കമ്പനികൾ രണ്ടുതരം ഉണ്ട്

1) പ്രൈവറ്റ് ലിമിറ്റഡ് കമ്പനികൾ
2) പബ്ലിക് ലിമിറ്റഡ് കമ്പനികൾ

കമ്പനിയിൽ മൂലധനമായി ഇടാൻ വലിയ തുകയും ഓഹരി പങ്കാളികളും ഉണ്ടെങ്കിൽ പബ്ലിക് ലിമിറ്റഡ് കമ്പനിയായ രജിസ്റ്റർ ചെയ്യുന്നതാണ് ഉത്തമം. കുറച്ചു പങ്കാളികളും ഇടത്തരം മൂലധനവും മാത്രമാണെങ്കിൽ പ്രൈവറ്റ് ലിമിറ്റഡ് കമ്പനികളായി രജിസ്റ്റർ ചെയ്യാം.

പ്രൈവറ്റ് ലിമിറ്റഡ് കമ്പനികൾ

നിയമപരമായി പ്രവർത്തിക്കുന്ന സ്ഥാപനമാണ് പ്രൈവറ്റ് ലിമിറ്റഡ് കമ്പനികൾ. പ്രൈവറ്റ് ലിമിറ്റഡ് കമ്പനികളിൽ ചുരുങ്ങിയത് രണ്ട് അംഗങ്ങൾ എങ്കിലും വേണം. ഇതിൽ 200 അംഗങ്ങൾ വരെ ഉൾപ്പെടുത്താൻ സാധിക്കും. ഇവരെ ഓഹരി ഉടമകൾ എന്നാണ് പറയുന്നത്. പ്രൈവറ്റ് ലിമിറ്റഡ് കമ്പനികളിൽ ഡയറക്ടർമാരായി കുറഞ്ഞത് രണ്ടു പേരെങ്കിലും വേണം. ഇവിടെ ഏറ്റവും കുറഞ്ഞ മൂലധനം ഒരുലക്ഷം രൂപയാണ്. എന്നാൽ 2015ലെ കമ്പനീസ് ഭേദഗതി നിയമമനുസരിച്ച് കുറഞ്ഞ മൂലധന പരിധി ഒഴിവാക്കിയിട്ടുണ്ട്.

കമ്പനിയുടെ ഓഹരികൾ കൈമാറ്റം ചെയ്യാൻ സാധിക്കുന്നതിനാൽ ഉടമകൾ മാറിയാലും കമ്പനി എന്നും നിലനിൽക്കും. പ്രൈവറ്റ് ലിമിറ്റഡ് കമ്പനികളിൽ ബാധ്യതയുടെ പരിധി എന്ന് പറയുന്നത് കമ്പനിയുടെ മൂലധനം ആണ്. ഉദാഹരണമായി 5 ലക്ഷം രൂപ മൂലധനത്തിൽ തുടങ്ങുന്ന കമ്പനിയുടെ പരമാവധി ലയബിലിറ്റി 5 ലക്ഷം രൂപ ആയിരിക്കും. അംഗങ്ങൾ മൂലധനമായി നിക്ഷേപിക്കുന്ന തുക ചിലപ്പോൾ പൂർണമായും നഷ്ടമാകും എന്നതാണ് ഇതിന്റെ ന്യൂനത. പാർട്ടണർഷിപ്പ് കമ്പിനിയെപ്പോലെ എന്തെങ്കിലും ബാധ്യതയുണ്ടായാൽ കമ്പിനി ഓഹരി ഉടമ വഹിക്കേണ്ടതില്ലയെന്നതാണ് ഏറ്റവും വലിയ ഗുണം.

