്വം, അന്തസ്സ് ഇവയെ ബാധിക്കുന്നതെല്ലാം മനുഷ്യാവകാശത്തിന്റെ പരിധിയിൽവരും. ലഭിക്കേണ്ട ഏത് അവകാശവും ലഭിക്കാതെവരുമ്പോൾ കമ്മിഷന്റെ സഹായംതേടാം. വിവേചനം, അസമത്വം, തൊഴിൽചൂഷണം, അഴിമതി, അക്രമം, ക്രൂരത, അവസരസമത്വം നിഷേധിക്കൽ, യഥാസമയം സേവനം ലഭിക്കാതിരിക്കൽ തുടങ്ങി ഒട്ടേറെ കാര്യങ്ങളെക്കുറിച്ച് കമ്മിഷന് പരാതി നൽകാം.

കമ്മിഷന് പരാതിനൽകാൻ എന്താണ് മാർഗം

വളരെ ലളിതമാണ്. കോടതിയെ സമീപിക്കുന്നതിനെക്കാൾ വളരെ എളുപ്പം. വെള്ളക്കടലാസിൽ എഴുതിയോ തയ്യാറാക്കിയോ പരാതി നൽകാം. ഒരു ഫീസുമില്ല. സ്റ്റാമ്പുപോലും വേണ്ട. സിവിൽ തർക്കങ്ങളും മറ്റും സിവിൽ കോടതികൾ മുഖേന പരിഹരിക്കേണ്ടവയാണ്. മറ്റു പ്രശ്നങ്ങളിൽ കമ്മിഷൻ ഇടപെടും. പലപ്പോഴും കമ്മിഷൻ ഇടപെട്ടു എന്നറിയുമ്പോൾത്തന്നെ ബന്ധപ്പെട്ട ഉദ്യോഗസ്ഥർ പരിഹാരനടപടി സ്വീകരിക്കുന്നത് കണ്ടെത്തിയിട്ടുണ്ട്. കമ്മിഷന് ജുഡീഷ്യൽ അധികാരംകൂടിയുള്ളതിനാലാണിത്. ഓരോ മൂന്നുമാസം കൂടുമ്പോഴും കമ്മിഷന്റെ നിർദേശങ്ങൾ പാലിക്കപ്പെടുന്നുണ്ടോ എന്നത് ചീഫ് സെക്രട്ടറിയുടെ നേതൃത്വത്തിലുള്ള സമിതി അന്വേഷിക്കുന്നുണ്ട്. സർവീസ് പ്രശ്നങ്ങൾ, കോടതിയിൽ കാലതാമസം വരുന്ന കേസുകൾ തുടങ്ങിയവയും ഇപ്പോൾ ചിലർ കമ്മിഷന്റെ ശ്രദ്ധയിൽക്കൊണ്ടുവരാറുണ്ട്. അനീതി ശ്രദ്ധയിൽപ്പെട്ടാൽ നേരിട്ട് അതിൽ കക്ഷിയല്ലാത്തയാൾക്കും പരാതി നൽകാം. മറ്റൊരാൾക്കുവേണ്ടി പരാതി സമർപ്പിക്കാനും സംവിധാനമുണ്ട്. എല്ലാ ജില്ലയിലും സിറ്റിങ്ങും നടത്താറുണ്ട്.

നിങ്ങളുടെ കൗമാര പ്രായത്തിലുള്ളു കുട്ടികളുടെ കാര്യങ്ങളിൽ എങ്ങനെ ഫലപ്രദമായി ഇടപെടാം?... Read More

മനുഷ്യാവകാശ ദിനം ആഘോഷിക്കുന്നതിന്റെ ലക്ഷ്യങ്ങൾ

• മനുഷ്യാവകാശങ്ങളെക്കുറിച്ചുള്ള അവബോധം ജനങ്ങളിൽ വളർത്തുക.
• മൊത്തത്തിലുള്ള മനുഷ്യാവകാശ വ്യവസ്ഥകൾ പുരോഗമിക്കുന്നതിനായി ഐക്യരാഷ്ട്രസഭയുടെ പൊതുസഭയുടെ ശ്രമങ്ങൾക്ക് ഊന്നൽ നൽകുക.
• മനുഷ്യാവകാശങ്ങളുടെ പ്രത്യേക വിഷയങ്ങൾ ചർച്ച ചെയ്യുന്നതിനും ഉയർത്തിക്കാട്ടുന്നതിനും ഒരുമിച്ച് സഹകരിച്ച് ആഘോഷിക്കുക.
• സ്ത്രീകൾ, ന്യൂനപക്ഷങ്ങൾ, യുവജനങ്ങൾ, ദരിദ്രർ, വികലാംഗർ, തദ്ദേശവാസികൾ തുടങ്ങിയ ദുർബലരായ ആളുകളെ ഈ പരിപാടിയിലും രാഷ്ട്രീയ തീരുമാനങ്ങളെടുക്കുന്നതിലും പങ്കെടുക്കാൻ പ്രോത്സാഹിപ്പിക്കുക.