- Trending Now:
Sections
Sections
കൊച്ചി: സമകാലീന കലാലോകം വരേണ്യവർഗത്തിന് വേണ്ടി മാത്രമുള്ളതാണെന്ന പൊതുധാരണ തിരുത്തിയതാണ് കഴിഞ്ഞ ഒരു വ്യാഴവട്ടക്കാലമായി കൊച്ചി-മുസിരിസ് ബിനാലെ നൽകിയ ഏറ്റവും വലിയ സംഭാവനയെന്ന് കേരള ലളിതകലാ അക്കാദമി അധ്യക്ഷൻ മുരളി ചീരോത്ത് പറഞ്ഞു. കൂട്ടായ പങ്കാളിത്തത്തിലും പൊതുജന ഇടപെടലിലും അധിഷ്ഠിതമായ ഒരു 'ജനകീയ ബിനാലെ' ആയി ഇത് മാറിക്കഴിഞ്ഞെന്നും അദ്ദേഹം പറഞ്ഞു.
കുട്ടികളടക്കം കേരളത്തിലുടനീളമുള്ള ആളുകൾ ഈ കലാവിരുന്നിനെക്കുറിച്ച് ഇന്ന് ബോധവാന്മാരാണ്. വലിയ രീതിയിലുള്ള സർഗ്ഗാത്മക-സാംസ്കാരിക പരിവർത്തനങ്ങൾക്ക് വഴിയൊരുക്കിയ ഒരു വേദിയാണിതെന്നും അദ്ദേഹം കൂട്ടിച്ചേർത്തു.
ടൂറിസം, ക്രിയേറ്റീവ് ഇക്കണോമി, സമകാലിക കല, പൈതൃകം എന്നിവയ്ക്കായി വിശാലമായ വേദി ബിനാലെ സൃഷ്ടിച്ചിട്ടുണ്ട്. ഒരു പുതിയ സമ്പദ്വ്യവസ്ഥ എങ്ങനെ രൂപപ്പെടാം എന്നതാണ് ബിനാലെ മുന്നോട്ടുവെക്കുന്ന മാതൃക. ആധുനികവും അത്യാധുനികവുമായ ഇടങ്ങളിൽ പ്രവർത്തിക്കുന്ന ആഗോള കലാകാരന്മാരെ ഒരുമിപ്പിക്കുന്നതിനോടൊപ്പം സാങ്കേതികവിദ്യ, പൈതൃകം, കരകൗശലം, വൈദഗ്ധ്യം എന്നിവയെ കേരളത്തിലെ ബിനാലെ ഫോർമാറ്റിലൂടെ സമന്വയിപ്പിക്കാൻ സാധിക്കുന്നുണ്ടെന്ന് അദ്ദേഹം നിരീക്ഷിച്ചു.
പരമ്പരാഗതമല്ലാത്തതും പരീക്ഷണാത്മകവുമായ കലാസൃഷ്ടികൾക്ക് ബിനാലെ ആറാം പതിപ്പ് പ്രാധാന്യം നൽകുന്നുണ്ട്. നരവംശശാസ്ത്രം പോലുള്ള മേഖലകളിലടക്കം ബിനാലെയിലെ സൃഷ്ടികൾ കൂട്ടായ സർഗ്ഗാത്മകതയ്ക്കും കലാപരമായ പ്രക്രിയകൾക്കും ഊന്നൽ നൽകുന്നവയാണ്.
The Local Economy is an online business news portal based in Kerala. International, national and local news related to business will reach the.
More..
ThelocalEconomy.in Copyright (c) 2026. All Rights Reserved.
.png)
.png)
ഇവിടെ പോസ്റ്റു ചെയ്യുന്ന അഭിപ്രായങ്ങൾ THE LOCAL ECONOMY ടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.