- Trending Now:
ഹൈദരാബാദ്: ഡച്ച് ബഹുരാഷ്ട്ര കമ്പനിയായ എസ്എച്ച്വി എനർജിയുടെ പൂർണ ഉടമസ്ഥതയിലുള്ള ഉപസ്ഥാപനവും പ്രമുഖ എൽപിജി വിതരണക്കാരുമായ സൂപ്പർഗ്യാസ്, ഇന്ത്യയിൽ തങ്ങളുടെ പ്രവർത്തനത്തിന്റെ 30 വർഷം പൂർത്തിയാക്കി. അടുത്ത അഞ്ച് വർഷത്തിനുള്ളിൽ അടിസ്ഥാന സൗകര്യ വികസനത്തിനും വിതരണ ശൃംഖല വിപുലീകരണത്തിനുമായി 350 കോടി രൂപ നിക്ഷേപിക്കുമെന്ന് കമ്പനി അറിയിച്ചു. ഈ കാലയളവിൽ വാർഷിക വിൽപ്പന ഇരട്ടിയാക്കാനും കമ്പനി ലക്ഷ്യമിടുന്നു.
പശ്ചിമ ബംഗാളിലും പഞ്ചാബിലും പുതിയ ഫില്ലിംഗ് പ്ലാന്റുകൾ സ്ഥാപിക്കുന്നതിനും തൂത്തുക്കുടി ടെർമിനലിലെ സംഭരണശേഷി 8,000 മെട്രിക് ടൺ വർധിപ്പിക്കുന്നതിനുമായി ആദ്യ രണ്ട് വർഷങ്ങളിൽ 60 കോടി രൂപ ചെലവഴിക്കും. അടുത്ത അഞ്ച് വർഷത്തിനുള്ളിൽ നാല് പ്ലാന്റുകൾ കൂടി സ്ഥാപിക്കും. ബിഹാർ, ജമ്മു, ഗോവ, മധ്യപ്രദേശ്, അസം, വടക്കുകിഴക്കൻ സംസ്ഥാനങ്ങൾ എന്നിവിടങ്ങളിലേക്കും പ്രവർത്തനം വ്യാപിപ്പിക്കും. ജീവനക്കാരുടെ എണ്ണം 15 ശതമാനവും ഫ്രാഞ്ചൈസി പങ്കാളികളുടെ ശൃംഖല 50 ശതമാനവും വർധിപ്പിക്കാനും പദ്ധതിയുണ്ട്.
നിലവിൽ രണ്ട് ഇറക്കുമതി ടെർമിനലുകൾ, 16 സ്വന്തം ഫില്ലിംഗ് പ്ലാന്റുകൾ, എട്ട് കരാർ ബോട്ടിലിംഗ് പ്ലാന്റുകൾ, നാല് ഡിപ്പോകൾ, 45-ലധികം ഓട്ടോ എൽപിജി സ്റ്റേഷനുകൾ, 400-ലധികം ഫ്രാഞ്ചൈസി പങ്കാളികൾ എന്നിവ കമ്പനിക്കുണ്ട്. 1.5 ലക്ഷം ഗാർഹിക ഉപഭോക്താക്കൾക്കും 25,000-ത്തിലധികം വാണിജ്യ ഉപഭോക്താക്കൾക്കും 2,000-ത്തിലധികം വ്യാവസായിക ഉപഭോക്താക്കൾക്കും സേവനം നൽകുന്നു. 2030-ഓടെ ജീവനക്കാരിൽ 25 ശതമാനം വനിതകളാക്കുമെന്നും കമ്പനി അറിയിച്ചു.
ഇവിടെ പോസ്റ്റു ചെയ്യുന്ന അഭിപ്രായങ്ങൾ THE LOCAL ECONOMY ടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.