Sections

കര്‍ഷകര്‍ക്ക് വേണ്ടി പുതിയ പോര്‍ട്ടല്‍ ആരംഭിച്ച് കേന്ദ്ര സര്‍ക്കാര്‍

Friday, Nov 04, 2022
Reported By admin
portal

രാജ്യത്ത് പ്രകൃതി കൃഷി പ്രോത്സാഹിപ്പിക്കുന്നതിന് സഹായിക്കുമെന്ന് ഔദ്യോഗിക പ്രസ്താവനയില്‍ പറയുന്നു

 

കര്‍ഷക സമൂഹത്തിന്റെ പ്രയോജനത്തിനായി നാഷണല്‍ മിഷന്‍ ഓണ്‍ നാച്ചുറല്‍ ഫാമിംഗ് (NMNF) എന്ന (http://naturalfarming.dac.gov.in) പോര്‍ട്ടല്‍ കൃഷി മന്ത്രി നരേന്ദ്ര സിംഗ് തോമര്‍ ഉദ്ഘാടനം ചെയ്തു. കര്‍ഷകര്‍ക്ക് വേണ്ടി കൃഷി മന്ത്രാലയം വികസിപ്പിച്ചെടുത്തതാണ് ഈ പോര്‍ട്ടല്‍, വ്യാഴാഴ്ച നടന്ന ദേശീയ പ്രകൃതി കാര്‍ഷിക മിഷന്റെ ആദ്യ സ്റ്റിയറിംഗ് കമ്മിറ്റി യോഗത്തിലാണ് പോര്‍ട്ടല്‍ ആരംഭിച്ചത്. 

കര്‍ഷകര്‍ക്ക് ഉപയോഗപ്രദമാകുന്ന ദൗത്യം, നിര്‍വഹണ രൂപരേഖ, വിഭവങ്ങള്‍, നടപ്പാക്കല്‍ പുരോഗതി, കര്‍ഷക രജിസ്‌ട്രേഷന്‍, ബ്ലോഗ് തുടങ്ങിയ എല്ലാ വിവരങ്ങളും പോര്‍ട്ടലില്‍ അടങ്ങിയിരിക്കുന്നു. കൂടാതെ, ഈ വെബ്‌സൈറ്റ് രാജ്യത്ത് പ്രകൃതി കൃഷി പ്രോത്സാഹിപ്പിക്കുന്നതിന് സഹായിക്കുമെന്ന് ഔദ്യോഗിക പ്രസ്താവനയില്‍ പറയുന്നു. എല്ലാവരുടെയും സഹകരണത്തോടെ രാജ്യത്തെ പ്രകൃതിദത്ത കൃഷി ദൗത്യം മുന്നോട്ട് കൊണ്ടുപോകുമെന്ന് സമിതി അധ്യക്ഷനായ തോമര്‍ പറഞ്ഞു.

ഇക്കാര്യത്തില്‍, സംസ്ഥാന സര്‍ക്കാരുകളുമായും കേന്ദ്ര വകുപ്പുകളുമായും ഏകോപിപ്പിച്ച് കര്‍ഷകര്‍ക്ക് അവരുടെ ഉല്‍പന്നങ്ങള്‍ കൂടുതല്‍ എളുപ്പത്തില്‍ വില്‍ക്കുന്നതിന് വിപണി ബന്ധം സാധ്യമാക്കാന്‍ മന്ത്രി ഉദ്യോഗസ്ഥരോട് ആവശ്യപ്പെട്ടു. കേന്ദ്ര ഗ്രാമവികസന മന്ത്രി ഗിരിരാജ് സിംഗ്, ജലശക്തി മന്ത്രി ഗജേന്ദ്ര സിംഗ് ഷെഖാവത്ത്, ഉത്തര്‍പ്രദേശ് കൃഷി മന്ത്രി സൂര്യ പ്രതാപ് ഷാഹി, കേന്ദ്ര കൃഷി സെക്രട്ടറി മനോജ് അഹൂജ, വിവിധ മന്ത്രാലയങ്ങളിലെ മുതിര്‍ന്ന ഉദ്യോഗസ്ഥര്‍ എന്നിവര്‍ യോഗത്തില്‍ പങ്കെടുത്തു. 

പ്രകൃതി കൃഷി പ്രോത്സാഹിപ്പിക്കുന്നതിനായി തന്റെ മന്ത്രാലയം ഒരു റോഡ്മാപ്പ് തയ്യാറാക്കിയിട്ടുണ്ടെന്നും സഹകര്‍ ഭാരതിയുമായി ധാരണാപത്രം ഒപ്പിട്ട് ആദ്യഘട്ടത്തില്‍ 75 സഹകര്‍ ഗംഗ ഗ്രാമങ്ങള്‍ കണ്ടെത്തി കര്‍ഷകര്‍ക്ക് പരിശീലനം നല്‍കിയിട്ടുണ്ടെന്നും ജലശക്തി മന്ത്രി പറഞ്ഞു.

നമാമി ഗംഗേ പദ്ധതിക്ക് കീഴില്‍ സംസ്ഥാനത്ത് പ്രകൃതി കൃഷിയുടെ പ്രോത്സാഹനം ആരംഭിച്ചതായി യുപി കൃഷി മന്ത്രി പറഞ്ഞു. എല്ലാ ബ്ലോക്കുകളിലും പ്രവര്‍ത്തിക്കാന്‍ ഒരു ലക്ഷ്യം നിശ്ചയിക്കുകയും മാസ്റ്റര്‍ പരിശീലനം നടത്തുകയും ചെയ്തിട്ടുണ്ട്. 2021 ഡിസംബര്‍ മുതല്‍ 17 സംസ്ഥാനങ്ങളിലായി 4.78 ലക്ഷം ഹെക്ടര്‍ അധിക പ്രദേശം പ്രകൃതി കൃഷിക്ക് കീഴിലാക്കിയതായി യോഗത്തില്‍ അറിയിച്ചു.

7.33 ലക്ഷം കര്‍ഷകര്‍ പ്രകൃതി കൃഷിയില്‍ മുന്‍കൈയെടുത്തിട്ടുണ്ട്. കര്‍ഷകരുടെ ശുചിത്വത്തിനും പരിശീലനത്തിനുമായി ഏകദേശം 23,000 പരിപാടികള്‍ സംഘടിപ്പിച്ചിട്ടുണ്ട്. നാല് സംസ്ഥാനങ്ങളിലായി ഗംഗാ നദിയുടെ തീരത്ത് 1.48 ലക്ഷം ഹെക്ടറിലാണ് പ്രകൃതി കൃഷി നടപ്പാക്കുന്നത്.


ഇവിടെ പോസ്റ്റു ചെയ്യുന്ന അഭിപ്രായങ്ങൾ THE LOCAL ECONOMY ടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.