പണയപ്പെടുത്തിയ വസ്തു ഇടപാട് നടത്തുന്നത് ?

ഭവന വായ്പയില്‍ കുടിശ്ശികയുള്ള ഒരു വസ്തു അത് ശരിക്കും പണയപ്പെടുത്തിയ വസ്തുവിന്റെ കൂട്ടത്തിലാണ് ഉള്‍പ്പെടുന്നത്.പണയംവെച്ചിരിക്കുന്ന ഒരു വീടിനു വേണ്ടി നിക്ഷേപിക്കുന്നത് വലിയ ആപത്തായി കരുതുന്നവരുണ്ട്.എങ്ങനെയാണ് പണയപ്പെടുത്തിയ വസ്തു ഇടപാട് നടത്തുന്നത് ?

നമുക്ക് ഒരു ഉദാഹരണത്തിലൂടെ തന്നെ ഈ സംശയം പരിഹരിച്ചാലോ ? കുറച്ച് മാസങ്ങള്‍ക്ക് മുമ്പ് രാധാകൃഷ്ണന്‍ 2 ബെഡ്റൂം ഉള്ള ഒരു ഫ്ളാറ്റ് 55 ലക്ഷം രൂപയ്ക്ക് വാങ്ങി.ഫ്ളാറ്റ് വില്‍പ്പനക്കാരനായ അശോകന് ഫ്ളാറ്റിന്റെ പേരില്‍ 10 ലക്ഷം രൂപ ബാങ്കില്‍ കുടിശ്ശിക ഉണ്ടായിരുന്നു.

കേള്‍ക്കുമ്പോള്‍ വലിയ ബാധ്യതയുള്ള ഫ്‌ളാറ്റ് വാങ്ങാതിരിക്കുന്നതാണ് നല്ലെതെന്നാകും പലരും ചിന്തിക്കുന്നത് പക്ഷെ രാധാകൃഷ്ണന്‍ എന്ത് ചെയ്തു ഒരു 20 ലക്ഷം രൂപ ഡൗണ്‍ പേയ്മെന്റ് അടച്ചു.അതില്‍ നിന്നൊരു ഭാഗം അശോകന്‍ തന്റെ വായ്പ കുടിശ്ശികയ്ക്കുള്ള തുക മുന്‍കൂറായി അടയ്ക്കുന്നു.

നിങ്ങളുടെ വസ്തു ഒരു മികച്ച നിക്ഷേപമാണോ എന്ന് എങ്ങനെ അറിയാം?... Read More

ഈ ഇടപാട് കാരണം അശോകന് ബാങ്കില്‍ നിന്ന് പണയം വെച്ചിരുന്ന പ്രോപ്പര്‍ട്ടിയുടെ യഥാര്‍ത്ഥ സ്വത്ത് രേഖകള്‍ പുറത്തെടുക്കാന്‍ സാധിച്ചു.ഈ രേഖകളുടെ അടിസ്ഥാനത്തില്‍ രാധാകൃഷ്ണന്‍ തന്റെ പേരില്‍ ഫ്ളാറ്റ് രജിസ്റ്റര്‍ ചെയ്യുന്നതിനായി ബാക്കി തുകയ്ക്ക് ഒരു ഹോം ലോണ്‍ എടുക്കുകയും ചെയ്തു.10-15 ദിവസത്തിനുള്ളില്‍ ആ ലോണ്‍ ലഭിക്കുകയും ചെയ്തു.അങ്ങനെ വളരെ മികച്ച രീതിയില്‍ ഇടപാട് നടത്താന്‍ അശോകനും രാധാകൃഷ്ണനും സാധിച്ചു.

ഏത് തരം വായ്പ കുടിശ്ശികയുള്ള ഒരു പ്രോപ്പര്‍ട്ടി വാങ്ങാന്‍ അത് പണയപ്പെടുത്തിയിട്ടുണ്ടെങ്കിലും വസ്തുവിന്റെ വില്‍പ്പന-വാങ്ങല്‍ രേഖ മതി.അതില്‍ വില്‍ക്കുന്നയാളുടെ ഉടമസ്ഥതയും അത് വില്‍ക്കാനുള്ള അവകാശവും സ്ഥിരീകരിക്കുന്നുണ്ട്.

ഒരു ഹോം ലോണ്‍ വഴി വാങ്ങിയ വസ്തുവിന്റെ കാര്യത്തില്‍, എല്ലാ യഥാര്‍ത്ഥ പേപ്പറുകളും ബാങ്കില്‍ പണയപ്പെടുത്തിയിരിക്കുന്നു. അതിനാല്‍, ഇടപാട് ആരംഭിക്കുന്നതിന് ആവശ്യമായ രേഖകളുടെ ഫോട്ടോകോപ്പികള്‍ വാങ്ങുന്നയാള്‍ക്ക് നല്‍കാന്‍ കഴിയും. 

ഉടമസ്ഥാവകാശത്തിന്റെയും സ്വത്തിന്റെയും തരം അടിസ്ഥാനമാക്കി, ഹൗസിംഗ് സൊസൈറ്റിയില്‍ നിന്നുള്ള നോ-ഒബ്ജക്ഷന്‍ സര്‍ട്ടിഫിക്കറ്റ്, വസ്തു ഉടമസ്ഥതയിലുള്ള സംയുക്ത ഉടമസ്ഥരില്‍ നിന്നുള്ള രേഖാമൂലമുള്ള സമ്മതം എന്നിവ പോലുള്ള അധിക രേഖകള്‍ ആവശ്യമായി വന്നേക്കാം.

ആക്രിക്കട 2.0: പാഴ് വസ്തുക്കളില്‍ നിന്ന് അത്ഭുതം സൃഷ്ടിക്കുന്ന അനുജിത്ത്... Read More

മുഴുന്‍വന്‍ പണവും നല്‍കി ഭൂമി അല്ലെങ്കില്‍ വീട് വാങ്ങുമ്പോള്‍ ഭൂഉടമയ്ക്ക് തുക നല്‍കിയ ശേഷം ബാങ്കിലേക്കുള്ള തുക ഭൂഉടമ മുഖേന നല്‍കി ബാധ്യതകള്‍ തീര്‍ത്തി വസ്തു രജിസ്റ്റര്‍ ചെയ്യാവുന്നതാണ്.ഇനി മറിച്ച് ലോണ്‍ ആണ് ആശ്രയിക്കുന്നത് എങ്കില്‍ വാങ്ങാന്‍ ഉദ്ദേശിക്കുന്ന വായ്പ ബാധ്യതയുള്ള പ്രോപ്പര്‍ട്ടിക്ക് ലോണ്‍ ഏത് ബാങ്കില്‍ ആണോ ഉള്ളത് ആ ബാങ്കില്‍ നിന്ന് തന്നെ ലോണ്‍ നേടാന്‍ സാധിക്കും.ഇതിനായുള്ള ഡോക്യുമെന്റുകള്‍ സമര്‍പ്പിച്ച് ലോണ്‍ വാങ്ങിയ ശേഷം പുതിയ ലോണ്‍ എഗ്രിമെന്റ് സൈന്‍ ചെയ്ത് വസ്തു രജിസ്റ്റര്‍ ചെയ്യാം.ശേഷം ഇഎംഐ അടച്ചു തുടങ്ങാം