കൊച്ചി: ഡാറ്റാ അടിസ്ഥാന സൗകര്യങ്ങളിൽ രാജ്യത്തിന്റെ സ്ഫോടനാത്മകമായ വളർച്ചാ തരംഗത്തിന്റെ വാഹകർ എന്ന നിലയിൽ കൊച്ചി ദക്ഷിണേന്ത്യയിലെ എഐ ഫോർവേഡ് ഡെസ്റ്റിനേഷനായും ഡാറ്റാ സെന്റർ ഹബ്ബായും മാറിക്കൊണ്ടിരിക്കുന്നു.

2025 അവസാനത്തോടെ ഇന്ത്യയുടെ ഡാറ്റാ സെന്റർ ശേഷി 2,070 മെഗാവാട്ടിൽ എത്തുമെന്ന് പ്രതീക്ഷിക്കുന്നതിനാൽ പ്രാദേശിക ഡാറ്റാസ്ഫിയർ വളർച്ചയും ചെലവ്കാര്യക്ഷമതാ നേട്ടങ്ങളും കാരണം പുതിയ ഡാറ്റാ സെന്റർ നിക്ഷേപങ്ങൾക്ക് കൊച്ചി പോലുള്ള വളർന്നുവരുന്ന ഡിജിറ്റൽ നഗരങ്ങൾ മുൻഗണന നേടുന്നു. ഇത് ഇന്ത്യയുടെ വികസിച്ചുകൊണ്ടിരിക്കുന്ന ഡിജിറ്റൽ ആവാസ വ്യവസ്ഥയിൽ ഒരു സുപ്രധാന കേന്ദ്രമായി കൊച്ചിയെ മാറ്റുന്നു. പ്രത്യേകിച്ചും ആഭ്യന്തര, ആഗോള സാങ്കേതിക സ്ഥാപനങ്ങളെ ഇത് ആകർഷിക്കുന്നത് തുടരുന്നതിനാൽ.

കൊച്ചിയുടെ വികസിച്ചുകൊണ്ടിരിക്കുന്ന ഡിജിറ്റൽ സാന്നിധ്യത്തിന് അനുസൃതമായിക്കൊണ്ട് തന്നെയാണ് നഗരങ്ങളിലെ അടിസ്ഥാന സൗകര്യങ്ങളിൽ ചിന്താപൂർവം കൊണ്ടുവരുന്ന മെച്ചപ്പെടുത്തലുകളും സംഭവിക്കുന്നത്. അതിൽ സ്മാർട്ട് വീഡിയോ അനലിറ്റിക്സ് സിസ്റ്റങ്ങളുടെ സംയോജനവും ഉൾപ്പെടുന്നു. താമസക്കാർക്കും സന്ദർശകർക്കും ഒരുപോലെ ദൈനംദിന സുരക്ഷ, കാര്യക്ഷമത, പൊതു സേവനങ്ങൾ എന്നിവ മെച്ചപ്പെടുത്തുക എന്ന ലക്ഷ്യത്തോടെ സ്മാർട്ട് സിറ്റി ദർശനത്തിന്റെ ഭാഗമായി നഗര പൊതു ഇടങ്ങളിലും, ഗതാഗത കേന്ദ്രങ്ങളിലും, അവശ്യ സേവന മേഖലകളിലും നൂതനമായ എഐ നിയന്ത്രിത ക്യാമറകളും വീഡിയോ അനലിറ്റിക്സും സ്വീകരിച്ചിരിക്കുന്നു.

ഗതാഗത നിയമങ്ങൾ നടപ്പിലാക്കലും മാലിന്യ നിരീക്ഷണവും മുതൽ ജനക്കൂട്ട നിരീക്ഷണവും അടിയന്തര പ്രതികരണവും വരെയുള്ള കാര്യങ്ങളിൽ ആധുനിക വീഡിയോ, അനലിറ്റിക്സ് സംവിധാനങ്ങൾ വലിയ അളവിലുള്ള വീഡിയോ ഡാറ്റയെ ആശ്രയിക്കുന്നു. ഹൈഡെഫനിഷൻ ക്യാമറകൾ, ഇൻസൈറ്റ് അനലിറ്റിക്സ്, റിയൽടൈം അലേർട്ടുകൾ എന്നിവ നഗര ഭരണത്തിന്റെ അടിസ്ഥാനമായി മാറുകയാണ്. എന്നാൽ സംഭരണ അടിസ്ഥാന സൗകര്യങ്ങളിലെ വൻ ആവശ്യകത സൃഷട്ടിക്കുന്നു ഈ ഡിജിറ്റൽ ഇന്റലിജൻസ്. ഡാറ്റ ആവശ്യങ്ങൾ വർദ്ധിക്കുമ്പോൾ വിപുലീകരിക്കാവുന്നതും സുരക്ഷിതവും എഐ തയ്യാറായതുമായ സംഭരണം പ്രവർത്തന വിജയത്തിന്റെ കാതലായി മാറുന്നു.

ഉയർന്ന ഈർപ്പം, ചൂട്, ഊർജ്ജ ഉപഭോഗം തുടങ്ങിയ ഘടകങ്ങൾ സവിശേഷമായ വെല്ലുവിളികൾ ഉയർത്തുന്ന കൊച്ചി പോലുള്ള ചലനാത്മകവും വേഗത്തിൽ വളരുന്നതുമായ നഗരങ്ങളിൽ വിശ്വസനീയമായി പ്രവർത്തിക്കാനും ഡാറ്റ സമഗ്രത സംരക്ഷിക്കാനുമാണ് വീഡിയോ, അനലിറ്റിക്സ് ഹാർഡ് ഡ്രൈവുകൾ നിർമ്മിച്ചിരിക്കുന്നത്.

ദക്ഷിണേന്ത്യയിലെ ഒരു എഐ മുന്നേറ്റ കേന്ദ്രമായി കൊച്ചി സ്വയം നിലകൊള്ളുന്നതിനാൽ ഹാർഡ് ഡ്രൈവുകളെ തന്ത്രപരമായ ആസ്തികളായി കണക്കാക്കുന്നതിലേക്ക് ഊന്നൽ മാറണം. തീരുമാനമെടുക്കുന്നവരും സിസ്റ്റം ഇന്റഗ്രേറ്റർമാരും പൊതു ഏജൻസികളും ഭാവിയിലെ ഡാറ്റ വളർച്ചയ്ക്കനുസരിച്ച് സ്റ്റോറേജ് ഇൻഫ്രാസ്ട്രക്ചർ ഏത് വേണമെന്നതിന് മുൻഗണന നൽകണം. ഇവ വെറും സാങ്കേതിക സവിശേഷതകളല്ല, പ്രവർത്തന തുടർച്ച, പൊതുജന വിശ്വാസം, നഗര പ്രതിരോധം എന്നിവയിലെ ദീർഘകാല നിക്ഷേപങ്ങളാണ്.