ജീവിതത്തിൽ ഏറ്റവും വിലപ്പെട്ട സമ്പത്ത് സമയമാണ്. ഒരിക്കൽ നഷ്ടമായ സമയം പിന്നെ ഒരിക്കലും തിരിച്ചു കിട്ടില്ല. അതിനാൽ തന്നെ ഓരോരുത്തരും സ്വന്തം ജീവിതത്തിൽ സമയത്തെ ശരിയായ രീതിയിൽ ഉപയോഗിക്കേണ്ടത് വളരെ പ്രധാനമാണ്.സമയനിയന്ത്രണം എന്നു പറയുന്നത്, നമ്മുടെ ദിവസവും ചെയ്യുന്ന കാര്യങ്ങൾ ശരിയായ ക്രമത്തിൽ, മുൻഗണന നൽകി, സമയത്തിന് അനുയോജ്യമായി പ്ലാൻ ചെയ്ത് നടപ്പാക്കുന്നതാണ്.

സമയം നിയന്ത്രണം കൊണ്ട് നിങ്ങൾക്ക് ലഭിക്കുന്ന ഫലങ്ങൾ ഇവയൊക്കെയാണ് ജോലി കാര്യക്ഷമമായി പൂർത്തിയാക്കാം, പഠനത്തിൽ മികച്ച ഫലം ലഭിക്കും, അനാവശ്യ സമ്മർദ്ദം ഒഴിവാക്കാം, വിശ്രമത്തിനും കുടുംബത്തിനുo ഒപ്പമുളള സമയം കണ്ടെത്താം. ലക്ഷ്യങ്ങൾ വേഗത്തിൽ നേടാനാകും.

എന്തൊക്കെ ചെയ്തുകൊണ്ട് നിങ്ങൾക്ക് ജീവിതത്തിൽ സമയ നിയന്ത്രണം കൊണ്ട് വരാം എന്നതിനെക്കുറിച്ച് നോക്കാം.

• പ്ലാൻ തയ്യാറാക്കുക: ഓരോ ദിവസവും ചെയ്യേണ്ട കാര്യങ്ങളെ കുറിച്ച് എഴുതി തയാറാക്കുക.
• മുൻഗണന നൽകുക: ഏറ്റവും പ്രധാനപ്പെട്ട കാര്യങ്ങൾ ആദ്യം പൂർത്തിയാക്കുക.
• സമയം പാഴാക്കരുത്: മൊബൈൽ, ടിവി, അനാവശ്യ ചാറ്റുകൾ എന്നിവയിൽ സമയം കളയുന്നത് കുറയ്ക്കുക.
• സമയപട്ടിക പാലിക്കുക:പഠനത്തിനും വിശ്രമത്തിനും വിനോദത്തിനും ഒരേ പോലെ സമയം വകയിരുത്തുക.
• സമയം പാലിക്കുന്ന ശീലം വികസിപ്പിക്കുക: ചെറിയ കാര്യങ്ങളിലും സമയം കൃത്യമായി പാലിക്കാൻ ശ്രമിക്കുക.ഉദാഹരണം: 10 മണിക്ക് തുടങ്ങുന്ന ക്ലാസിന് 9.55-ന് തയ്യാറാകുക.
• 'Deadline' നിശ്ചയിക്കുക: ഓരോ ജോലിയും അവസാനിക്കേണ്ട സമയപരിധി നിശ്ചയിക്കുക. അത് പാലിക്കാൻ ശ്രമിക്കുക.
• സ്വയം വിലയിരുത്തൽ നടത്തുക: ദിവസാവസാനം എത്ര കാര്യങ്ങൾ പൂർത്തിയാക്കി, എവിടെ സമയം പാഴായി എന്ന് പരിശോധിക്കുക.പിഴവുകൾ തിരുത്തി അടുത്ത ദിവസം മെച്ചപ്പെടുത്തുക.
• സമയത്തെ വിനിയോഗിക്കുക: യാത്രക്കിടയിൽ പുസ്തകം വായിക്കുക, ചെറിയ കുറിപ്പുകൾ തയ്യാറാക്കുക, ചെറിയ കാര്യങ്ങൾ ചെയ്യുക. ചെറിയ സമയം പോലും വിലപ്പെട്ടതാണ്.

സമയത്തെ നിയന്ത്രിക്കുന്നവനാണ് ജീവിതത്തെ നിയന്ത്രിക്കുന്നത്'. സമയം നമ്മെ കാത്തിരിക്കില്ല, അതിനാൽ സമയം വിലമതിച്ച്, ഓരോ നിമിഷവും ഉചിതമായി വിനിയോഗിക്കേണ്ടത് നമ്മുടെ ഉത്തരവാദിത്തമാണ്.

കുടുംബത്തോടും സുഹൃത്തുക്കളോടും സഹപ്രവർത്തകരോടും അയൽക്കാരോടും നല്ല ബന്ധം പുലർത്തുന്നതിനായി ശ്രദ്ധിക്കേണ്ട കാര്യങ്ങൾ... Read More

ലോക്കൽ എക്കോണമി എന്ന ഈ ന്യൂസ് പോർട്ടൽ ജനങ്ങളെ ലോക്കൽ ടു ഗ്ലോബൽ എന്ന നിലയിൽ ഉയർത്തുക എന്നതാണ് ലക്ഷ്യമാക്കുന്നത്. ഈ പോർട്ടലിൽ രാവിലെ പോസിറ്റീവ് വാർത്തകൾ മാത്രമാണ് പോസ്റ്റ് ചെയ്യുന്നത്. രാവിലെ നെഗറ്റീവ് വാർത്ത കേൾക്കാതെ പോസിറ്റീവ് വാർത്തകൾ മാത്രം വായിക്കാൻ ആഗ്രഹിക്കുന്ന ആൾക്കാർ ഈ പോർട്ടൽ സബ്സ്ക്രൈബ് ചെയ്യുക, ഫോളോ ചെയ്യുക.