- Trending Now:
- Cough syrups
- Wipro
- syrup
സര്വീസ് ആരംഭിച്ച ഏപ്രില് 11 മുതല് 20 വരെ 1,26,818 കിലോമീറ്റര് സര്വീസ് നടത്തിയപ്പോഴാണ് ഇത്രയും തുക ടിക്കറ്റ് ഇനത്തില് വരുമാനം ലഭിച്ചത്
കെഎസ്ആര്ടിസി സ്വിഫ്റ്റിന് പത്തു ദിവസത്തെ വരുമാനം 61,71,908 രൂപ. സര്വീസ് ആരംഭിച്ച ഏപ്രില് 11 മുതല് 20 വരെ 1,26,818 കിലോമീറ്റര് സര്വീസ് നടത്തിയപ്പോഴാണ് ഇത്രയും തുക ടിക്കറ്റ് ഇനത്തില് വരുമാനം ലഭിച്ചത്. എസി സ്ലീപ്പര് ബസില്നിന്നും 28,04,403 രൂപയും, എസി സീറ്ററിന് 15,66,415 രൂപയും, നോണ് എസി സര്വീസിന് 18,01,090 രൂപയുമാണ് വരുമാനം ലഭിച്ചത്.
നിലവില് 30 ബസുകളാണ് സര്വീസ് നടത്തുന്നത്. എസി സ്ലീപ്പര് സര്വീസിലെ 8 ബസുകളും ബെംഗളൂരുവിലേക്കാണ് സര്വീസ് നടത്തുന്നത്. എസി സീറ്റര് ബസുകള് പത്തനംതിട്ട- ബെംഗളൂരു, കോഴിക്കോട്- ബെംഗളൂരു എന്നിവടങ്ങിലേക്കും, ആഴ്ചയിലെ അവധി ദിവസങ്ങളില് ചെന്നൈയിലേക്കും, തിരുവനന്തപുരം- കോഴിക്കോട് റൂട്ടിലുമാണ് സര്വീസ് നടത്തിയത്.
തിരുവനന്തപുരത്തു നിന്നും കോഴിക്കോട്, കണ്ണൂര്, സുല്ത്താന് ബത്തേരി, മാനന്തവാടി എന്നിവിടങ്ങിലേക്കാണ് നോണ് എസി സര്വീസ് നടത്തുന്നത്. ബസുകളുടെ പെര്മിറ്റിനു നല്കിയ അപേക്ഷയുടെ അടിസ്ഥാനത്തില് പെര്മിറ്റ് ലഭിക്കുന്ന മുറയ്ക്ക് ഉടന് തന്നെ 100 ബസുകളും സര്വീസ് ആരംഭിക്കുമെന്ന് കെഎസ്ആര്ടിസി സ്വിഫ്റ്റ് മാനേജ്മെന്റ് അറിയിച്ചു.
ഇവിടെ പോസ്റ്റു ചെയ്യുന്ന അഭിപ്രായങ്ങൾ THE LOCAL ECONOMY ടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.