പ്രൈവറ്റ് ലിമിറ്റഡ് കമ്പനി തുടങ്ങാൻ ആവശ്യമായ രേഖകൾ

• ലൈസൻസ് സർട്ടിഫൈ അതോറിറ്റിയിൽ നിന്ന് ഡിജിറ്റൽ സിഗ്നേച്ചർ സർട്ടിഫിക്കറ്റ്, ഇത് മാനേജിങ് ഡയറക്ടർ ഉൾപ്പെടെ ഡയറക്ടർ ബോർഡ് അംഗങ്ങളുടെ മുഴുവൻ ഒപ്പം ഡിജിറ്റൽ രൂപത്തിലാക്കാനാണ് ഈ സംവിധാനം.
• ഡയറക്ടർ ഐഡന്റിഫിക്കേഷൻ നമ്പർ( ഡിൻ) കമ്പനി കാര്യമന്ത്രാലയത്തിന്റെ പോർട്ടലിൽ നിന്ന് നേടുക.
• കമ്പനി കാര്യമന്ത്രാലയത്തിന്റെ പോർട്ടലിൽ ഡിജിറ്റൽ സിഗ്നേച്ചർ സർട്ടിഫിക്കറ്റ് രജിസ്റ്റർ ചെയ്യുക.
• സംരംഭകത്തിന്റെ പേര് രജിസ്റ്റർ ചെയ്യുക.
• മെമ്മോറാണ്ടം ഓഫ് അസോസിയേഷൻ ആർട്ടിക്കിൾസ് ഓഫ് അസോസിയേഷൻ എന്നിവ തയ്യാറാക്കുക.
• ആർ. ഒ.സി.യിൽ നിന്ന് സർട്ടിഫിക്കറ്റ് ഓഫ് ഇൻകോർപ്പറേഷൻ ലഭിച്ചാൽ രജിസ്ട്രേഷൻ നടപടികൾ പൂർത്തിയായി.
• തുടർന്ന് കമ്പനിയുടെ പേരിൽ പാൻ, മറ്റു ലൈസൻസുകൾ എന്നിവ കരസ്ഥമാക്കുക.

പാർട്ട്ണർഷിപ് ബിസിനസ്സിനെക്കാൾ ഏറ്റവും മികച്ചതാണ് പ്രൈവറ്റ് ലിമിറ്റഡ് കമ്പിനി. ഇതിൽ മുടക്കുന്ന രൂപയ്ക്ക് മാത്രമാണ് ലയബിലിറ്റിയുണ്ടാവുക. പാർട്ട്ണർമാർ തമ്മിൽ എന്തെങ്കിലും പ്രശ്നമുണ്ടായാൽ രണ്ട് കൂട്ടർക്കും ഒരേ പോലെ നിയമസാധ്യതയുണ്ടാകുന്ന രീതിയാണിത്. മികച്ച ബിസിനസ്സിന് ഏറ്റവും നല്ല മാർഗ്ഗമാണ് പ്രൈവറ്റ് ലിമിറ്റഡ് കമ്പിനി.

ബിസിനസ് പരാജയങ്ങളെ പ്രതിരോധിക്കാനുള്ള മുൻകരുതലുകൾ... Read More

പബ്ലിക് ലിമിറ്റഡ് കമ്പനികൾ

ഒരു പബ്ലിക് ലിമിറ്റഡ് കമ്പനി പബ്ലിക് ആണ്, അതായത് ആർക്കും കമ്പനിയുടെ ഓഹരികൾ വാങ്ങാം. എന്നിരുന്നാലും ഓഹരിയുമകൾ ഏറെയുള്ള സംരംഭങ്ങൾക്ക് അനുയോജ്യമാണ് ഈ രീതി. ഇതും നിയമ സാധ്യതയുള്ള സ്ഥാപനങ്ങൾ ആണ്. 7 അംഗങ്ങൾ അടങ്ങുന്നതാണ് ഒരു പബ്ലിക് ലിമിറ്റഡ് കമ്പനി. ഇവിടെ ഡയറക്ടർമാരായി മൂന്നു പേരെങ്കിലും മിനിമം ഉണ്ടാകണം. പബ്ലിക് ലിമിറ്റഡ് കമ്പനിക്ക് മൂലധന സമാഹരണം നടത്താൻ ഒട്ടേറെ അവസരങ്ങളും മാർഗങ്ങളും ഉണ്ട്.

