ജീവിതത്തിൽ പലപ്പോഴും നാം വലിയ സ്വപ്നങ്ങൾ കാണാൻ ഭയപ്പെടുന്നു. കാരണം നമ്മളെ ചുറ്റിപ്പറ്റിയവരിൽ ചിലർ പറയുന്നുണ്ട് ''അത് നിനക്ക് സാധിക്കില്ല'', ''ഇത് വലിയ കാര്യമല്ല'', ''നീ ഇത്ര വലിയ സ്വപ്നം കാണേണ്ട''.

പക്ഷേ യാഥാർത്ഥ്യം എന്താണെന്ന് അറിയാമോ?

വലിയ വിജയങ്ങൾ എല്ലാം ചെറിയ സ്വപ്നങ്ങളിൽ നിന്നാണ് തുടങ്ങിയത്.

ഒരു ചെറുപ്രായക്കാരൻ നാളെ ഒരു ശാസ്ത്രജ്ഞനായിത്തീരുമെന്ന് ആരും കരുതിയില്ല. ഒരു ചെറിയ വീട്ടിൽ നിന്നൊരു സംരംഭകൻ ലോകം കീഴടക്കുമെന്ന് ആരും വിശ്വസിച്ചില്ല. പക്ഷേ അവർ ഒരു ചെറിയ ശ്രമം തുടങ്ങി അതാണ് അവരെ വിജയികളാക്കിയത്.

• സ്വപ്നം ചെറുതാണെന്ന് തോന്നിയാലും അതിനൊരാശയം ഉണ്ടെന്നതുതന്നെ അതിന്റെ മഹത്വമാണ്. അതിനായി നിങ്ങൾ ദിവസവും ചെറിയൊരു ശ്രമം ചെയ്യുക
• ഒരു പേജ് പുസ്തകം വായിക്കുക, ഒരു പുതിയ അറിവ് നേടുക, ഒരു നല്ല പ്രവൃത്തിക്ക് തുടക്കം കുറിക്കുക. ആ ചെറിയ കാൽവയ്പ്പാണ് നാളെ നിങ്ങളുടെ വഴിയൊരുക്കുന്നത്.
• വിജയം കാത്തിരിക്കാൻ തുടങ്ങുന്നവർക്ക് അത് ദൂരെയായിരിക്കും, പക്ഷേ ശ്രമിക്കാൻ തുടങ്ങുന്നവർക്ക് അത് അടുത്തായിരിക്കും. അതിനാൽ, ഇന്ന് തന്നെ തുടങ്ങൂ. നിങ്ങളുടെ ചെറിയ ശ്രമം നാളെയുടെ മഹാവിജയത്തിന് വിത്തായിരിക്കും.
• പിഴച്ചാൽ വിഷമിക്കേണ്ട. ഓരോ പരാജയവും നിങ്ങൾ പഠിക്കുന്ന ഒരു പാഠമാണ്. ആരും ഒരുനാൾ കൊണ്ട് വിജയിച്ചിട്ടില്ല.
• നിങ്ങൾ ഉള്ള കൂട്ടം നിങ്ങളുടെ ഭാവിയെ സ്വാധീനിക്കും. നിങ്ങളെ ഉയർത്തുന്നവരുമായി ഇടപെടുക. നെഗറ്റീവ് ചിന്തകളിൽ നിന്ന് അകലുക.
• മറ്റുള്ളവരുമായി താരതമ്യം ചെയ്യുന്നത് നിർത്തുക. നിങ്ങൾ ആർക്കും പകരമല്ല, ഒരുപാട് വിലയുള്ള വ്യക്തിത്വമാണ്.
• സോഷ്യൽ മീഡിയയും ഇന്റർനെറ്റും നിങ്ങളെ പ്രചോദിപ്പിക്കാനും പഠിപ്പിക്കാനും ഉപയോഗിക്കുക.

ലോക്കൽ എക്കോണമി എന്ന ഈ ന്യൂസ് പോർട്ടൽ ജനങ്ങളെ ലോക്കൽ ടു ഗ്ലോബൽ എന്ന നിലയിൽ ഉയർത്തുക എന്നതാണ് ലക്ഷ്യമാക്കുന്നത്. ഈ പോർട്ടലിൽ രാവിലെ പോസിറ്റീവ് വാർത്തകൾ മാത്രമാണ് പോസ്റ്റ് ചെയ്യുന്നത്. രാവിലെ നെഗറ്റീവ് വാർത്ത കേൾക്കാതെ പോസിറ്റീവ് വാർത്തകൾ മാത്രം വായിക്കാൻ ആഗ്രഹിക്കുന്ന ആൾക്കാർ ഈ പോർട്ടൽ സബ്സ്ക്രൈബ് ചെയ്യുക, ഫോളോ ചെയ്യുക.

ഒരു പുഞ്ചിരിയുടെ ശക്തി: ജീവിതം പ്രകാശപൂരിതമാക്കാനുള്ള ഒരു സ്വാഭാവിക മാർഗം... Read More