നോയിഡ: ഹെവി കൺസ്ട്രക്ഷൻ ഉപകരണ നിർമാതാക്കളായ സാനി ഇന്ത്യ ബൗമ കോൺഎക്സ്പോ ഇന്ത്യ 2026ൽ 13 പുതിയ ഉൽപ്പന്നങ്ങളുൾപ്പെടെ 31 യന്ത്രങ്ങളുടെ വിപുലമായ ശ്രേണി അവതരിപ്പിച്ചു. 'ഒരുമിച്ച് ഭാവി കെട്ടിപ്പടുക്കുക' എന്ന പ്രമേയത്തിൽ നിർമാണം, ഖനനം, റോഡ് നിർമാണം, ഡീപ് ഫൗണ്ടേഷൻ, തുറമുഖ പ്രവർത്തനങ്ങൾ, മെറ്റീരിയൽ ഹാൻഡ്ലിങ്, ഹെവി ഡ്യൂട്ടി ഗതാഗതം തുടങ്ങിയ മേഖലകൾക്കുള്ള ഉപകരണങ്ങളാണ് പ്രദർശിപ്പിച്ചത്.

വൈദ്യുതീകരണം, സാങ്കേതികവിദ്യ, സുസ്ഥിരത എന്നിവയ്ക്കാണ് പ്രദർശനത്തിൽ കമ്പനി പ്രാധാന്യം നൽകിയത്. ഇലക്ട്രിക് എക്സ്കവേറ്ററുകൾ, വീൽ ലോഡറുകൾ, മൈനിംഗ് ട്രക്കുകൾ, റീച്ച് സ്റ്റാക്കറുകൾ, ഏരിയൽ വർക്ക് പ്ലാറ്റ്ഫോമുകൾ, ഹെവി ഡ്യൂട്ടി വാഹനങ്ങൾ എന്നിവയും പ്രദർശനത്തിലുണ്ട്. എസ്വൈ215സി-9എൽസി ക്വാറി, എസ്വൈ210സി-9 ക്വാറി, എസ്വൈ215ഇ ഇലക്ട്രിക് എക്സ്കവേറ്ററുകൾ, എസ്ഡബ്ല്യൂ936ഇ ഇലക്ട്രിക് വീൽ ലോഡർ, എസ്ആർ185ഡിഡബ്ള്യു ഡീപ് ഫൗണ്ടേഷൻ റിഗ്, എസ്കെടി115ഇ ഇലക്ട്രിക് മൈനിംഗ് ട്രക്ക്, എസ്ആർഎസ്സി45ഇ3 ഇലക്ട്രിക് റീച്ച് സ്റ്റാക്കർ, എസ്പിടി42 ടെലിസ്കോപിക് ബൂം ലിഫ്റ്റ്, സാനി 5565ഇ ഇലക്ട്രിക് ട്രാക്ടർ, സാനി 3555ഇ ഇലക്ട്രിക് ടിപ്പർ എന്നിവയാണ് പുതിയ മോഡലുകളിൽ പ്രധാനപ്പെട്ടവ.

ഇന്ത്യയുടെ അടിസ്ഥാനസൗകര്യ വികസനത്തിനൊപ്പം ഉൽപ്പാദനക്ഷമതയും സുസ്ഥിരതയും മുന്നോട്ടുകൊണ്ടുപോകുന്ന സാങ്കേതികവിദ്യകൾ അവതരിപ്പിക്കുകയാണ് ലക്ഷ്യമെന്ന് സാനി ഇന്ത്യ വൈസ് ചെയർമാനും മാനേജിംഗ് ഡയറക്ടറുമായ ദീപക് ഗാർഗ് പറഞ്ഞു.

ഇന്ത്യയിൽ ഏകദേശം 42 ഡീലർമാരും 260ലേറെ ടച്ച് പോയിന്റുകളുമുള്ള സാനി ഇന്ത്യ, ഇന്ത്യയിലും ദക്ഷിണേഷ്യൻ വിപണികളിലുമായി 45,000ലേറെ യന്ത്രങ്ങൾ വിതരണം ചെയ്തിട്ടുണ്ടെന്നും കമ്പനി അറിയിച്ചു.