ഒരു ദിവസം 24 മണിക്കൂറാണ് - എന്നാൽ അതിൽ ചിലർ അത്ഭുതങ്ങൾ സൃഷ്ടിക്കുന്നു, മറ്റുചിലർ ഒന്നും ചെയ്യാതെ ദിവസങ്ങൾ കളയുന്നു. വ്യത്യാസം സമയം എങ്ങനെ ഉപയോഗിക്കുമെന്ന് അറിയുന്നവരിലും അറിയാത്തവരിലുമാണ്. ഓരോ ദിവസവും നമ്മുടെ ജീവിതത്തിലെ പുതിയൊരു അവസരമാണ്. അതിനെ ഫലപ്രദമാക്കാൻ ചില മാർഗങ്ങൾ നോക്കാം.

ലക്ഷ്യം നിശ്ചയിക്കുക

പ്രതിദിനം എന്ത് നേടണം എന്നതിനെക്കുറിച്ച് വ്യക്തമായ ലക്ഷ്യം വേണം. ചെറിയ ലക്ഷ്യങ്ങൾ ഉദാഹരണത്തിന് ഇന്ന് ഒരു പുസ്തകത്തിന്റെ 10 പേജ് വായിക്കണം അല്ലെങ്കിൽ ഒരു പുതിയ ക്ലയന്റിനെ കണ്ടുമുട്ടണം ഇതുപോലെ നിശ്ചയിച്ചാൽ മനസ്സിലൊരു ദിശ കിട്ടും.

പ്രാധാന്യമുള്ള കാര്യങ്ങൾ ആദ്യം ചെയ്യുക

മിക്കവാറും ആളുകൾ ചെറുതും അനാവശ്യവുമായ കാര്യങ്ങളിൽ സമയം കളയുന്നു. അടിയന്തിരവും പ്രധാനവുമായ കാര്യങ്ങൾ ആദ്യം ചെയ്യുക, ബാക്കി കാര്യങ്ങൾക്ക് സമയക്രമം വെക്കുക.

ടൈം ടേബിൾ ഉണ്ടാക്കുക

സാധാരണ ദിവസങ്ങളിൽ പോലും ഒരു ചെറിയ 'To-Do List' ഉണ്ടാക്കുക. രാവിലെ എന്ത് ചെയ്യണം, ഉച്ചയ്ക്ക് എന്ത് പൂർത്തിയാക്കണം, വൈകുന്നേരം എന്ത് പഠിക്കണം എന്നൊക്കെയായി വിഭജിച്ചാൽ ദിനം കൂടുതൽ നിയന്ത്രണത്തിൽ വരും.

ധാരണ ശക്തി വർധിപ്പിക്കുക

ഒരു സമയത്ത് ഒരു കാര്യം മാത്രം ചെയ്യുക. സോഷ്യൽ മീഡിയ സ്ക്രോളിംഗ്, അനാവശ്യ ഫോണ്കോളുകൾ തുടങ്ങിയവ ഒഴിവാക്കുക. 25 മിനിറ്റ് ജോലി 5 മിനിറ്റ് ബ്രേക്ക് എന്ന Pomodoro Technique ഉപയോഗിക്കുക.

ജീവിത വിജയത്തിനായി PBAR ഫോർമുല... Read More

ശാരീരിക-മാനസിക ആരോഗ്യം ശ്രദ്ധിക്കുക

ഉയർന്ന എനർജി നിലനിർത്താൻ നല്ല ഉറക്കം, നല്ല ഭക്ഷണം, വ്യായാമം എന്നിവ അനിവാര്യം. ദിവസം ഒരു മണിക്കൂർ ആത്മവിചാരം, ധ്യാനം, അല്ലെങ്കിൽ വായനയ്ക്കായി മാറ്റിവയ്ക്കുക.

അവലോകനം ചെയ്യുക

ദിവസാവസാനം 5 മിനിറ്റ് ചെലവഴിച്ച് സ്വയം ചോദിക്കുക ഇന്നെന്ത് പഠിച്ചു?, എന്ത് മെച്ചപ്പെടുത്തണം. ഇത് സ്വയം വളർച്ചയ്ക്ക് വഴിയൊരുക്കും

സമയം നമുക്ക് സമമായി ലഭിച്ചിട്ടുള്ളതാണ്. അതിനെ എങ്ങനെ ഉപയോഗിക്കുന്നു എന്നതിലാണ് വിജയവും പരാജയവും. ഓരോ ദിവസവും നമുക്ക് പുതിയൊരു അവസരം തന്നെയാണ് അതിനെ മികച്ചതാക്കൂ.

ലോക്കൽ എക്കോണമി എന്ന ഈ ന്യൂസ് പോർട്ടൽ ജനങ്ങളെ ലോക്കൽ ടു ഗ്ലോബൽ എന്ന നിലയിൽ ഉയർത്തുക എന്നതാണ് ലക്ഷ്യമാക്കുന്നത്. ഈ പോർട്ടലിൽ രാവിലെ പോസിറ്റീവ് വാർത്തകൾ മാത്രമാണ് പോസ്റ്റ് ചെയ്യുന്നത്. രാവിലെ നെഗറ്റീവ് വാർത്ത കേൾക്കാതെ പോസിറ്റീവ് വാർത്തകൾ മാത്രം വായിക്കാൻ ആഗ്രഹിക്കുന്ന ആൾക്കാർ ഈ പോർട്ടൽ സബ്സ്ക്രൈബ് ചെയ്യുക, ഫോളോ ചെയ്യുക.