സംസ്ഥാനത്ത് ഇന്ന് സ്വർണവിലയിൽ വൻ ഇടിവ് നേരിട്ടു. ഒരു പവൻ സ്വർണത്തിന് 1,120 രൂപയുടെ ഇടിവാണിന്നുണ്ടായത്. ഇതോടെ ഒരു പവൻ സ്വർണത്തിന്റെ വില 98,160 രൂപയിലേക്ക് താഴ്ന്നു. ഇന്നലെ രണ്ട് തവണയായി 1,080 രൂപ വർധിച്ച് 99,280 രൂപയിലേക്ക് ഉയർന്ന സ്വർണവിലയുടെ ചരിത്രത്തിലെ ഏറ്റവും ഉയർന്ന നിരക്കെന്ന റെക്കോർഡ് തിരുത്തിയ സ്ഥാനത്താണ് ഇന്ന് വിലയിൽ ഇടിവ് സംഭവിച്ചിരിക്കുന്നത്.

നേരത്തെ, ഡിസംബർ 9ന് 94,920 രൂപ എന്ന ഈ മാസത്തെ ഇതുവരെയുള്ളതിൽ ഏറ്റവും താഴ്ന്ന നിരക്കിൽ വിൽപ്പന നടന്ന സ്വർണത്തിന് തുടർന്നുള്ള ദിവസങ്ങളിൽ വില കുതിച്ചുയരുകയായിരുന്നു. ഡിസംബർ 12ന് രാവിലെ 97,280 രൂപയിലേക്ക് ഉയർന്ന സ്വർണവില ചരിത്രത്തിലെ രണ്ടാമത്തെ ഉയർന്ന നിരക്കെന്ന റെക്കോർഡിലേക്ക് എത്തുകയും ഉച്ചയ്ക്ക് ശേഷം 97,680 രൂപയിലേക്ക് ഉയർന്ന് ഒക്ടോബർ 21ന് സൃഷ്ടിച്ച 97,360 രൂപയുടെ ഏറ്റവും ഉയർന്ന നിരക്കെന്ന റെക്കോർഡ് മറികടന്നിരുന്നു. എന്നാൽ അന്ന് വൈകുന്നേരം തന്നെ വീണ്ടും വില ഉയർന്ന് 98,400 രൂപയിലേക്ക് എത്തി വീണ്ടും റെക്കോർഡ് തിരുത്തിക്കുറിക്കുകയായിരുന്നു. തുടർന്ന് 13-ാം തീയതി വില 98,200 രൂപയിലേക്ക് താഴ്ന്നുവെങ്കിലും ഇന്നലെ വീണ്ടും വില കുതിച്ചുയരുകയും രാവിലെ 98,800 രൂപയിലേക്കും ഉച്ചയ്ക്ക് ശേഷം 99,280 രൂപയിലേക്കും കുതിച്ചുയർന്നിരുന്നു. ഒരു ലക്ഷം രൂപയിലേക്ക് കേവലം 720 രൂപ വ്യത്യാസത്തിലെത്തി സ്വർണവിലയുടെ ചരിത്രത്തിലെ ഏറ്റവും ഉയർന്ന നിരക്കിന്റെ റെക്കോർഡ് ഇന്നലെ സ്വർണം വീണ്ടും തിരുത്തിക്കുറിക്കുകയായിരുന്നു.

ഒരു ഗ്രാം സ്വർണത്തിന്റെ വില ഇന്ന് 140 രൂപ കുറഞ്ഞ് 12,270 രൂപയിലേക്ക് താഴന്നു.

സ്വർണവിലയിൽ ദിവസവുമുണ്ടാകുന്ന മാറ്റം കൃത്യമായി അറിയുവാനായി ഈ പോർട്ടൽ ഫോളോ ചെയ്യുക.