മനുഷ്യൻ ഒരു സാമൂഹികജീവിയാണ്. അവൻ വളരുന്നത് ബന്ധങ്ങളിലൂടെയാണ്. ഈ ബന്ധങ്ങളിൽ ഏറ്റവും പ്രധാനപ്പെട്ടത് കുടുംബബന്ധമാണ്. അമ്മ, അച്ഛൻ, സഹോദരങ്ങൾ, അമുമ്മ, അപ്പുപ്പ, മക്കൾ, ഭാര്യ ഭർത്താവ് ഇവർക്കിടയിലെ ബന്ധമാണ് ജീവിതത്തെ മനോഹരമാക്കുന്നത്. ആത്മബന്ധവും, കരുതലും, പരസ്പര സ്നേഹവുമാണ് ഒരാൾക്ക് യഥാർത്ഥത്തിൽ സന്തോഷം നൽകുന്നത്.

• ഒരു വ്യക്തിയുടെ ആദ്യ സംരക്ഷണ ഇടമാണ് കുടുംബം. വലിയപേരുള്ള വീടോ, ധനസമ്പത്തോ ഇല്ലെങ്കിലും, സ്നേഹപരമായ ബന്ധങ്ങളുള്ള ഒരു കുടുംബം അതിൽ ജീവിക്കുന്നവർക്കുള്ള സ്വർഗം തന്നെയാണ്. കുട്ടികൾക്ക് നല്ല ശീലങ്ങളും മൂല്യബോധവും വളർത്താൻ ഏറ്റവും അനുയോജ്യമായ വേദിയാണ് കുടുംബം.
• സ്നേഹവും, പരിഗണനയും, ഒത്തൊരുമയും, പ്രശ്നങ്ങളിൽ ഒപ്പം നിൽക്കുന്ന മനസ്സുമാണ് സത്യസന്ധമായ സന്തോഷത്തിന്റെ അടിസ്ഥാനം. കുടുംബത്തിൽ ഒരാളുടെ പ്രശ്നം മുഴുവൻ കുടുംബത്തിന്റേതാണ്. സന്തോഷം ഒരാളുടേതായിരുന്നാലും അത് എല്ലാവരും ആഘോഷിക്കുന്നു. ഈ പങ്കുവെക്കലുകൾ ബന്ധങ്ങളെ ശക്തിപ്പെടുത്തുകയും ഹൃദയത്തിൽ സന്തോഷം നിറയ്ക്കുകയും ചെയ്യുന്നു.
• ഭാര്യയും ഭർത്താവും തമ്മിലുള്ള പരസ്പര ബഹുമാനവും, അമ്മയും മകളും തമ്മിലുള്ള ആത്മബന്ധവും, അച്ഛനും മകനുമിടയിലെ സൗഹൃദവുമാണ് കുടുംബം സംരക്ഷിക്കപ്പെടാൻ സഹായിക്കുന്നത്. സംസാരിക്കാനുള്ള സമയം കണ്ടെത്തുക, പരസ്പരം കേൾക്കുക, ചെറിയ കാര്യങ്ങൾക്കായി നന്ദി പറയുക, ക്ഷമിക്കാനും തയ്യാറാവുക ഇവയൊക്കെ കുടുംബത്തിൽ സന്തോഷം നിലനിർത്താൻ സഹായിക്കുന്നു.
• നഗരജീവിതത്തിന്റെ തിരക്കുകളിൽ നമ്മൾ പലപ്പോഴും കുടുംബത്തോടൊപ്പം ചിലവഴിക്കേണ്ട സമയങ്ങൾ നഷ്ടപ്പെടുന്നു. ഒന്നിച്ചു ഭക്ഷണം കഴിക്കുക, നല്ലൊരു സിനിമ കാണുക, രാത്രി കഥകൾ പറഞ്ഞ് ഉറങ്ങുക - ഈ ചെറുവിഷയങ്ങൾ കുടുംബബന്ധങ്ങൾ പുതുക്കാനും സൗഹൃദം ശക്തമാക്കാനും വലിയ പങ്ക് വഹിക്കുന്നു.
• പ്രതിസന്ധികൾ അനുഭവപ്പെടും തെറ്റുകൾ സംഭവിക്കും ഇവയൊന്നും മനസ്സിൽ വയ്ക്കാതെ പൊറുക്കാൻ പഠിക്കുക. പ്രശ്നങ്ങൾക്ക് പരിഹാരം കാണുവാൻ ഒരുമിച്ചു ചർച്ച ചെയ്യുക. ഇങ്ങനെ ചെയ്യുമ്പോൾ ബന്ധങ്ങൾ ദീർഘകാലം നിലനിൽക്കും.

ലോക്കൽ എക്കോണമി എന്ന ഈ ന്യൂസ് പോർട്ടൽ ജനങ്ങളെ ലോക്കൽ ടു ഗ്ലോബൽ എന്ന നിലയിൽ ഉയർത്തുക എന്നതാണ് ലക്ഷ്യമാക്കുന്നത്. ഈ പോർട്ടലിൽ രാവിലെ പോസിറ്റീവ് വാർത്തകൾ മാത്രമാണ് പോസ്റ്റ് ചെയ്യുന്നത്. രാവിലെ നെഗറ്റീവ് വാർത്ത കേൾക്കാതെ പോസിറ്റീവ് വാർത്തകൾ മാത്രം വായിക്കാൻ ആഗ്രഹിക്കുന്ന ആൾക്കാർ ഈ പോർട്ടൽ സബ്സ്ക്രൈബ് ചെയ്യുക, ഫോളോ ചെയ്യുക.

എന്തിനും നെഗറ്റീവ് കണ്ടെത്തുന്ന ആളുകളുമായുള്ള ഇടപെടൽ: വൈകാരിക അതിരുകളിലേക്കുള്ള ഒരു വഴികാട്ടി... Read More