ഭാര്യയാകുന്നത് മാത്രമല്ല, മരുമകളായി മാറുന്നതും സ്ത്രീജീവിതത്തിലെ വലിയ മാറ്റങ്ങളിലൊന്നാണ്. അതുപോലെതന്നെ, അമ്മായിയമ്മയാകുന്നത് സ്ത്രീയുടെ ഒരു പുതിയ പദവിയുമാണ്. ഈ രണ്ട് വ്യക്തിത്വങ്ങളും കുടുംബജീവിതത്തിൽ പ്രധാനപ്പെട്ടവരാണ്. അമ്മായിയമ്മയും മരുമകളും തമ്മിലുള്ള ബന്ധം പലപ്പോഴും കഥകളിലോ സീരിയലുകളിലോ പ്രശ്നപരമായതായാണ് കാണിക്കുന്നത്. എന്നാൽ യഥാർത്ഥ ജീവിതത്തിൽ ഈ ബന്ധം സ്നേഹത്തിലും, ബഹുമാനത്തിലും, പരസ്പര പിന്തുണയിലുമുള്ള ഒരു വിശിഷ്ടബന്ധമാണ്. അതിന് ശ്രമവും മനസ്സും മതിയാകും.

• വിശ്വാസം ആണ് ഒരു ബന്ധത്തിന്റെ അടിസ്ഥാനം. അമ്മായിയമ്മയുടെ ഭാഗത്ത് നിന്ന് നല്ല മനസ്സും, മരുമകളുടെ ഭാഗത്ത് നിന്ന് സത്വവും ഉണ്ടെങ്കിൽ ഈ ബന്ധം നല്ല രീതിയിൽ മുന്നോട്ടു പോകും. സംശയം, കുറ്റപ്പെടുത്തൽ, കുറ്റാന്വേഷണം തുടങ്ങിയവക്ക് ഇടമില്ലാതെ പരസ്പര വിശ്വാസം വളർത്തുന്നത് ഏറെ പ്രധാനമാണ്.
• പഴയകാല ജീവിതശൈലിയും ഇന്നത്തെ പുതിയ ആശയങ്ങളുമായുള്ള പൊരുത്തക്കേട് പ്രശ്നങ്ങൾക്കിടയാകാം. എന്നാൽ ഇത് വിമർശനങ്ങളിലൂടെ അല്ല,പരസ്പരം തുറന്നു സംസാരിച്ച് പോകാം.
• പരസ്പരം ബഹുമാനിക്കുമ്പോഴാണ് സ്നേഹത്തിന്റെ വിത്തുകൾ വളരാൻ തുടങ്ങുന്നത്. മരുമകൾക്ക് അമ്മായിയമ്മ ഒരു അനുഭവസമ്പന്നയായ സ്ത്രീയാണെന്ന് ബോധ്യമാകേണ്ടത് പോലെതന്നെ, അമ്മായിയമ്മയും മരുമകളെ ആലോചനാശേഷിയുള്ള, സ്വതന്ത്രമായ വ്യക്തിത്വമായി കാണേണ്ടതുണ്ട്.
• ഒരു ബന്ധം തർക്കങ്ങളില്ലാതെ നീങ്ങില്ല. പക്ഷേ, ആ പ്രശ്നങ്ങളെ എങ്ങനെ കൈകാര്യം ചെയ്യുന്നു എന്നതാണ് പ്രധാനപ്പെട്ടത്. മനസ്സിലാക്കാനും ക്ഷമിക്കാനും തയ്യാറായാൽ എല്ലാ പ്രശ്നങ്ങളും പരിഹരിക്കാൻ കഴിയും.
• മരുമകൾ അമ്മായി അമ്മയെ തന്റെ അമ്മയെ പോലെ കാണുവാനും അമ്മായിഅമ്മ തന്റെ വീട്ടിലേക്ക് വരുന്ന മരുമകളെ ഒരു അതിഥിയായി കാണാതെ മകളായി ഏറ്റെടുക്കുമ്പോൾ, ആ കുടുംബം ആകാശത്തോളം ഉയരാൻ കഴിയുന്നു.
• ജീവിതത്തിലെ ചിരികളും കണ്ണീരുമാണ് ബന്ധങ്ങൾ ശക്തമാക്കുന്നത്. കുഞ്ഞുങ്ങളുടെ വളർച്ചയിൽ, കുടുംബാഘോഷങ്ങളിൽ, ദുഃഖസമയം താങ്ങുനൽകുമ്പോൾ, അമ്മായിയമ്മയും മരുമകളും തമ്മിൽ നല്ലൊരു ബന്ധം ഉണ്ടാകുന്നു.

ലോക്കൽ എക്കോണമി എന്ന ഈ ന്യൂസ് പോർട്ടൽ ജനങ്ങളെ ലോക്കൽ ടു ഗ്ലോബൽ എന്ന നിലയിൽ ഉയർത്തുക എന്നതാണ് ലക്ഷ്യമാക്കുന്നത്. ഈ പോർട്ടലിൽ രാവിലെ പോസിറ്റീവ് വാർത്തകൾ മാത്രമാണ് പോസ്റ്റ് ചെയ്യുന്നത്. രാവിലെ നെഗറ്റീവ് വാർത്ത കേൾക്കാതെ പോസിറ്റീവ് വാർത്തകൾ മാത്രം വായിക്കാൻ ആഗ്രഹിക്കുന്ന ആൾക്കാർ ഈ പോർട്ടൽ സബ്സ്ക്രൈബ് ചെയ്യുക, ഫോളോ ചെയ്യുക.

ഭയം ജീവിത പരാജയത്തിന് കാരണമോ? എങ്ങനെ പരിഹാരം കാണാം?... Read More