- Trending Now:
Sections
Sections
മുംബൈ: പൊതുമേഖലാ ബാങ്കുകളുടെ ഹാക്കത്തോൺ പരമ്പരയായ പിഎസ്ബി ഹാക്കത്തോൺ സീരീസ് 2026ന്റെ ഭാഗമായി യൂണിയൻ ബാങ്ക് ഓഫ് ഇന്ത്യ സംഘടിപ്പിച്ച ഐഡിയ 2.0 ഹാക്കത്തോണിന്റെ ഗ്രാൻഡ് ഫിനാലെ മുംബൈയിലെ കെ.ജെ. സോമയ്യ സ്കൂൾ ഓഫ് എൻജിനീയറിംഗിൽ നടന്നു.
ഐഐടി ഭിലായ് ടീം Syntax_error വിജയികളായി. ഐഐടി ഗുവാഹത്തി ടീം MoneyLords ഒന്നാം റണ്ണറപ്പും ഐഐടി നാഗ്പൂർ ടീം Coded Hearts രണ്ടാം റണ്ണറപ്പുമായി. പുണെയിലെ സിംബയോസിസ് ഇന്റർനാഷണലിന്റെ ചെക്ക് മേറ്റ്സ് ആണ് മികച്ച വനിതാ ടീം. ആകെ 13 ലക്ഷം രൂപയുടെ ക്യാഷ് പ്രൈസുകൾ വിതരണം ചെയ്തു.
സൈബർ സുരക്ഷയും തട്ടിപ്പ് തടയലും ജനറേറ്റീവ് എഐ ഉപയോഗിച്ച് ഉപഭോക്തൃ അനുഭവം മെച്ചപ്പെടുത്തലുമായിരുന്നു ഹാക്കത്തോണിന്റെ പ്രമേയം. രാജ്യത്തുടനീളം 1,511 എൻട്രികൾ ലഭിച്ചു. എഐ, ഫിൻടെക്, സൈബർ സുരക്ഷ, ഡിജിറ്റൽ ട്രസ്റ്റ്, ഉപഭോക്തൃ സുരക്ഷ തുടങ്ങിയ മേഖലകളിലെ ആശയങ്ങളാണ് അന്തിമഘട്ടത്തിൽ അവതരിപ്പിച്ചത്.
യുവ ഇന്നൊവേറ്റർമാരെയും ബാങ്കിംഗ് മേഖലയെയും ബന്ധിപ്പിക്കുന്ന ഇത്തരം ഹാക്കത്തോണുകൾ യാഥാർഥ്യ പ്രശ്നങ്ങൾക്ക് പരിഹാരം കണ്ടെത്താൻ സഹായിക്കുമെന്ന് യൂണിയൻ ബാങ്കിന്റെ എംഡിയും സിഇഒയുമായ അശീഷ് പാണ്ഡെ പറഞ്ഞു. സുരക്ഷ, വിശ്വാസം, സൗകര്യം എന്നിവയ്ക്കൊപ്പം എഐ ഉൾപ്പെടെയുള്ള പുതിയ സാങ്കേതികവിദ്യകൾ പ്രായോഗികവും അളക്കാവുന്നതുമായ ഫലങ്ങളിലേക്ക് എത്തിക്കുകയാണ് ലക്ഷ്യമെന്നും അദ്ദേഹം വ്യക്തമാക്കി.
The Local Economy is an online business news portal based in Kerala. International, national and local news related to business will reach the.
More..
ThelocalEconomy.in Copyright (c) 2026. All Rights Reserved.
ഇവിടെ പോസ്റ്റു ചെയ്യുന്ന അഭിപ്രായങ്ങൾ THE LOCAL ECONOMY ടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.