വിൽപ്പന (Sales) എന്നത് ഉൽപ്പന്നം കൈമാറുന്നതിൽ മാത്രം ഒതുങ്ങുന്നില്ല. അത് ഉപഭോക്താവിന്റെ മനസ്സിൽ വിശ്വാസം സ്ഥാപിക്കുന്ന ഒരു പ്രക്രിയകൂടിയാണ്. നല്ല രീതിയിൽ സെയിൽസ് ചെയ്യുമ്പോൾ, ആ ഉപഭോക്താവ് സ്ഥിരം കസ്റ്റമറാകുന്നു. നല്ല രീതിയിൽ സെയിൽസ് ചെയ്യുന്നതിന് വേണ്ടി ഒരു സെയിൽസ്മാൻ എന്തൊക്കെ കാര്യങ്ങളാണ് ശ്രദ്ധിക്കേണ്ടത് എന്നതിനെക്കുറിച്ചാണ് ഇന്ന് നോക്കുന്നത്.

• ഉൽപ്പന്നത്തെക്കുറിച്ചും, മാർക്കറ്റിനെക്കുറിച്ചും, ഉപഭോക്താവിന്റെ ആവശ്യങ്ങളെക്കുറിച്ചും മുൻകൂട്ടി പഠിക്കുക.
• അവരുടെ പ്രശ്നങ്ങൾ, ഇഷ്ടങ്ങൾ, ആവശ്യങ്ങൾ എന്നിവ കേൾക്കുക. കസ്റ്റമരെ കേൾക്കുന്ന വിൽപ്പനക്കാരനെയാണ് അവർ വിശ്വസിക്കുക.
• സത്യസന്ധമായ വിവരങ്ങൾ, ആത്മവിശ്വാസം, സൗഹൃദപരമായ സമീപനം - ഇവ ഉപഭോക്താവിൽ വിശ്വാസം വളർത്തും.
• ഉൽപ്പന്നം/സർവീസ് എങ്ങനെ ഉപകാരപ്പെടും എന്ന് വ്യക്തമായും ലളിതമായും അവതരിപ്പിക്കുക.
• വിലയെക്കാൾ അതിന്റെ ഗുണനിലവാരവും ദീർഘകാല മൂല്യവും വിശദീകരിക്കുക.
• ആദ്യ കണ്ടുമുട്ടലിന് ശേഷം വീണ്ടും ബന്ധപ്പെടുക. 'Customer care' കാണിക്കുന്ന വിൽപ്പനക്കാരനെയാണ് ഉപഭോക്താവ് തിരഞ്ഞെടുക്കുന്നത്.
• വിൽപ്പനയ്ക്കുശേഷവും ഉപഭോക്താവുമായി ബന്ധം പുലർത്തുക. സേവനാനന്തര പിന്തുണ വിൽപ്പനയെ ശക്തമാക്കുന്നു.
• ഉപഭോക്താവ് ചോദിക്കുന്ന ഓരോ ചോദ്യത്തിനും സഹിഷ്ണുതയോടും വ്യക്തതയോടും കൂടി മറുപടി നൽകണം. സംശയം തീർന്നാൽ വാങ്ങാനുള്ള സാധ്യത ഇരട്ടിയാകും.
• ഉൽപ്പന്നം വെറും ''ഫീച്ചർ'' ആയി പറയുന്നതിനു പകരം, ഒരു കഥയിലൂടെ അവതരിപ്പിക്കുക. അത് ഓർമ്മിക്കാൻ ഉപഭോക്താവിന് എളുപ്പമാകും.

സെയിൽസിനെക്കുറിച്ചുള്ള ടിപ്പുകൾ ദിവസവും ലഭിക്കുവാൻ ഈ പോർട്ടൽ ഫോളോ ചെയ്യുക

സെയിൽസ് വർദ്ധിപ്പിക്കാൻ പുതിയ കസ്റ്റമേഴ്സിനെ കണ്ടെത്താം... Read More