നമ്മൾ പലപ്പോഴും വിജയിച്ച ഒരാളെക്കുറിച്ച് പറയുന്നത് ഇങ്ങനെയാണ്.

'അദ്ദേഹത്തിന് ഭാഗ്യം ഉണ്ടായിരുന്നു...' 'ശരിയായ സമയത്ത് ശരിയായ അവസരം കിട്ടി...' 'അതിനാലാണ് അദ്ദേഹം വിജയിച്ചത്...'

പക്ഷേ, വിജയത്തിന്റെ പിന്നാമ്പുറ കഥകൾ പരിശോധിച്ചാൽ മറ്റൊരു സത്യം കാണാം.ഭാഗ്യം ഒരാളുടെ വാതിലിൽ മുട്ടിയതുകൊണ്ടല്ല അദ്ദേഹം വിജയിച്ചത്.വാതിൽ തുറന്ന് പുറത്തേക്കിറങ്ങി, ഓരോ ദിവസവും പരിശ്രമിച്ച്, പഠിച്ച്, തെറ്റുകളിൽ നിന്ന് പാഠമുൾക്കൊണ്ട്, അവസരങ്ങൾ സൃഷ്ടിച്ചതുകൊണ്ടാണ് അദ്ദേഹം വിജയിച്ചത്.

ഒരു വിത്ത് കൈയിൽ കിട്ടിയാൽ അത് ഒരു മരമാകില്ല.അതിന് മണ്ണും വെള്ളവും സൂര്യപ്രകാശവും പരിചരണവും വേണം.അതുപോലെ, ജീവിതത്തിലെ ചെറിയ അവസരങ്ങൾ വലിയ വിജയങ്ങളാകണമെങ്കിൽ അതിന് കഠിനാധ്വാനവും ക്ഷമയും തുടർച്ചയായ പഠനവും ആവശ്യമാണ്.

പരാജയം വന്നാൽ ചിലർ അതിനെ അവസാനമായി കാണും.പക്ഷേ വിജയിക്കുന്നവർ അതിനെ ഒരു പാഠമായി കാണും.

അവർ സ്വയം ചോദിക്കും... 'ഇതിൽ നിന്ന് എനിക്ക് എന്താണ് പഠിക്കാൻ കഴിയുക?' അവിടെ നിന്നാണ് പുതിയ തുടക്കം ആരംഭിക്കുന്നത്.നമ്മൾ പലപ്പോഴും മറ്റുള്ളവരുടെ വിജയം മാത്രം കാണുന്നു.പക്ഷേ അവർ ഉറക്കമൊഴിഞ്ഞ രാത്രികൾ, അവർ അനുഭവിച്ച നിരാശകൾ, അവർ ചെയ്ത ത്യാഗങ്ങൾ, അവർ നേരിട്ട വിമർശനങ്ങൾ-ഇവ പലപ്പോഴും ആരും കാണുന്നില്ല.അതുകൊണ്ടാണ് ലോകം അതിനെ 'ഭാഗ്യം' എന്ന് വിളിക്കുന്നത്.

യഥാർത്ഥത്തിൽ, ഭാഗ്യം എന്നത് ഒരൊറ്റ ദിവസം സംഭവിക്കുന്ന അത്ഭുതമല്ല.ഓരോ ദിവസവും ശരിയായ തീരുമാനങ്ങൾ എടുക്കുകയും, ചെറിയ ചെറിയ പുരോഗതികൾ ഉണ്ടാക്കുകയും, കൈവിടാതെ മുന്നോട്ട് പോകുകയും ചെയ്യുന്ന ഒരാളുടെ ജീവിതത്തിൽ രൂപപ്പെടുന്ന ഫലമാണ്.

ഇന്ന് നിങ്ങളുടെ ജീവിതം നിങ്ങൾ ആഗ്രഹിക്കുന്ന നിലയിലല്ലെങ്കിൽ നിരാശപ്പെടേണ്ടതില്ല.

ഇന്ന് നിങ്ങൾ പഠിക്കുന്ന ഒരു പുതിയ കഴിവ് ഇന്ന് നിങ്ങൾ ചെയ്യുന്ന ഒരു അധിക ശ്രമം ഇന്ന് നിങ്ങൾ മാറ്റുന്ന ഒരു നല്ല ശീലം.ഇവയെല്ലാം ചേർന്നാണ് നാളെയുടെ 'ഭാഗ്യം' രൂപപ്പെടുന്നത്. അതുകൊണ്ട്, ഭാഗ്യം വരാൻ കാത്തിരിക്കരുത്.

നിങ്ങളുടെ ഇന്നത്തെ ശീലങ്ങൾ... നാളത്തെ ജീവിതം തീരുമാനിക്കും... Read More

നിങ്ങളുടെ അറിവ് വർധിപ്പിക്കൂ.നിങ്ങളുടെ കഴിവുകൾ മെച്ചപ്പെടുത്തൂ.ധൈര്യത്തോടെ തീരുമാനങ്ങളെടുക്കൂ.തുടർച്ചയായി പ്രവർത്തിക്കൂ. ഒരു ദിവസം ആളുകൾ നിങ്ങളുടെ വിജയത്തെ 'ഭാഗ്യം' എന്ന് വിളിക്കും.

പക്ഷേ നിങ്ങൾക്ക് അറിയാം.അത് ഭാഗ്യമല്ല വർഷങ്ങളായുള്ള പരിശ്രമത്തിന്റെയും പഠനത്തിന്റെയും അർപ്പണബോധത്തിന്റെയും ഫലമാണ്. അദ്ദേഹത്തിന് ഭാഗ്യം ലഭിച്ചതല്ല അദ്ദേഹം തന്റെ ഭാഗ്യം സ്വയം സൃഷ്ടിച്ചതാണ്.

ലോക്കൽ എക്കോണമി എന്ന ഈ ന്യൂസ് പോർട്ടൽ ജനങ്ങളെ ലോക്കൽ ടു ഗ്ലോബൽ എന്ന നിലയിൽ ഉയർത്തുക എന്നതാണ് ലക്ഷ്യമാക്കുന്നത്. ഈ പോർട്ടലിൽ രാവിലെ പോസിറ്റീവ് വാർത്തകൾ മാത്രമാണ് പോസ്റ്റ് ചെയ്യുന്നത്. രാവിലെ നെഗറ്റീവ് വാർത്ത കേൾക്കാതെ പോസിറ്റീവ് വാർത്തകൾ മാത്രം വായിക്കാൻ ആഗ്രഹിക്കുന്ന ആൾക്കാർ ഈ പോർട്ടൽ സബ്സ്ക്രൈബ് ചെയ്യുക, ഫോളോ ചെയ്യുക.