സ്റ്റാര്‍ട്ടപ്പുകളിലേക്കുളള വലിയ തോതിലുള്ള ഫണ്ടൊഴുക്ക് തുടരുകയാണ്

നമ്മുടെ സ്റ്റാര്‍ട്ടപ്പുകളിലേക്കുളള ഫണ്ടൊഴുക്ക് തുടരുകയാണ്.രാജ്യത്ത് ഇപ്പോള്‍ യൂണികോണ്‍ വസന്തമാണ്, ഫണ്ടിന്റെ വലിയ തോതിലുള്ള നിക്ഷേപത്തിനാണ് ഈ അവസരം സാക്ഷ്യം വഹിക്കുന്നത്. മുന്‍പ് വര്‍ഷത്തില്‍ പത്തോ പതിനഞ്ചോ യൂണികോണുകള്‍ ആയിരുന്നുവെങ്കില്‍ 2021-ല്‍ ഇതുവരെ മുപ്പതിലധികം യൂണികോണുകള്‍ സൃഷ്ടിക്കപ്പെട്ടു.സെപ്തംബര്‍ വരെ മാത്രം, 1000 കോടി ഡോളറാണ് ഇന്ത്യയിലെ സ്റ്റാര്‍ട്ടപ്പുകളിലെത്തിയത്. 

സ്റ്റാര്‍ട്ടപ്പുകളെ പ്രോത്സാഹിപ്പിക്കാന്‍ ഡിജിറ്റല്‍ ഹബ്ബ് തയ്യാറാക്കി കേരള സ്റ്റാര്‍ട്ടപ്പ് മിഷന്‍ ... Read More

347 ഡീലുകളിലാണ് 75000 കോടി രൂപ ഇവിടുത്തെ സ്റ്റാര്‍ട്ടപ്പ് നേടിയെടുത്തിട്ടുണ്ട്. വാല്യു നോക്കിയാലും വ്യാപ്തി നോക്കിയാലും ഇത് ചരിത്രത്തിലെ തന്നെ റെക്കോര്‍ഡ് ആണ്.എന്നാലും ഫിന്‍ടെക്, എഡ്‌ടെക്, സാസ് എന്നിവയാണ് പണം വാരിയവരിലെ പ്രമുഖര്‍.ആകെ മൊത്തം ഫണ്ടിംഗിന്റെ 47 ശതമാനം ഈ സെക്ടറുകളില്‍ നിന്നാണ് . 

സ്റ്റാര്‍ട്ടപ്പ് അത്ര ഈസിയല്ല; ആശയം കണ്ടെത്താന്‍ വഴികള്‍ ? ... Read More

മറ്റ് ബിസിനസ്സുകളെ അപേക്ഷിച്ച് സ്റ്റാര്‍ട്ടപ്പില്‍ മാത്രം എങ്ങനെ ഇത്ര നിക്ഷേപം വന്നു? ഡിജിറ്റല്‍ അഡോപ്ഷന്‍ നടത്താനായതുകൊണ്ടാണ് സ്റ്റാര്‍ട്ടപ്പുകള്‍ക്ക് മികവുറ്റ രീതിയില്‍ ഫണ്ടിംഗ് നേടാനായത്. ഇന്‍വെസ്റ്റേഴ്‌സിനെ ആകര്‍ഷിക്കും വിധം പുതിയ ബിസിനസ് മോഡല്‍ സെറ്റ് ചെയ്യാന്‍ സ്റ്റാര്‍ട്ടപ്പുകള്‍ക്കായി. ഇന്ത്യന്‍ സ്റ്റാര്‍ട്ടപ്പുകളുടെ മികച്ച സമയം ആണ് ഇതെന്ന് വിദഗ്ധര്‍ അഭിപ്രായപ്പെടുന്നു.

സ്റ്റാര്‍ട്ടപ്പ് സംരംഭം: വായ്പയ്ക്ക് അപേക്ഷിക്കാം... Read More

396 യൂണികോണുള്ള അമേരിക്കയ്ക്കും , 277 യൂണികോണുള്ള ചൈനയ്ക്കും പിന്നില്‍, മൂന്നാമതാണ് ഇന്ത്യ. യുകെ (32), ജര്‍മ്മനി (18) എന്നിവയ്ക്ക് മുന്നിലാണ് ഇന്ത്യയുടെ സ്ഥാനം. നിലവില്‍ 60-ല്‍ അധികം യൂണികോണ്‍ സ്റ്റാര്‍ട്ടപ്പുകളുള്ള ലോകത്തിലെ ഏറ്റവും വേഗത്തില്‍ വളരുന്ന സ്റ്റാര്‍ട്ടപ്പ് എക്കോസിസ്റ്റമായി ഇന്ത്യ മാറുകയാണ്.