ജിയോ-ബിപി പള്‍സ് ബ്രാന്‍ഡിന്റെ സഹായത്തോടെയാണ് ചാര്‍ജിങ് നെറ്റ്വര്‍ക്കുകള്‍ സ്ഥാപിക്കുന്നത്

മഹീന്ദ്രയുടെ വരാന്‍ പോകുന്ന ഇലക്ട്രിക് എസ്‌യുവികള്‍ക്ക് ചാര്‍ജിംഗ് നെറ്റ്വര്‍ക്ക് സ്ഥാപിക്കാന്‍ ജിയോ-ബിപി. റിലയന്‍സ് ഇന്‍ഡസ്ട്രീസും ബ്രിട്ടീഷ് ഓയില്‍ ആന്റ് ഗ്യാസ് കമ്പനിയായ ബിപിയും ചേര്‍ന്നുളള ഇന്ധന റീട്ടെയിലിംഗ് സംയുക്ത സംരംഭമാണ് ജിയോ-ബിപി. ഇന്ത്യയിലെ മുന്‍നിര എസ്യുവി നിര്‍മ്മാതാക്കളായ മഹീന്ദ്ര ആന്‍ഡ് മഹീന്ദ്രയും (M&M) ജിയോ-ബിപിയും മഹീന്ദ്രയുടെ വരാനിരിക്കുന്ന ഇ-എസ്യുവി ലോഞ്ചുകള്‍ക്കായി ചാര്‍ജിംഗ് നെറ്റ്വര്‍ക്ക് സ്ഥാപിക്കുമെന്ന് കമ്പനി പ്രസ്താവനയില്‍ അറിയിച്ചു. 

16 നഗരങ്ങളില്‍ നിന്നും തുടങ്ങി, രാജ്യത്തുടനീളമുള്ള മഹീന്ദ്ര ആന്‍ഡ് മഹീന്ദ്രയുടെ ഡീലര്‍ഷിപ്പ് നെറ്റ്വര്‍ക്കുകളിലും വര്‍ക്ക് ഷോപ്പുകളിലും ഡിസി ഫാസ്റ്റ് ചാര്‍ജറുകള്‍ ഇന്‍സ്റ്റാള്‍ ചെയ്യാനാണ് ജിയോ-ബിപിയുടെ പ്ലാന്‍. ജിയോ-ബിപി പള്‍സ് ബ്രാന്‍ഡിന്റെ സഹായത്തോടെയാണ് ചാര്‍ജിങ് നെറ്റ്വര്‍ക്കുകള്‍ സ്ഥാപിക്കുന്നത്.

അദാനി ഡാറ്റാ സെന്ററിലെ സ്ഥലം വാടകക്കെടുത്ത് ​ഗൂ​ഗിൾ; മാസവാടക 11 കോടി... Read More

ഇവി പ്രൊഡക്ടുകളുടെയും സര്‍വീസുകളുടെയും വികസനത്തിനായി ഇരു കമ്പനികളും കഴിഞ്ഞ വര്‍ഷം ധാരണാപത്രം ഒപ്പുവച്ചിരുന്നു. ഇലക്ട്രിക്ക് വണ്ടികള്‍ ഉപയോഗിക്കുന്നവര്‍ക്ക് നഗരത്തിനുള്ളിലും പുറത്തുമുള്ള യാത്ര എളുപ്പമാക്കുന്നതിനായി നഗരത്തിന്റെ പ്രധാന സ്ഥലങ്ങളിലും ഹൈവെകളിലും ചാര്‍ജിങ് സൗകര്യങ്ങള്‍ വിപുലീകരിക്കുകയാണ് ജിയോ-ബിപി. 

അതിവേഗ ചാര്‍ജിങ്ങിനായുള്ള സൗകര്യങ്ങള്‍ വികസിപ്പിക്കുന്നതിലൂടെ, ജിയോ-ബിപിയും എം ആന്‍ഡ് എമ്മും ചേര്‍ന്ന് ഇന്ത്യയില്‍ ഇലക്ട്രിക് പാസഞ്ചര്‍ കാര്‍ വ്യാപനം പ്രോത്സാഹിപ്പിക്കാനാണ് ലക്ഷ്യമിടുന്നത്.