ടിസിഎസ്, വിപ്രോ, ഇന്‍ഫോസിസ്, എച്ച്സിഎല്‍ ടെക് തുടങ്ങിയവര്‍ ഈ വര്‍ഷം ഏകദേശം 60,000 സ്ത്രീകളെ നിയമിക്കും 

ടാറ്റ കണ്‍സള്‍ട്ടന്‍സി സര്‍വീസസ്, ഇന്‍ഫോസിസ്, വിപ്രോ, എച്ച്‌സിഎല്‍ ടെക് തുടങ്ങിയ ഐടി ഭീമന്മാര്‍ ലിംഗവൈവിധ്യം മെച്ചപ്പെടുത്തുന്നതിന്റെ ഭാഗമായി ഈ വര്‍ഷം കാമ്പസുകളില്‍ നിന്ന് ഏകദേശം 60,000 സ്ത്രീകളെ നിയമിക്കുമെന്ന് റിപ്പോര്‍ട്ട്.

ഈ വര്‍ഷം എച്ച്സിഎല്ലിലെ കാമ്പസുകളില്‍ നിന്ന് നിയമിച്ച പുതിയ ജീവനക്കാരില്‍ 60% സ്ത്രീകളായിരുന്നു. വിപ്രോയും ഇന്‍ഫോസിസും എന്‍ട്രി ലെവല്‍ റിക്രൂട്ട്‌മെന്റിന്റെ പകുതിയോളം സ്ത്രീകളെ നിയമിക്കാനാണ് പദ്ധതി. TCS- ല്‍, ഇത് കഴിഞ്ഞ മൂന്ന് വര്‍ഷങ്ങളിലേതുപോലെ തന്നെ 38 മുതല്‍ 45% ആയിരിക്കാം.

ഈ വര്‍ഷം കാമ്പസുകളില്‍ നിന്ന് 22,000 പുതുമുഖങ്ങളെ നിയമിക്കാന്‍ പദ്ധതിയിട്ടിരിക്കുന്ന എച്ച്‌സിഎല്‍ ടെക്, വരും വര്‍ഷങ്ങളില്‍ ലിംഗവൈവിധ്യത്തില്‍ 50:50 എന്ന അനുപാതമാണ് കമ്പനി ലക്ഷ്യമിടുന്നത്.

ഇന്ത്യയിലെ സാങ്കേതിക വ്യവസായത്തിന് നിലവില്‍ ലിംഗ വൈവിധ്യ അനുപാതം 33%ആണ്, ഇത് വര്‍ഷങ്ങളായുള്ള വ്യവസായ ഇടപെടലുകളുടെ ഫലമാണെന്ന് വ്യവസായ സ്ഥാപനമായ നാസ്‌കോം പറയുന്നു.

യു എസ് ടി ഈ വര്‍ഷം 10,000 പുതിയ ജീവനക്കാരെ നിയമിക്കും ... Read More

2030 ആകുമ്പോഴേക്കും 45% സ്ത്രീ തൊഴിലാളികളെ സമ്പൂര്‍ണ്ണ തൊഴില്‍ ശക്തിയിലാക്കാന്‍ ഇന്‍ഫോസിസ് ശ്രദ്ധിക്കുന്നു. 2022 സാമ്പത്തിക വര്‍ഷത്തില്‍ 35,000 കോളേജ് ബിരുദധാരികളെ നിയമിക്കാന്‍ പദ്ധതിയിട്ടിട്ടുണ്ടെന്ന് ഇന്‍ഫോസിസ് പറഞ്ഞു.ജൂണ്‍ 30 ന് അവസാനിച്ച പാദത്തില്‍ ഇന്‍ഫോസിസ് 8,304 ജീവനക്കാരെ കൂട്ടിച്ചേര്‍ത്ത് മൊത്തം ജീവനക്കാരുടെ എണ്ണം 2,67,953 ആയി ഉയര്‍ത്തി.

മുന്‍ പാദത്തിലെ 10.9% നെ അപേക്ഷിച്ച് ഈ പാദത്തില്‍ കമ്പനി 13.9% കുറവ് രേഖപ്പെടുത്തി. ഇന്‍ഫോസിസിലെ മൊത്തം തൊഴിലാളികളുടെ 38.6% ഇപ്പോള്‍ സ്ത്രീകളാണെന്നും പ്രസ്താവനയില്‍ പറയുന്നു.

ജാഗ്വാര്‍ ലാന്‍ഡ് റോവറില്‍ വന്‍ നിക്ഷേപത്തിനൊരുങ്ങി  ടാറ്റാ മോട്ടോര്‍സ്... Read More

ഇന്ത്യയിലെ ഏറ്റവും വലിയ ഐടി സേവന കമ്പനിയായ ടിസിഎസ് 15,000 മുതല്‍ 18,000 സ്ത്രീകളെ നിയമിക്കും. 2021-22 സാമ്പത്തിക വര്‍ഷത്തില്‍ ഇന്ത്യയിലെ ക്യാമ്പസുകളില്‍ നിന്ന് 40,000-ലധികം പുതുമുഖങ്ങളെ ടിസിഎസ് നിയമിക്കും. കമ്പനിക്ക് നിലവില്‍ 185,000 വനിതാ അസോസിയേറ്റുകളുണ്ട്.

വരും വര്‍ഷത്തില്‍ വിപ്രോ 12,000 ഫ്രെഷര്‍മാരെ നിയമിക്കും. മുന്‍ സാമ്പത്തിക വര്‍ഷത്തേക്കാള്‍ 33 ശതമാനം കൂടുതലാണത്. അവരില്‍ 2,000 പേര്‍ ആദ്യ പാദത്തില്‍ കമ്പനിയില്‍ ചേര്‍ന്നിട്ടുണ്ട്.

കാമ്പസുകളില്‍ നിന്ന് 30,000 പുതുമുഖങ്ങളെ റിക്രൂട്ട് ചെയ്യുമെന്ന് കമ്പനി അറിയിച്ചു, അവരില്‍ 22,000 പേര്‍ 2023ല്‍ കമ്പനിയില്‍ ചേരും. 50:50 അനുപാതം നിലനിര്‍ത്താന്‍ കമ്പനി പദ്ധതിയിടുന്നു. നിലവില്‍, വിപ്രോ ജീവനക്കാരില്‍ ഏകദേശം 35% സ്ത്രീകളാണ്.