ഐ പി ഓ യിലൂടെ മൂലധന സമാഹരണം നടത്തി സ്റ്റോക്ക് എക്സ്ചേഞ്ചുകളിൽ ഓഹരികൾ ലിസ്റ്റ് ചെയ്യാനുള്ള അവസരം പബ്ലിക് ലിമിറ്റഡ് കമ്പനികൾക്ക് മാത്രമാണ് ഉള്ളത്. പ്രൈവറ്റ് ലിമിറ്റഡ് കമ്പനിക്കുള്ള എല്ലാ ഗുണവശങ്ങളും പബ്ലിക് ലിമിറ്റഡ് കമ്പനികൾക്കും ബാധകമാണ്. ഉടമകൾ മാറിയാലും ഓഹരി കൈമാറ്റത്തിനുള്ള അധികാരം ഉള്ളതിനാൽ കമ്പനിയുടെ മുന്നോട്ടുള്ള നടത്തിപ്പിന് തടസ്സമില്ല. ബാധ്യതയുടെ കാര്യത്തിലും പ്രൈവറ്റ് ലിമിറ്റഡ് കമ്പനിയുടെ സമാനമായ പരിധിയുണ്ട്. ഓരോ അംഗത്തിന്റെയും മൂലധന നിക്ഷേപത്തിന് അനുസരിച്ചാണ് പരിധി നിശ്ചയിക്കുന്നത്. അതായത് കമ്പനി പ്രതിസന്ധിയിലായാൽ ഓരോ അംഗത്തിനും പരമാവധി നഷ്ടമായേക്കാവുന്ന തുക കമ്പനിയിലെ അവരുടെ മൊത്തം മുതൽമുടക്കാണ്. ഒരു പബ്ലിക് ലിമിറ്റഡ് കമ്പനിയുടെ ഒരു ഷെയർഹോൾഡർ അവർ നിക്ഷേപിച്ച തുകയേക്കാൾ വലിയ തുകയ്ക്ക് കമ്പനിയുടെ ഏതെങ്കിലും നഷ്ടത്തിനോ കടത്തിനോ വ്യക്തിപരമായി ഉത്തരവാദിയല്ല.

പ്രോസ്പെക്ടസ്

ഒരു പബ്ലിക് ലിമിറ്റഡ് കമ്പനി അതിന്റെ പൊതുജനങ്ങൾക്കായി പുറപ്പെടുവിച്ച കമ്പനിയുടെ കാര്യങ്ങളുടെ സമഗ്രമായ പ്രസ്താവനയാണ് പ്രോസ്പെക്ടസ്, കൂടാതെ പബ്ലിക് ലിമിറ്റഡ് കമ്പനികൾക്ക് ഒരു പ്രോസ്പെക്ടസ് നൽകുന്നതിന് നിയമപ്രകാരം ഒരു ആവശ്യകതയുണ്ട്. എന്നിരുന്നാലും, പ്രൈവറ്റ് ലിമിറ്റഡ് കമ്പനികൾക്ക് അത്തരം വ്യവസ്ഥകളൊന്നുമില്ല. കാരണം, പ്രൈവറ്റ് ലിമിറ്റഡ് കമ്പനികൾക്ക് അവരുടെ ഷെയറുകൾ സബ്സ്ക്രൈബുചെയ്യാൻ പൊതുജനങ്ങളെ ക്ഷണിക്കാൻ കഴിയില്ല.

പേര്

2013-ലെ കമ്പനീസ് ആക്ട് പ്രകാരം എല്ലാ പൊതു കമ്പനികളും അവരുടെ പേരിന് ശേഷം 'ലിമിറ്റഡ്' എന്ന വാക്ക് ചേർക്കേണ്ടത് നിർബന്ധമാണ്.

പബ്ലിക് ലിമിറ്റഡ് കമ്പനിയുടെ രജിസ്ട്രേഷനായുള്ള നടപടിക്രമം

• ഡിജിറ്റൽ സിഗ്നേച്ചർ സർട്ടിഫിക്കറ്റ് (DSC)
• ഡയറക്ടർ ഐഡന്റിഫിക്കേഷൻ നമ്പർ (DIN)
• എംസിഎ പോർട്ടലിൽ രജിസ്ട്രേഷൻ
• ഇൻകോർപ്പറേഷൻ സർട്ടിഫിക്കറ്റ്

ചെറുകിട സംരംഭകർക്കും സംരംഭം ആരംഭിക്കാൻ ഉദ്ദേശിക്കുന്നവർക്കുമുള്ള ടിപ്പുകൾ നിരന്തരം ലഭിക്കുവാൻ വേണ്ടി ഞങ്ങളെ ഫോളോ ചെയ്യുക.