- Trending Now:
- Cough syrups
- Wipro
- syrup
Sections
Sections
പാര്‍ട്സ് വാങ്ങിയ തീയതി മുതലാണ് ഉപഭോക്താവിന് ഇതിന്റെ ആനുകൂല്യം ലഭിക്കുന്നത്
തങ്ങളുടെ ഉപഭോക്താക്കള്‍ക്കായി ലൈഫ് ടൈം പാര്‍ട്സ് വാറന്റി സ്‌കീം പ്രഖ്യാപിച്ച് സ്വീഡിഷ് നിര്‍മാതാക്കളായ വോള്‍വോ കാര്‍ ഇന്ത്യ. പുതിയ പദ്ധതി ഉപഭോക്താക്കള്‍ക്ക് തങ്ങളുടെ മോഡല്‍ യാതൊരു ലേബര്‍ ചെലവും നല്‍കാതെ തന്നെ സര്‍വീസ് ചെയ്യാന്‍ അനുവദിക്കുകയും ചെയ്യുന്നു.
ഇന്ത്യയില്‍ ആദ്യമായാണ് ഒരു വാറന്റിയുടെ സ്റ്റാന്‍ഡേര്‍ഡ് കാലയളവിനുശേഷവും വാങ്ങിയ പാര്‍ട്സുകള്‍ക്ക് ലൈഫ് ടൈം വാറന്റി ലഭിക്കുന്നതെന്നും റിപ്പോര്‍ട്ടില്‍ പറയുന്നു. പാര്‍ട്സ് വാങ്ങിയ തീയതി മുതലാണ് ഉപഭോക്താവിന് ഇതിന്റെ ആനുകൂല്യം ലഭിക്കുന്നത്.
പുതിയ ജാഗ്വാര്‍ എഫ്-പേസ് എസ് വി ആറിന്റെ ഡെലിവറി ഇന്ത്യയില്‍ ആരംഭിച്ചു
... Read More
കാറിന്റെ ഉടമസ്ഥാവകാശം മാറാത്ത സമയം വരെ ഈ ആനുകൂല്യം നിലനില്‍ക്കുമെന്നും കമ്പനി വ്യക്തമാക്കിയിട്ടുണ്ട്. നിലവില്‍ വില്‍ക്കുന്ന വോള്‍വോ കാറുകള്‍ക്കും വരാനിരിക്കുന്ന S90, XC60 പെട്രോള്‍ മൈല്‍ഡ്-ഹൈബ്രിഡ് കാറുകള്‍ക്കും ഇത് ബാധകമാണ്. ഒക്ടോബര്‍ 19 -ന് വോള്‍വോ രണ്ട് മോഡലുകളെയും രാജ്യത്ത് അവതരിപ്പിക്കുമെന്നാണ് അറിയിച്ചിരിക്കുന്നത്. ഇവിടെ ഒരു സമ്പൂര്‍ണ്ണ പെട്രോള്‍ പോര്‍ട്ട്‌ഫോളിയോയിലേക്കുള്ള പരിവര്‍ത്തനത്തിനുള്ള പ്രതിബദ്ധതയ്ക്ക് ഇത് അടിവരയിടുന്നുവെന്നും കമ്പനി വ്യക്തമാക്കി.
ഇന്ത്യയില്‍ ആദ്യമായാണ് ആഡംബര വാഹന ഉപഭോക്താക്കള്‍ക്ക് ഇത്തരമൊരു സംരംഭം നല്‍കുന്നതെന്ന് വോള്‍വോ കാര്‍ ഇന്ത്യ മാനേജിംഗ് ഡയറക്ടര്‍ ജ്യോതി മല്‍ഹോത്ര പറഞ്ഞു. ഉപഭോക്താക്കള്‍ക്ക് സുരക്ഷിതമായ കാര്‍ ഉടമസ്ഥാവകാശം നല്‍കുന്ന ഓട്ടോമോട്ടീവ് വ്യവസായത്തിലെ അതുല്യമായ ഓഫറാണിതെന്നും അവര്‍ വ്യക്തമാക്കി.
ഉത്സവ സീസണോട് അനുബന്ധിച്ച് കൈനിറയെ ഓഫറുകള്‍ പ്രഖ്യാപിച്ച് നിസാനും ഡാറ്റ്‌സനും
... Read More
സ്വീഡിഷ് കാര്‍ നിര്‍മാതാക്കളുടെ അഭിപ്രായത്തില്‍, ഏതെങ്കിലും യഥാര്‍ത്ഥ വോള്‍വോ ഭാഗത്തിന് മെറ്റീരിയല്‍ അല്ലെങ്കില്‍ നിര്‍മ്മാണ തകരാറിന്റെ ഫലമായി അറ്റകുറ്റപ്പണികള്‍ അല്ലെങ്കില്‍ മാറ്റിസ്ഥാപിക്കല്‍ ആവശ്യമാണെങ്കില്‍, ആ ഭാഗം ഒരു അംഗീകൃത സേവന കേന്ദ്രത്തില്‍ സൗജന്യമായി നന്നാക്കുകയോ മാറ്റിസ്ഥാപിക്കുകയോ ചെയ്യും.
ഹാര്‍ഡ്വെയര്‍ മാറ്റിസ്ഥാപിക്കലുമായി ബന്ധമില്ലാത്ത ഭാഗങ്ങള്‍, ഉപഭോഗവസ്തുക്കള്‍, ബാറ്ററികള്‍, ആക്‌സസറികള്‍, സോഫ്റ്റ്വെയര്‍ എന്നിവയുടെ സാധാരണ തേയ്മാനത്തിന് ഈ പദ്ധതി ബാധകമല്ലെന്നും കമ്പനി വ്യക്തമാക്കുന്നു. പുതിയ കാര്‍ വാറന്റി അല്ലെങ്കില്‍ വിപുലീകരിച്ച വാറന്റി അല്ലെങ്കില്‍ ഗുഡ് വില്‍ വാറന്റി പ്രകാരം മാറ്റിസ്ഥാപിച്ച ഭാഗങ്ങള്‍ ഈ സ്‌കീമിന് കീഴില്‍ വരില്ലെന്നും റിപ്പോര്‍ട്ടില്‍ പറയുന്നു.
The Local Economy is an online business news portal based in Kerala. International, national and local news related to business will reach the.
More..
ThelocalEconomy.in Copyright (c) 2024. All Rights Reserved.
 (1).png)
 (2).png)
ഇവിടെ പോസ്റ്റു ചെയ്യുന്ന അഭിപ്രായങ്ങൾ THE LOCAL ECONOMY ടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.