കൊച്ചി: ഉണങ്ങാത്ത വസ്ത്രങ്ങളും ഈർപ്പമുള്ള അന്തരീക്ഷവും മൺസൂൺ കാലത്ത് വീടുകളിൽ പലപ്പോഴും വലിയ ബുദ്ധിമുട്ട് സൃഷ്ടിക്കാറുണ്ട്. ഈ പ്രശ്നങ്ങൾക്ക് പരിഹാരമായി, ദൈനംദിന ഉപയോഗത്തിന് ഏറെ അനുയോജ്യമായ രീതിയിൽ രൂപകൽപ്പന ചെയ്തിട്ടുള്ള വോൾട്ടാസ് ബെക്കോ ഫുള്ളി ഓട്ടോമാറ്റിക് ടോപ്പ് ലോഡ് വാഷിംഗ് മെഷീൻ വിപണിയിൽ ശ്രദ്ധേയമാകുന്നു.

ഡയറക്ട് ഡ്രൈവ് സാങ്കേതികവിദ്യയോട് കൂടിയ പ്രോസ്മാർട്ട് ഇൻവെർട്ടർ മോട്ടോറാണ് ഈ വാഷിംഗ് മെഷീനിൽ സജ്ജീകരിച്ചിരിക്കുന്നത്. അതിനാൽ വളരെ കുറഞ്ഞ ശബ്ദത്തിൽ കൂടുതൽ കാലം ഈടുനിൽക്കുന്ന മികച്ച പ്രവർത്തനക്ഷമത ഇത് ഉറപ്പുനൽകുന്നു. ആകർഷകമായ പ്രീമിയം ഡാർക്ക് ഗ്രേ ഫിനിഷും വലിയ കപ്പാസിറ്റിയും ഇതിനെ ആധുനിക വീടുകൾക്ക് തികച്ചും അനുയോജ്യമാക്കുന്നു.

മൺസൂൺ കാലത്തെ വെല്ലുവിളികൾ നേരിടുന്നതിനായി പ്രത്യേകം തയ്യാറാക്കിയിട്ടുള്ള ഈ വാഷിംഗ് മെഷീൻ, ഈർപ്പമുള്ള അന്തരീക്ഷത്തിലും വസ്ത്രങ്ങൾ വേഗത്തിൽ ഉണക്കാൻ സഹായിക്കുന്നു. ഇതിനുപുറമെ, വസ്ത്രങ്ങൾ കൂടുതൽ വൃത്തിയാക്കാൻ സഹായിക്കുന്ന 'ജെറ്റ് വാഷ്', തുണികളിൽ നിന്നുണ്ടാകുന്ന നാരുകൾ ഫലപ്രദമായി നീക്കം ചെയ്യാൻ മാജിക് ഫിൽറ്ററോടു കൂടിയ 'സൈഡ് വാട്ടർഫോൾ', അധികം അഴുക്കില്ലാത്ത വസ്ത്രങ്ങൾ വേഗത്തിൽ അലക്കിയെടുക്കാൻ '15 മിനിറ്റ് ക്വിക്ക് വാഷ്' പ്രോഗ്രാം തുടങ്ങിയ സവിശേഷതകളും ഇതിലുണ്ട്.

കുറഞ്ഞ വൈദ്യുതിയിൽ പ്രവർത്തിക്കുന്ന ഇൻവെർട്ടർ മോട്ടോർ ഉപയോഗിച്ചിരിക്കുന്ന ഈ വാഷിംഗ് മെഷീൻ മികച്ച പ്രകടനം, ഉപയോഗിക്കാനുള്ള സൗകര്യം, കാര്യക്ഷമത എന്നിവയെല്ലാം ഒരുപോലെ വാഗ്ദാനം ചെയ്യുന്നു.

വോൾട്ടാസ് ബെക്കോ ഫുള്ളി ഓട്ടോമാറ്റിക് ടോപ്പ് ലോഡ് വാഷിംഗ് മെഷീൻ ഇന്ത്യയിലുടനീളമുള്ള എല്ലാ വോൾട്ടാസ്/ വോൾട്ടാസ് ബെക്കോ അംഗീകൃത ഡീലർമാർ, റീട്ടെയിൽ സ്റ്റോറുകൾ, പ്രമുഖ കൺസ്യൂമർ ഇലക്ട്രോണിക്സ് ഔട്ട്ലെറ്റുകൾ എന്നിവിടങ്ങളിൽ ലഭ്യമാണ്.